Eskeldi audandyq kitaphanasynda jurnalist, ólketanushy, «Jetisu ólketanushylar ortalyǵy» qoǵamdyq birlestiginiń direktory, Q-Andas aqparat agenttiginiń bas redaktory Qajet Andaspen kezdesu ótti, dep habarlaidy Q-Andas aqparat agenttigi.
Posmotretь etu publikatsiyu v Instagram
2026 jylǵy 6 qarashada úiymdastyrylǵan «Ólke shejiresin sóiletken qalamger» atty keshte tuǵan jer tarihyn zertteu, ádebi múrany tanytu jáne tarihi jadty saqtau máseleleri sóz boldy. Júzdesu qalamgerdiń shyǵarmashylyq eńbegin oqyrmandarǵa tanystyryp, jas úrpaqtyń ólke tarihyna qyzyǵushylyǵyn arttyrudy maqsat etti.
Keshti úiymdastyruǵa Eskeldi audandyq kitaphanasynyń meńgerushisi Baqytgúl Toilybekova, kitaphanashylar Aiman Naizabekov, Meruert Bekmyrza jáne Roza Ábdirahmanqyzy atsalysty. Kitaphana újymy qalamger men oqyrmannyń erkin pikir almasuyna jaǵdai jasap, mazmúndy júzdesuge úiytqy boldy.
Qajet Andas osy uaqytqa deiin jeke avtor, birlesken avtor jáne qúrastyrushy retinde 64 kitaptyń jaryq kóruine eńbek sińirgen. Qazirgi tańda onyń 37 kitaby elektrondy kitap katalogyna engizilip, oqyrmandarǵa qoljetimdi bolyp otyr. Ólketanu jáne sayasi quǵyn-súrgin taqyrybyndaǵy eńbekterin zertteushiler derek kózi retinde paidalanyp júr.
Qalamgerdiń ólketanu baǵytyndaǵy zertteulerinde Jetisudyń eldi mekenderi, jer-su ataulary, tarihi oryndary, jartas suretteri men mádeni múrasy qamtylady. Ol auyl shejiresin sol jerde ómir súrgen adamdardyń taǵdyrymen bailanystyryp, jergilikti tarihty arhiv qújattary, auyzsha derekter jáne sapar barysynda jinalǵan materialdar arqyly zerdeleidi. Búl eńbekter óńirdiń ótkenin tanyp-biluge, el jadyndaǵy málimetterdi jinaqtap, keiingi úrpaqqa jetkizuge baǵyttalǵan.
Zertteuleriniń mańyzdy arnasy – sayasi quǵyn-súrgin, tárkileu, asharshylyq jáne bosqynshylyq tarihy. Avtor osy kezeńderdegi adam taǵdyrlaryn arhivtik qújattarmen jáne halyq jadynda saqtalǵan esteliktermen sabaqtastyra qarastyrady. Jeke adamdar men otbasylardyń tarihyn jinaqtau arqyly óńirdegi qasiretti oqiǵalardyń zardabyn naqty derekter negizinde tanytuǵa kóńil bóledi.
Kezdesude qalamgerdiń Iliyastanu salasyndaǵy eńbegine de nazar audaryldy. Onyń búl baǵyttaǵy izdenisteri Iliyas Jansúgirovtiń jurnalistik qyzmeti men baspasózde jariyalanǵan múrasyn zerdeleudi qamtidy. Eski gazet-jurnaldardaǵy mátinderdi izdestiru, búrkenshik atpen shyqqan tuyndylardy salystyryp anyqtau, arab qarpindegi jazbalardy kirill jazuyna túsiru júmystary aqyn shyǵarmashylyǵynyń az zerttelgen qyrlaryn tanytuǵa múmkindik beredi.
Tarihi baspasózdi zertteu men audarmashylyq qyzmet te qalamger eńbeginde ózara sabaqtasady. HH ǵasyr basyndaǵy qazaq jáne ózge de Ortalyq Aziya halyqtarynyń merzimdi basylymdaryn qarastyru arqyly ol tarihi oqiǵalardyń sol dáuirdegi kórinisin, qoǵamdyq pikir men últ azattyǵy ideyasynyń taraluyn zerdeleidi. Ádebi múralardy jinaqtau, qoljazbalardy baspaǵa daiyndau júmystary arqyly kópshilikke keńinen tanyla qoimaǵan shyǵarmalardy oqyrmanǵa úsynady.
Al kórkem jáne publitsistikalyq tuyndylarynda otbasy qúndylyqtary, áke ónegesi, tuǵan jerge súiispenshilik, auyl tirshiligi men kóshi-qon máseleleri kórinis tabady. Adamdardyń kúndelikti ómiri men eńbek jolyn bayandau arqyly avtor óńirdiń áleumettik ózgeristerin de kórsetedi.
Qajet Andas – Eskeldi audanynyń tarihy men búgingi tynys-tirshiligi turaly úzbei jazyp kele jatqan qalamger. Qońyr, Núra, Aqyn Sara jáne Baqtybai auyldaryna arnalǵan zertteuleri men maqalalarynda eldi mekenderdiń ótkeni, mádeni ómiri jáne áleumettik máseleleri qamtylǵan. Núranyń tarihyn arhivtik derekter men el jadyndaǵy estelikter arqyly zerdelep, asharshylyq qúrbandaryn úlyqtau qajettigin alǵa tartady.
Sonymen qatar Eskeldi audany aumaǵyndaǵy Jalaiyr SHora, Asan Siyq áulie syndy tarihi túlǵalar, Syrymbet qyrǵyny, asharshylyq pen tárkileu zardaptary jáne sayasi quǵyn-súrginge úshyraǵan adamdardyń taǵdyry turaly tarihi-tanymdyq zertteuler júrgizip keledi. Aqyn Sara men Baqtybai Jolbarysúlynyń múrasyn nasihattauǵa arnalǵan jazbalarynda olardyń ónegesin jas úrpaqqa jetkizu joldaryn úsynady. Audan ómirindegi ózekti máselelerdi kóterumen qatar, úsynystarynyń eskeriluin qadaǵalap, tiisti mekemelerdiń jauaptaryn oqyrmanǵa jetkizip otyrady.
Júzdesuge Eskeldi audanyndaǵy mektepterde tarih jáne geografiya pánderinen sabaq beretin múǵalimder Ayat Kóbehan, Arai Ahmetjanova jáne Arai Manasqyzy da qatysty. Ústazdar áńgimege belsene aralasyp, oramdy oilary men útqyr úsynystaryn ortaǵa saldy.
Ólketanu eńbekteriniń bilim beru isindegi orny da osyndai kezdesulerde aiqyndala túsedi. Auyl tarihy, jer-su ataulary, tarihi túlǵalar men mádeni múra turaly derekter tarih jáne geografiya sabaqtaryn jergilikti materialdarmen tolyqtyruǵa múmkindik beredi. Oqushyǵa tanys mekenniń ótkeni arqyly el tarihyn túsindiru tuǵan jerge degen qyzyǵushylyq pen jauapkershilikti qalyptastyruǵa kómektesedi.
Erkin súhbat barysynda oqyrmandar qalamgerge kókeilerindegi saualdaryn qoiyp, jauap aldy. Qonaq shyǵarmashylyq izdenisteri men ómirlik tájiribesi turaly áńgimelep, zertteushilik júmysynyń erekshelikterimen bólisti.
Kesh ayasynda «Tuǵan ólke tarihy – úrpaqqa amanat» atty kitap kórmesi tanystyryldy. Kórmege jasalǵan sholu qatysushylarǵa qalamger eńbekteriniń taqyryptyq auqymyn jaqynyraq tanyp, tuǵan jer tarihy men ádebi múra turaly bilimin tolyqtyruǵa múmkindik berdi.
Eskeldi audandyq kitaphanasyndaǵy júzdesu qalamger, ústazdar jáne oqyrmandar arasyndaǵy mazmúndy pikir almasuǵa úlasty. Tuǵan jerdiń shejiresin jinaqtau, tarihi jadty saqtau jáne zertteu eńbekterin jas úrpaqtyń igiligine jaratu máseleleri keshtiń negizgi arqauyna ainaldy.
Q-Andas aqparat agenttigi
Suretter men beinefilьmdi túsirgen
Ámina Aqylbek.
«Q-Andas» aqparat agentiginiń tilshileri.











