«Mektepke jol» respublikalyq aktsiyasy boiynsha oblystyq bilim basqarmasy basshysynyń orynbasary Qairat Qasymov aqparat berdi. Ol sózinde aktsiyanyń maqsaty mektep jasyndaǵy balalardy tolyqtai oqumen qamtu jáne áleumettik qoldaudy qajet etetin otbasylardyń balalaryna kómek kórsetip, olardyń mektepke tolyq daiyn baruyna jaǵdai jasau ekenin atap ótti.
Igi bastama ayasynda óńirdegi bilim beru mekemeleri, jergilikti atqarushy organdar, kásipkerler, qoǵamdyq úiymdar men eriktiler birlesip júmys júrgizude. Qazirgi tańda kómekke múqtaj balalar anyqtalyp, olarǵa mektep formasy, ayaqkiim, sómke, oqu qúraldary men keńse tauarlaryn tabystau sharalary úiymdastyrylyp jatyr. Ásirese az qamtylǵan jáne kópbalaly otbasylardan shyqqan, ata-anasynyń qamqorlyǵynsyz qalǵan, erekshe bilim beru qajettilikteri bar balalarǵa, sondai-aq ómirlik qiyn jaǵdaiǵa tap bolǵan otbasylardyń balalaryna erekshe nazar audaryluda.
Aktsiya turaly túrǵyndarǵa aqparat beru maqsatynda eldi mekenderde aqparattyq materialdar ornalastyrylyp, bilim beru úiymdary men memlekettik mekemelerdiń áleumettik jelilerinde arnaiy habarlamalar jariyalanuda. Mektepterde ata-analarmen kezdesuler ótkizilip, áleumettik kómek alu tártibi men qajetti qújattar turaly túsindiru júmystary júrgizilude. Búl ata-analardyń jańa oqu jylyna daiyndyq kezindegi shyǵyndaryn azaityp, qajetti zattardy tiimdi baǵamen satyp aluyna múmkindik beredi. Balalardyń bilim alu qúqyǵyn qorǵauǵa baǵyttalǵan profilaktikalyq júmystar da júrgizilude. Mektepke barmai júrgen nemese qarausyz qalǵan balalardy anyqtau úshin mamandar otbasylardy aralaidy. Reidtik sharalarǵa bilim beru bólimderiniń qyzmetkerleri, pedagogter, áleumettik mamandar, yuvenaldy politsiya inspektorlary jáne qamqorshylyq organdarynyń ókilderi qatysady.
«Mektepke jol» aktsiyasy 1 tamyzdan 30 qyrkúiekke deiin jalǵasady. Osy uaqyt aralyǵynda áleumettik jaǵdaiyna bailanysty kómekke múqtaj balalarǵa qajetti oqu qúraldary men mektepke qajetti zattar tabystalady. Úiymdastyrushylar aktsiyaǵa kásipkerler men janashyr azamattardy atsalysuǵa shaqyrady. Kómek kórsetuge nietti azamattar túrǵylyqty jeri boiynsha bilim beru úiymdaryna habarlasa alady.
Aisúlu Bauyrjanqyzy
Ámina Sayahatqyzy
«Q-Andas aqparat agenttiginiń tilshileri.











