SYMAǴÚL:
Bátesh-au, syrtyń súlu alqyzyl gúl,
Baqshada sairap júrgen sen bir búlbúl.
Kórgen soń kóńilim auyp otyr qalqam,
Arjaǵyn aitqyzbai-aq endi óziń bil.
Qolǵa aldym dombyramdy búraiyn dep,
Aitarymdy oi men terip qúraiyn dep.
Aiypqa búiyrmańyz Bátesh súlu.
Otyrmyn bir narseńdi súraiyn dep.
BÁTESH:
Symeke atyń shyqqan sen bir bala,
Jasyńnan óleń-jyrǵa boldyń dana.
Janymau senen ayap ne qylamyn.
Káneki maqsatyńdy aityp qara.
SYMAǴÚL:
Bátesh jan men bilemin aqylyńdy,
Óleń-jyrǵa bir taban jaqynyńdy.
Óziń ait dep júmsaǵan soń ayanbaspyn,
Súraǵaly otyrmyn taqymyńdy.
BÁTESH:
Symeke, bastyrmańyz taqymyńdy,
Sózińniń bet-beinesi ańǵaryldy.
SHrkin-au, taqym degen ne degen sóz,
Súraǵaly otyrmysyń dambalymdy.
SYMAǴÚL:
Boiynan Kókbektini kóbeleiin,
Qos attap artyńnan jebeleiin.
Taqymyńa Núrsalymdy baiyp qoiyp,
Artynan qos qorjynmen tópeleiin.
BÁTESH:
Symeke, qoisańyńshy sonyńyzdy,
Bilemiz óleńge shyn molyńyzdy.
Sendei janǵa tittei de berilmeidi,
Jetpes iske sozbańyz qolyńyzdy.
SYMAǴÚL:
Symekeń, ielep kembailap júr ǵoi,
Búlbúldai baqshadaǵy sairap júr ǵoi.
Senikiniń berilmeitin nemenesi bar,
Atikeń bayaǵydan aidap júr ǵoi.
BÁTESH:
Symeke, qoimadyńyz erigime,
SHyn shyrqasam kelmeisiń sherigime.
Báteshten sadaǵa ket, ei Smaǵúl,
Til tigizbe qúdai qosqan serigime.
SYMAǴÚL:
Qyzyl til sóilegende qorynbasań,
Án tartyp aluan túrli jalyndasam.
Esh adamnan kóńilim qalmap edi,
Bátesh jan aitqanymdy oryndasań.
BÁTESH:
Jaqy ǵoi aqyndy aqyn sastyrmaǵan,
Júregińe óleń syimai tasqyndaǵan.
O jaǵyn súrap, Symaǵúl, ne qylasyń,
Mańaiymdy eshkimge bastyrmaǵam.
SYMAǴÚL:
Kedeidiń sarańdyqpen túbi birge,
Sen meni dál osylai túńildirme.
Tulaǵyńdy kóterip sonsha maqtap,
Núrsalymmen shyǵarsyń birme-byrge
Joǵarydaǵy aitystardy aityp bergen Tileuqabyl Álilǵazyúly, jazyp alǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











