Oitoǵan auyly audan ortalyǵynan shalǵai jatsa da, ol – qazaq ádebieti men mádenietine úlgili iz salǵan Iliyas Jansúgirúly bastaǵan qazaqtyń talai marqasqa úl-qyzyn túletken qútty meken. Iliyas Jansúgirovtiń 125 jyldyq mereitoiyna orai oblys ákimi Amandyq BATALOVTYŃ tikelei qoldauymen auyldy qaita qalpyna keltiruge qatysty shara qabyldanyp, búginde qyzu júmys bastalyp ketti.
Oitoǵan auylynyń mańyndaǵy jazyq dala tórt túlik mal ósiruge tabylmaityn jer. Diqandardyń jyl boiǵy tókken terin auyl irgesinde aǵyp jatqan Aqsu ózeni órkendetip keledi. Jeri shúraily, eli shyraily oitoǵandyqtar biyl dala júmystary men aqyn toiyna daiyndyq maqsatyndaǵy jańǵyrtu júmysyn qatar atqaryp jatyr.
– Iliyas atamyzdyń 125 jyldyǵyna orai tuǵan auylyn jańǵyrtu oblys, audan basshylarynyń nazarynan túsken joq. Ózderińiz kórgendei, qazir auylda auyzsu tartu júmysy júrude. Biyl «Aqbúlaq» baǵdarlamasy boiynsha 137 mln. teńge qarajat bólinip, auyldy tolyq taza auyzsumen qamtamasyz etpekpiz. Qúrylys júmysyn «KólsaiStroi» JSHS qolǵa aldy. Sondai-aq, auylǵa kireberiske Iliyas atamyzdyń eskertkishin ornatyp, ainalasyn abattandyruǵa, auyl irgesinen boi kóteretin «Jastar» parkiniń qúrylysyna qarjy qarastyryldy. Búginde parktiń jobasy jasalyp, 200-den astam alma, sirek kezdesetin aǵash kóshetteri otyrǵyzyldy. Aita keterligi, auyl ishindegi 5 kóshe tolyqtai asfalьttalyp, jaryq shamdar ornatylady. Sonymen birge, aulalardyń qorshaulary jańartylady, – deidi auyl ákimi Bilisbek Túrsynnúr.
Árine, toidy ótkizudiń bar salmaǵy Iliyastyń tuǵan auylyna túsetini anyq. Dese de, oitoǵandyqtar qazirden qamdanyp, aulasyn rettep, qorshauyn túzep, úilerine auyzsu kirgizude.
Kezinde dúrkirep túrǵan auyldyń keiingi jyldary tirshiligi qiyndai tústi. Túrli sebepke bailanysty kóship ketushilerdiń sany artyp, búginde myńǵa tarta túrǵyn, 165 úi qalǵan. Demek, adam túrmaityn úilerdi tazalau men qorshauyn qalpyna keltiru biraz qiyndyq tudyratyn kórinedi. Oǵan Iliyas Jansúgirov atyndaǵy qor men kásipker azamattar qol úshyn bermekshi.
– Qazir kóktemgi egis júmysynyń qarbalas kezeńi bolǵandyqtan auyldy abattandyrudyń josparyna tolyq kirise almai túrmyz. Onyń ústine, egis alqabynyń kólemi ótken jylmen salystyrǵanda óse tústi. Mysaly, byltyr 48 gektarǵa qant qyzylshasyn sepsek, biyl onyń aumaǵy 150 gektarǵa ósti. Basqa daqyldyń da egis kólemi kóbeidi. Tamyz aiynda «Islam bankiniń qarjylandyruymen audandaǵy irrigatsiyalyq júielerdi qalpyna keltiru júmysy bastalady. Osyǵan orai, Oitoǵan auylyna tiesili 8 shaqyrymǵa juyq aryq júiesi jańartylyp, 1,5 myń gektar jer suarmaly alqapqa ainalady. Bir-eki apta dala júmystary tolyǵymen ayaqtaldy. Sosyn auyldy jańǵyrtu júmysyna kirisemiz, – deidi auyl ákimi.
Dese de, auylda kópten beri sheshimin tappaǵan bir másele bar. Ol – auyldyq klubtyń syn kótermeitindigi. Keńes túsynda salynǵan bir qabatty ǵimarattyń tozyǵy jetip, qúlauǵa jaqyn. Edenderi shirip, tóbesi tozyp túr. 2009 jyly esik-terezesi ǵana auystyrylǵan. Auyldyń mádeni sharalaryn ótkizuge muzykalyq aspaptary da jetpeidi, materialdyq jaǵdaiy tym jútań, qysty gúni ǵimaratty jylytudyń ózi qiyn. Onnan astam úiirme júmys isteitin mekemege úsh-aq shtat bólingen.
– Auyldyq klubtyń ǵimaratyn kúrdeli jóndeuden ótkizudiń qajettiligin birneshe jyldan beri aityp kelemiz. Onyń da ózindik tártibi bar kórinedi. Biyl Iliyas atamyzdyń toiyna orai auyldy jańǵyrtu úshin oblys, audan basshylary baryn salyp jatyr. Sol qatarda auyldyq klubtyń ǵimaratyn da jańalap berse, núr ústine núr bolar edi, – deidi zeinetker Júmabikesh Qasymbekova.
Oitoǵan auylynda 100-ge juyq sharua qojalyǵy myńǵyrtyp mal ósirude. Olar da: «Aqyn toiyna úlesimizdi qosamyz», – dep qúlshynyp otyr. «Kóp túkirse, kól tolady» degendei, qońyr kúzde ótetin toiǵa deiin aqyn auyly jańa kelbetke enbek.
Qajet ANDAS
Mátindegi foto – Ruslan KADYROV
Aqsu audany
Almaty oblysy











