Coca-Cola Belesteri («ءوسۋ باسپالداقتارى») – قازاقستانداعى باستاۋشى كاسىپكەرلەرگە ارنالعان ءبىلىم بەرۋ جوباسى. وتكەن جىلى «The Coca-Cola Foundation» حالىقارالىق قايىرىمدىلىق قورىنىڭ قولداۋىمەن جۇزەگە اسىرىلدى.
ول ونلاين-وقىتۋدى، گرانت الۋ مۇمكىندىگى قاراستىرىلعان بيزنەس-يدەيالار بايقاۋىن جانە بيزنەس-اكسەلەراتور باعدارلاماسىن قامتيدى. جوبا العان باستالعاننان بۇگىنگە ديەىن قازاقستان بويىنشا 150000-نان استام ايەل تەگىن ءبىلىم بەرۋ كۋرستارىنان وتكەن. جوبانىڭ پراكتيكالىق ناتيجەسى رەتىندە 10 100-دەن استام شاعىن كاسىپورىن اشىلىپ، 13 300-دەن استام جاڭا جۇمىس ورنى قۇرىلدى. باعدارلاما ەڭ الدىمەن ايەلدەر مەن جاستارعا يدەيادان باستاپ ءوز بيزنەسىن ىسكە قوسۋعا دەيىنگى جولدان وتۋگە جان-جاقتى قولداۋ كورسەتەدى. بىلتىر بۇل ماقساتتا 1600-دەن استام ءوتىنىم ءتۇسىپتى.
13-ماۋسىمنىڭ قورىتىندى فورۋمىندا 19 جارتىلاي فيناليست تاۋەلسىز قازىلار القاسىنىڭ الدىندا ءوز جوباسىن قورعادى. ناتيجەسىندە 11 قاتىسۋشى ءوز بيزنەسىن ىسكە قوسۋ جانە اۋقىمىن كەڭەيتۋ ءۇشىن 1 ملن.تەڭگەدەن 1،8 ملن. تەڭگەگە دەيىنگى گرانت سەرتيفيكاتتارىنا يە بولدى. جەڭىمپازداردىڭ قاتارىندا 9 ايەل جانە 2 ەر ادام بار، ال فيناليستەردىڭ شامامەن جارتىسى 30 جاسقا تولماعان. ايتا كەتەرلىگى، بىلتىر بيزنەستىڭ تيىمدىلىگىن ارتتىرۋعا ارنالعان جاساندى ينتەللەكت قۇرالدارىن پراكتيكالىق قولدانۋ بويىنشا ارنايى كۋرس ەنگىزىلىپتى.
اتالعان جوبا ءونىمدى جۇمىسپەن قامتۋدى، ورنىقتى دامۋدى جانە ەلدىڭ الەۋمەتتىك-ەكونوميكالىق الەۋەتىن ارتتىرۋعا قوسقان ۇلەسى ءۇشىن بىرنەشە مارتە كاسىبي جانە مەملەكەتتىك ماراپاتتارعا يە بولدى. بۇل ونىڭ شاعىن بيزنەستى قولداۋ سالاسىنداعى ەڭ ناتيجەلى باستاماسىنىڭ ءبىرى.
الماتى قالاسى.
«Q-andas» اقپاراتتىق اگەنتتىگى.
