بيىلعى جاڭالىق ايماقتاعى سۋ تاپشىلىعى ماسەلەسىن ۇزاق مەرزىمدە شەشۋ ءۇشىن جاڭا سۋ قويمالارىن سالۋ جوسپارلانىپ وتىر. ونىڭ قاتارىندا بىجى، تىشقان، قورعاس، وسەك، بۇيەن، بالىقتى جانە جامانتى وزەن ارنالارىنداعى جوبالار بار. بۇل نىسانداردىڭ ارقايسىسى بەلگىلى ءبىر اۋماقتاعى ەگىستىك جەردى سۋمەن قامتاماسىز ەتۋگە باعىتتالعان.
بىرقاتار جوبا مەملەكەتتىك ساراپتامانىڭ وڭ قورىتىندىسىن الىپ، ەندى قۇرىلىسقا قاجەتتى قۇجاتتاردى ازىرلەۋ جۇمىسى جۇرگىزىلۋدە. ال كەيبىر سۋ قويمالارى بويىنشا تەحنيكالىق-ەكونوميكالىق نەگىزدەمە دايىندالۋدا. جوسپارلانعان سۋ قويمالارىنىڭ جالپى سىيىمدىلىعى 151 ملن تەكشە مەتردەن اسادى.
وبلىستا بۇگىندە اقەشكى، المالى، اشىبۇلاق جانە قىزىلاعاش سۋ قويمالارى جۇمىس ىستەپ تۇر. ولاردىڭ سۋ دەڭگەيى تۇراقتى باقىلاۋدا. دەسە دە، تاۋ وزەندەرىنىڭ الىناتىن سۋ كوزدەرى ەلدىڭ كاسىبى نىڭدە، ەگىنشىلىگىنىڭ قاينارى. سوندىقتان جاڭا سۋ قويمالارىنىڭ سالىنۋى مەن سۋ ەسەبىنىڭ تسيفرلاندىرىلۋى وزەكتى تاقىرىپ.
«سۋ – تىرشىلىك كوزى» دەگەندەي، اعىن سۋدى تىرشىلىكتىڭ ارقاۋىنا اينالدىرۋ ءۇشىن ءالى دە ۇلكەن جۇمىستار اتقارىلعانى ءجون.
ايسۇلۋ باۋىرجانقىزى
ءامينا ساياحاتقىزى
«Q-Andas اقپارات اگەنتتىگىنىڭ تىلشىلەرى.











