جەتىسۋ وبلىسى تابيعي كورىكتى جەرلەرىمەن، تاريحي-مادەني مۇرالارىمەن جانە تۋريستىك باعىتتارىنىڭ الۋان تۇرلىلىگىمەن ىشكى ءتۋريزمدى دامىتۋعا قولايلى وڭىرلەردىڭ ءبىرى سانالادى. الاكول مەن بالقاش كولدەرى، جوڭعار الاتاۋى، ۇلتتىق پاركتەر مەن تاريحي نىساندار وبلىستىڭ تۋريستىك الەۋەتىن ارتتىرىپ، جىل سايىن كەلۋشىلەر سانىنىڭ وسۋىنە مۇمكىندىك بەرۋدە.
وبلىستا ىشكى ءتۋريزمدى دامىتۋ جۇمىستارى قارقىندى جالعاسۋدا. بيىلعى وڭىردە 24 تۋريستىك شارا وتكىزۋ جوسپارلانعان. ونىڭ 11-ءى بۇگىندە جۇزەگە استى. ال جازعى ماۋسىمدا رەسپۋبليكالىق دەڭگەيدەگى ەكى ءىرى فەستيۆال – «الاكول تولقىنى» مەن «Zhetysu Balkhash Fest – 2026» فەستۆالى وتەدى.

ۇيىمداستىرۋشىلاردىڭ ايتۋىنشا، فەستيۆالدەرگە 10 مىڭنان استام تۋريست قاتىسادى دەپ كۇتىلۋدە. سونداي-اق، ەلىمىزدىڭ تۇكپىر-تۇكپىرىنەن 100-گە جۋىق بۇقارالىق اقپارات قۇرالىنىڭ وكىلى، بلوگەرلەر مەن ينفليۋەنسەرلەر كەلىپ، جالپى اقپاراتتىق قامتۋ كولەمى 10 ميلليون قارالىمعا دەيىن جەتەدى دەپ جوسپارلانعان.
«Jetisu media» اقپاراتتىق الىڭىنداعى ءباسپاسوز ءماسليحاتىندا qandas.kz جەلىلىك باسىلىمىنىڭ تىلشىلەرى جەتىسۋ وبلىسى تۋريزم باسقارماسى باسشىسىنىڭ ورىنباسارى اقجول سىرتتانبەكوۆكە بىرنەشە سۇراق قويدى.
بۇل فەستيۆالدەر ايماقتىڭ ءتۋريستىڭ الەۋەتىن وركەندەتۋگە قانداي ەكونوميكالىق پايدا اكەلەدى دەپ ويلايسىز؟
بۇگىنگى كۇنگە دەيىن وتكەن 11 ءىس-شارانىڭ ناتيجەسى قالاي باعالاندى؟ تۋريستەر سانى مەن ەكونوميكالىق اسەرى تۋرالى ناقتى كورسەتكىشتەرگە توقتالساڭىز؟
وسى سۇراقتاردىڭ تولىققاندى جاۋابىن بەينەماتەريالدان كورە الاسىزدار.
«Q-Andas» اقپاراتتىق اگەنتتىگى.











