QYZ:
Búl toiǵa neǵyp keldiń, tondy jigit,
Toǵaidaǵy shoshqadai jondy jigit.
SHildeniń ystyǵynda tonyń túspei,
Osynshanyń ishinde sorly jigit.
OLJABIN:
Ait degennen aitaiyn kekildi qyz,
Megejin toǵaidaǵy sekildi qyz.
Osynshaǵa kelgenshe kúieu almai,
YApyrmai, baǵyń neden bekindi qyz.
(Qyz otyzdarǵa kelip otyryp qalǵan eken)
Sonda qyz:
Oi qúdaidyń tabasyna úshyra, – dep túra jónelgen eken.
MÚQAMETNÚSIP PEN SAPAR QYZDYŃ AITYSY
(Múqametnúsip úsh aimaqtyń myrza áskerinde júrip Sauanǵa barǵanda Sapar qyzben kezdesip, aitysyp qalady).
SAPAR:
Qyz edim Sarkereidiń atym Sapar,
Túieni jeteleushi em qatar-qatar.
Basynda teri túmaq Qyzaidy ákel,
Qara súr kórinedi ne dep shatar.
MÚQAMETNÚSIP:
Tegi paida jetpegen qarasúrdan,
Bir qanshyq qyz ekensiń alasúrǵan.
Ketesiń olai da orǵyp, búlai da orǵyp,
Baitaldai alasholaq tań asyrǵan.
ISANYŃ QYZBEN AITYSY
(Isa bir qyzǵa baryp qolǵa túsip qalady. Ózi kedei eken.
Aiyp tartqan kórinedi).
QYZ:
Ei, Isa, ońamysyń, ońbaimysyń,
Túriń mynau suyqqa tońbaimysyń.
Aiypqa jalǵyz atty berip qoidyń,
SHeshege keregeńdi qomdaimysyń.
ISA:
Jamandasań jamanda jer tabanda,
Jigit jaman bolmaidy eli amanda.
Qalai aitsań óz erkiń, jaman qyzdar,
Erden asqan qyz qaida búl zamanda?
QYZ:
Kári baiǵús jeńemin dep jetkeniń be,
Súirelip jyrtyq-jyrtyq shekpenińde.
Syryldap kári keudeń jyǵylarsyń,
Auzyńa qos ayaqtap tepkenimde.
ISA:
Almaimyn endi qatyn qalyń berip,
Jinaǵan balalardyń malyn berip.
Myna qyz qos ayaqtap tepkeli otyr,
Bolasyń báriń qaryq túrin kórip.
SABYRBAI MEN AIBALANYŃ AITYSY
AIBALA:
Sabyrbai sary alamen salyp júrgen,
Salpaiyp saptayaqtai qalyp júrgen.
Búl jerde tamyry joq, tanysy joq,
Toiymda shaqyrmaǵan naǵyp júrgen.
SABYRBAI:
Sabyrbai sary alamen salyp júrgen,
Salpaiyp saptayaqtai qalyp júrgen.
Aibala sen qalasań anda-sanda,
Tayaǵyńdy búlaǵyńa malyp júrsem.
Joǵarydaǵy aitysty Tileuqabal Ábilǵazyúlynan jazyp alyp, saqtaǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











