Elbasynyń «Ruhani jańǵyru» baǵdarlamasy ayasynda jaryqqa shyqqan kitaptyń ólketanuǵa qosatyn úlesi az bolmaityny belgili. Óitkeni atalmysh kitap osyǵan deiin bir jarym ǵasyrdyń aldynda qúryldy dep kelgen Taldyqorǵan qalasynyń 1200 jyldyq tarihqa ie ekendigin dáleldep berdi. Kezdesudi Erkin auyldyq aqsaqaldar úiymynyń tóraǵasy Totai Isbasqanov júrgizip, ólkemizdiń qadirmendi aqsaqaldary, kitap avtorlary Túrsyn Ábduáliev, Tańatar Alshabekov, Áli Ysqabaev, Bolat Bisúltanov kitaptyń jazyluy men zertteluine qatysty oilarymen bólisti. Sonymen qatar, kezdesuge kelgen oqushylardyń súraqtaryna jauap berdi.
Búginde Taldyqorǵan qalasynyń irgesinde qalaǵa qarasty birneshe eldi meken bar. Sonyń ishinde Erkin auylynyń tarihy tym aryda jatyr. Búginge deiin atalǵan auyldyń irgesi 19 ǵasyrdyń sońynda ǵana qalandy degen túsinik oryn alyp keledi. Azdy-kópti avtorlardyń auyl tarihyna qatysty jazyp-syzǵandary bolmasa, búl taqyryp keńinen zerdelengen joq. Tipti, ár ólketanushy auyl tarihyn ártúrli túrǵyda paiymdap júr. Kezdesude Erkin auylynyń aqsaqaldary «Tarihymen taǵdyrlas Taldyqorǵan» kitabyndaǵy auyl tarihy turaly jazylǵan maqaladaǵy keibir tarihi faktilerdiń úilespeitindigin, auyldyń ótkeni men búginin bailanystyratyn dálelderdiń jetkiliksizdigin, kóptegen derektiń qalyp qalǵanyn alǵa tartty.
Árine, bizdiń tarihymyz kóp rette auyzsha taralyp, ańyz bolyp jattalǵandyqtan kóp adam bile bermeitin dálel men dáiekti arhivten izdep tabu qiyn. Onyń ústine keibir ólketanushylar men tarihshylardyń jazbalaryndaǵy tolyq dáleldiń joqtyǵynan ólketanuda shatasudyń jii oryn alyp jatatyny bar. Sondyqtan eldi mekender turaly jazylǵan keibir eńbekti qaitadan saraptan ótkizuge tura keledi. Kezdesude Arystanbek Bibatyrov aǵamyz Erkin auylynyń ainalasyndaǵy eldi mekenderdiń tarihy men shejiresin, ańyzy men aqiqatyn áńgimelep berdi. Al Erkin auyldyq aqsaqaldar keńesiniń tóraǵasy Tortai Izbasqanov auyl tarihyna qatysty jiyp-tergen dúniesin jaiyp saldy. Osydan irgede jatqan auyldyń biz bilmeitin, biluge tiisti talai tarihty bauyryna basyp jatqanyn túsindik.
Kelesi kezekte sahnaǵa kóterilgen, úzaq jyldar auyldyń basshylyq qyzmetin arqalaǵan Ermúhan Baiqadamov aǵamyz Erkin auylynyń ótkeni men búginin, ózi basshylyq etip túrǵan kezdegi jaǵdaiyn aita kelip, auylǵa ólketanu muzeiiniń kerektigin alǵa tartty.
– Erkindegi árbir úide kóneden qalǵan jádigerler jetip- artylady. Kózi tiri úlkender ony kóziniń qarashyǵyndai saqtap júr. Erteńgi jastar sonyń qadirine jete me, jetpei me? Ol jaǵy belgisiz. Demek, auylymyzdyń ótkeni men búginin aiǵaqtaityn jádigerler sol úlkendermen birge ketetin siyaqty. Sondyqtan auyldan ólketanu muzeiin ashsaq degen úsynysty kóterip júrmiz. Eger muzei ashylsa auyldastar qoldaryndaǵy jádigerlerin quana beretin edi, – deidi ol.
Búl úsynysty ardagerler de qoldap shyqty. Tipti, biyl Erkin auylynan salynatyn Mádeniet úiiniń janynan ólketanu bólmesi ashylsa núr ústine núr bolar edi degen úmitte. Eger ondai bólme ashylsa, Erkin auylynyń tarihy tańbalanyp, úrpaqqa ónege bolar edi. Árine, «Syn túzelmei, min túzelmeitinin» biletin halqymyz «Eki ólshep, bir kesudi de» úmytpaidy. Aldaǵy uaqytta Erkin auylyndaǵy aqsaqaldar auyl tarihyn jazudyń salmaqty júmysyn qolǵa aluǵa uaǵdalasyp tarady.











