Taldyqorǵan qalasynyń mansap ortalyǵy filialynda áleumettik kásipkerlermen mańyzdy kezdesu ótti. Onda kelesi jylǵa josparlanǵan subsidiyalanatyn júmys oryndaryn úiymdastyruǵa qatysty talaptar men mindetterdi túsindiru, sondai-aq, eńbek naryǵyndaǵy ózekti máseleler talqylandy. Kezdesuge qaladaǵy 20-dan astam áleumettik kásipker qatysyp, memlekettik baǵdarlamalardy iske asyru barysyndaǵy jańashyldyqtar men ózgerister jóninde jan-jaqty aqparat aldy.
Jiynǵa «Jetisu oblysynyń júmyspen qamtudy úilestiru jáne áleumettik baǵdarlamalar basqarmasy» memlekettik mekemesiniń «Jetisu oblysy boiynsha Eńbek mobilьdiligi ortalyǵy» kommunaldyq memlekettik mekemesi direktorynyń orynbasary Kamshat Jantekeeva jáne Taldyqorǵan qalasy mansap ortalyǵynyń direktory Azamat Bolatúly qatysty.
Qatysushylarǵa subsidiyalanatyn júmys oryndaryn qúru tártibi, júmys berushilerdiń jauapkershiligi, qatysushylarǵa qoiylatyn talaptar, júmys oryndarynyń saqtaluyn qamtamasyz etu jáne bólingen byudjet qarajatyn tiimdi paidalanu máseleleri keńinen túsindirildi. Sonymen qatar, jastar praktikasy, qoǵamdyq júmystar, áleumettik júmys oryndary jáne «Kúmis jas» jobasy ayasyndaǵy múmkindikter turaly tolyqqandy aqparat berildi.
Kamshat Jantekeeva óńirdegi júmyspen qamtu baǵdarlamalaryn sapaly júzege asyrudyń mańyzdylyǵyna toqtalyp, júmys berushilerdiń memlekettik qoldau sharalaryn tiimdi paidalanu arqyly túrǵyndardy túraqty júmyspen qamtuǵa úles qosuy qajettigin atap ótti. Al Azamat Baltabekov áleumettik kásipkerlerdi halyqty júmyspen qamtu baǵytyndaǵy memlekettik bastamalarǵa belsendi qatysuǵa shaqyrdy.
Kezdesude pilottyq rejimde iske asyrylyp jatqan jańashyldyqtardyń biri retinde júmyssyzdyq mártebesin beru tártibindegi ózgerister de tanystyryldy. Mamandardyń aituynsha, búǵan deiin 3 júmys kúni ishinde beriletin júmyssyzdyq mártebesi endi 13 kúndik kezeń arqyly aiqyndalmaq. Búl azamattardy túraqty júmys oryndaryna ornalastyru múmkindigin arttyruǵa jáne eńbek naryǵyndaǵy naqty jaǵdaidy anyqtauǵa baǵyttalǵan.
Sońynda kásipkerler tolǵandyrǵan júrgen súraqtarǵa túsindiruler men naqty jauaptar aldy. Ashyq formatta ótken jiyn qatysushylar arasynda ózara tájiribe almasuǵa múmkindik berip, memleket pen júmys berushiler arasyndaǵy áriptestikti odan ári nyǵaituǵa yqpal etti.
Áliya Imanjanova,
Taldyqorǵan qalalyq
mansap ortalyǵy filialy
júmyspen qamtu bóliminiń
sektor basshysy.












[…] JAŃA QAǴIDA: «Áleumettik kásipkerlerge jańa talaptar túsindirildi» […]
[…] JAŃA QAǴIDA: «Áleumettik kásipkerlerge jańa talaptar túsindirildi» […]
[…] JAŃA QAǴIDA: «Áleumettik kásipkerlerge jańa talaptar túsindirildi» […]
[…] JAŃA QAǴIDA: «Áleumettik kásipkerlerge jańa talaptar túsindirildi» […]