Olardyń aituynsha, sahna, ondaǵy akterler, deklaratsiya qazirgi kúnge tán boyaumen jańasha túske engen. Biraq qazaq tiliniń qadiri qashqan túiitkilge tiksine qaraityn qasiet joǵala qoimaǵan siyaqty. Spektaklь keiipkeri Tyuryanchiktiń: «Qazaqshamen nan tauyp jei almaisyń?», – degen ashy ajuany estigende kórermender bir silkinip qaldy. Osydan otyz jyl búrynda osyndai bolǵan eken. Endi otyz jyldan keiin de osylai bola bere me?
Biraq, búlai kete bermeitinine teatr mamandary senimdi.
– «Kúshik kúieu» spektakli Aqtanovtyń júrektilikpen jazǵan tuyndysy. Ol tústa til tóńireginde úlken oi aitudyń ózi ońai bolmaityn. Al, shymshyma oidy sahnada órnektep, júrekten-júrekke sińirudiń ózinde qandai batyldyq jatyr. Otyz jyldyń aldyndaǵy toqynys osyndai batyldyqqa qúrmet edi. Al, búgin táuelsiz el atandyq. Bizdiń endigi mindetimiz – oiran bolǵan últtyq qúndylyqtarymzdy qaita jańǵyrtu. Sahna tórindegi tilge qatysty aitylǵan janaiqaidyń jalpynyń qoldauyna ie bolǵany – el bolǵanymyzdyń, memleket taǵdyryn belgileitin tildiń ókili ekendigimizdi sezindirgen tolqynys, – dedi teatr direktory Bazarbek Tezekbaev.

Árine, kórermenin osylai shiryqtyryp, shiraqy oiǵa jetelegen qoiylym júrt kóńilinen shyqty. Óitkeni, árbir kórermen sahnadaǵy keiipkerler ómirinen, pisihologiyasynan, minezinen ózine bir úqsastyq tauyp jatty. Qysyldy, qymtyryldy, úyaldy, oilandy. Onyń barysyn bylaisha jinaqtauǵa da bolady.Tas qalada ósip, tasbauyr bolyp ketken Gúljamal men Biǵaishany da iliktirgen bala jauapkershiligi, Bekbolat pen Qabanbaiǵa tán tirlik úshin jantalastyrǵan jalǵan bolmys, kórgen-baqqany bilik pen ataq, órlik pen óktemdikke tolǵang Kubik pen Tyuryanchiktiń jalǵan ómiri, Botqanyń alańǵasarlyǵy, Almanyń aqylyn úshqalaqtyqqa jasyrǵan, jaǵdaidyń yńǵaiyna qarai beiimdele biletin beinesi biri-birinen oqshau, dara, biraq jymdasyp, bólinbes syujet qúrylǵan. Dese de, avtor barlyq qaishylyq pen qaqtyǵystyń bir ǵana shyndyqqa baǵynatynyn, ómirde jalǵandyqqa, jaltoqoilyqqa, arzan ataqqa berilmeitin mahabbat degen qúdiretti kúshtiń bolatynyn joqqa shyǵarmaidy. Sol pák sezimniń últtyq dilmen astarlasyp jatatynyn aishyqtap kórsetedi. Qoiylymnyń osylai óriledi.
Atalǵan spektaklьdi ózge de sahnalardan tamashalaǵanymyzdy jasyrmaimyz. Biraq, bizdiń teatrda ol jańasha tús, zamanǵa sai boyau, jalpyǵa birdei únamdylyǵymen erekshelengenin mriyndaisyń. Búl «Qol ishine qarai búgiledi», – degen jaqyndyqtan emes, qoiylymdy sahnalaǵan rejisser Serik Núrhalyqtyń eńbeginiń nátijeli bolǵanyn qadap aitqan jón. Taǵy bir jaǵynan, 35 jyl artqa tastap, talai tájiribe jinaǵan teatrdyń osyndai biik deńgeige jetkeniniń de kuási boldy.

Onda rol alǵan maitalman akterler M. Núrmúhanbetova men Ǵ. Temirbaeva jáne A. Núǵmanovtar, jastardan M. Mahmút, N. Túrlybekova, A. Sauryqov, A. Bekmanova, J. Mersimova, G. Tileuǵabyl, B. Múnaitpasov, Ǵ. Qyrbasovtardyń az eńbeń etpegeni bilinip túr. Qoyuushy suretshi Q. SHalabaeva men muzykamen kórkemdeushi B. Toqymtaevke de júrttyń rizashylyǵy erekshe.
Jańa qoiylym mine, osylai bir belesten taǵy bir beleske qarai bettep ketti. Árine, aldaǵy uaqytta qoiylymnyń boyauy, ony oinaityn akterler esimi jańalana beretin shyǵar. Biraq, búgingi qoiylym óz biiginde qala beredi.
P.S: Osy maqala jazylǵaly 15 jyl uaqyt ótipti. Sodan beri ne ózgerdi? Qazaq tilin tórge shyǵaru emes, qazaq tilin qadirlegen azamattardy qudalaityn deńgeige jettik.
Qajet ANDAS
Derekkóz: https://kazneb.kz/kk/catalogue/view/1524861
Fotolar avtordyń jeke qorynan alyndy.
Q-Andas aqparat











