Jetisu oblysyndaǵy volonterlik qozǵalystyń qazirgi jaǵdaiy, jastardy qoǵamdyq júmystarǵa tartu, auyldyq jerlerdegi bastamalardy jandandyru, qoǵamdyq úiymdardy qoldau jáne atqarylǵan júmystardyń áleumettik tiimdiligin baǵalau máseleleri talqylandy. Baspasóz máslihatyna Últtyq volonterler front-ofisiniń basshysy Aibek Dosymbetov, Jetisu oblysy ishki sayasat basqarmasynyń bólim basshysy Janerke Bekseitova jáne «Meiirimdi Jetisu» volonterler front-ofisiniń jetekshisi SHyrai Samatqyzy qatysty. Jiyn barysynda Aibek Dosymbetovke óńirdegi volonterlik qozǵalystyń damu deńgeii turaly súraq qoiyldy. Sonymen qatar Jetisudaǵy qoǵamdyq qyzmettiń basqa oblystarmen salystyrǵandaǵy erekshelikteri, jastardy igi isterge tartu jáne olardyń belsendiligin úzaq uaqyt boiy saqtap qalu joldary sóz boldy. Qozǵalystyń túraqty damuy úshin jastardyń qyzyǵushylyǵyn bir rettik is-sharalarmen ǵana shektemei, olardy úzaq merzimdi áleumettik jobalarǵa júmyldyrudyń mańyzy atap ótildi. Sondai-aq qatysushylardyń tájiribesin jetildiru, oqytu júmystaryn úiymdastyru, ózara bailanys ornatu jáne jańa bastamalardy qoldau qajettigi aityldy. Jetisu oblysy ishki sayasat basqarmasynyń bólim basshysy Janerke Bekseitovaǵa oblys ákimdigi tarapynan qoǵamdyq úiymdarǵa kórsetiletin qoldau sharalary jóninde súraqtar qoiyldy. Ásirese arnaiy baǵdarlamalarǵa, áleumettik jobalarǵa jáne granttyq qarjylandyru tetikterine nazar audaryldy.

Baspasóz máslihatynda auyl jastaryn qoǵamdyq bastamalarǵa tartu máselesi de kóterildi. Eldi mekenderdegi jastardyń áleumettik jobalarǵa qatysuyna jaǵdai jasau, olardyń úsynystaryn qoldau jáne audandyq deńgeidegi toptardyń júmysyn kúsheitu mańyzdy baǵyttardyń biri retinde qarastyryldy. Sonymen birge atqarylǵan qyzmettiń qoǵamǵa tigizetin áserin baǵalau máselesi talqylandy. Jasalǵan júmystardyń nátijesi ótkizilgen is-sharalardyń sanymen ǵana emes, kómek alǵan azamattardyń ómirindegi oń ózgeristermen, qoǵamdyq máselelerdiń sheshiluine qosqan úlespen jáne jastardyń azamattyq belsendiliginiń artuymen ólshenui qajet ekeni aityldy. «Meiirimdi Jetisu» volonterler front-ofisiniń jetekshisi SHyrai Samatqyzy úiymnyń qyzmeti, júzege asyrylǵan bastamalar jáne belsendi jastardyń qoǵam ómirine qosyp júrgen úlesi turaly bayandady. Oǵan jobanyń búgingi kúnge deiingi negizgi jetistikteri, kórsetilgen qoldau arqyly adamdardyń ómirine oń ózgeris ákelgen oqiǵalar jáne úiym qataryna qosylu tártibi jóninde súraqtar qoiyldy.
Posmotretь etu publikatsiyu v Instagram
Jiynda igi isterge atsalysu úshin mindetti túrde úlken tájiribe nemese arnaiy daiyndyq qajet emestigi atap ótildi. Eń bastysy – qoǵamǵa paidasyn tigizuge degen niet, jauapkershilik pen belsendilik. Jastar óz qyzyǵushylyǵyna qarai ekologiyalyq, áleumettik, mádeni, qaiyrymdylyq jáne tótenshe jaǵdailar kezindegi kómek kórsetu baǵyttaryna qatysa alady. Baspasóz máslihatynda kóterilgen máseleler Jetisu oblysyndaǵy volonterlik qozǵalystyń auqymy keńeiip kele jatqanyn kórsetti. Aldaǵy uaqytta qoǵamdyq birlestikter men memlekettik mekemelerdiń bailanysyn nyǵaitu, auyl jastaryna qoljetimdi múmkindikter úsynu jáne áleumettik mańyzy bar túraqty jobalardy kóbeitu mańyzdy mindet bolyp qala bermek. Volonterlik – tek aqysyz eńbek emes, qoǵamdaǵy ózara janashyrlyqty, jauapkershilikti jáne birlikti qalyptastyratyn mańyzdy azamattyq qúndylyq. Sondyqtan osyndai bastamalardy qoldau arqyly belsendi ári meiirimdi qoǵam qúruǵa múmkindik mol.
Aidana Amanjolqyzy
“Q-Andas” aqparat agentiginiń tilshisi.











