Baspasóz máslihaty barysynda óńirdegi tsifrlyq transformatsiyanyń negizgi baǵyttary, júzege asyrylyp jatqan jobalar, tsifrlyq infraqúrylymdy jetildiru máseleleri jáne aldaǵy josparlar tanystyryldy. Basqarma basshysy tsifrlandyrudyń negizgi maqsaty jańa tehnologiyalardy engizumen ǵana shektelmei, túrǵyndarǵa naqty paidasyn tigizip, memlekettik qyzmetterdi alu úderisin jeńildetu ekenin atap ótti. Qazirgi tańda memlekettik qyzmetterdiń basym bóligin onlain formatta kórsetuge, azamattardyń qajetti aqparat pen qyzmetterge jedel qol jetkizuine jáne qoldanystaǵy aqparattyq júielerdiń júmysyn jetildiruge erekshe nazar audarylyp otyr. Búl túrǵyndardyń uaqytyn únemdep, memlekettik mekemelerge tikelei baru qajettiligin azaityp, qyzmet kórsetu sapasyn arttyruǵa múmkindik beredi. Sonymen qatar tsifrlyq tehnologiyalardy damytu oblys ortalyǵy men qalalarda ǵana emes, audandyq jáne auyldyq eldi mekenderde de júzege asyryluda. TSifrlyq qyzmetterdiń qoljetimdiligi azamattyń túrǵylyqty jerine bailanysty bolmauy tiis. Osyǵan bailanysty eldi mekenderdegi internet sapasyn jaqsartu, tsifrlyq infraqúrylymdy damytu jáne túrǵyndardyń zamanaui servisterdi paidalanu múmkindikterin keńeituge basymdyq berilude. Aidyn Jangeldiúlynyń aituynsha, jańa servister men aqparattyq júieler túrǵyndardyń naqty qajettilikterine sai boluy qajet. Azamat memlekettik qyzmetti jyldam alyp, qajetti aqparatqa ońai qol jetkizip, birqatar máseleni qashyqtan sheshe alsa, búl tsifrlyq jobalardyń tiimdiligin kórsetedi. Jiynda halyqtyń tsifrlyq sauattylyǵyn arttyru máselesine de nazar audaryldy. Ásirese egde jastaǵy azamattarǵa, auyl túrǵyndaryna jáne tsifrlyq tehnologiyalardy paidalanu tájiribesi az adamdarǵa túsindiru júmystaryn júrgizudiń mańyzy atap ótildi.
Óńirde qolǵa alynǵan tsifrlyq bastamalar memlekettik organdardyń júmysyn ońtailandyryp, túrǵyndar men bilik arasyndaǵy bailanysty jeńildetuge, qyzmetterdiń ashyqtyǵy men jedeldigin arttyruǵa baǵyttalǵan. Osylaisha tsifrlandyru Jetisu oblysynyń áleumettik-ekonomikalyq damuyna yqpal etetin mańyzdy baǵyttardyń birine ainalyp otyr.
Aidana Amanjolqyzy
“Q-Andas” aqparat agentiginiń tilshisi.
Video túsirgen Jansaya Janarbekqyzy.











