Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت ولكەتانۋ حالىق جادى

ۇمىتۋعا حاقىمىز جوق

admin
2026/06/24
حالىق جادى
0
Ұмытуға хақымыз жоқ

قاسقايىپ تۇرىپ گولوشەكيننىڭ سوراقى ساياساتىن بەتىنە باسقان، قىسقا عۇمىرىن ەلدى جايلاعان زاڭسىزدىقپەن كۇرەسۋگە ارناعان قاناي بورانباەۆتىڭ ەسىمىن ەستە ساقتاۋ – بىزگە پارىز.

تاريحشى، زەرتتەۋشى عالىمدار بولماسا، بىلايعى جۇرت ەل باسىنا تۇسكەن قيىن كەزەڭدە «حالىق جاۋى» دەگەن جالانىڭ قۇربانىنا اينالعان قاناي بورانباەۆ تۋرالى بىلە بەرمەيدى. ولاي بولاتىن ءجونى دە بار. حالقىمىز باستان كەشكەن قاسىرەتتى تۇستا ءومىر سۇرگەن زامانداستارى، كوز كورگەن تانىستارى ونىڭ اتىن اتاۋدان قايمىققاندىقتان ەسىل ەردىڭ ەسىمى ۇمىتىلا باستادى. سوندىقتان بۇگىنگى ۇرپاق قازاقتىڭ مۇڭىن مۇڭداپ، جوعىن جوقتاۋ جولىندا جان قيعان تۇلعانىڭ ەل ءۇشىن سىڭىرگەن ەڭبەگىنەن، ءومىر جولىنان مۇلدەم حابارسىز. ايتسەدە، سوڭعى دەمى بىتكەنشە ەل باسىنا تونگەن قاۋىپپەن، حالقىمىز كورگەن زاڭسىزدىقپەن كۇرەسىپ وتكەن بوزداق جايىندا بار بىلگەنىمىزدى ورتاعا سالۋعا ءتيىسپىز.

قاناي بورانباەۆ ۆارشاۆا ۋنيۆەرسيتەتىندە ءبىلىم العان العاشقى قازاق رەتىندە سول كەزدەگى ەڭ ساۋاتتى زاڭگەردىڭ ءبىرى ەدى. ارحيۆ دەرەكتەرى 1924 جىلى يۋستيتسيا حالىق كوميسسارى جانە رەسپۋبليكا پروكۋرورى بولىپ قىزمەت اتقارعان ونىڭ ءوز سالاسىنىڭ بىلگىر مامانى، ورەلى ازامات بولعاندىعىن ودان ءارى ايعاقتاي تۇسەدى. ءوز باسىنا تونگەن قاتەردەن سەسكەنبەي، ەلدەگى زاڭسىزدىقتارعا اشىقتان-اشىق قارسى شىققانى ءۇشىن پاتشالىق رەسەيدىڭ تۇسىندا تۇرمەدەن تۇرمەگە قۋىلعان ازاماتتى ءوزى سەنگەن، ءوز قولىمەن قۇرۋعا اتسالىسقان كەڭەس ۇكىمەتى ايامادى. ءتىپتى، ناقاقتان-ناقاق ءۇش رەت سوتتاپ، پارتيا قاتارىنان ەكى رەت شىعارادى. جاپقان جالاسى كوڭىلگە مۇلدەم قونبايدى. ونىڭ ءبىرى – «قانايدى ترويتسكشىل» دەپ ايىپتاسا، ەكىنشىسىندە – «كەدەيدى زاڭسىز سوتتادىڭ» دەگەن جالا جابىلعان. بۇعان 1922 جىلى 19 قاراشادا جەتىسۋ وبلىستىق رەۆكوم توراعاسى سارىمولداەۆتىڭ حاتشىسى لۋنديچ قول قويعان ق. بورانباەۆتى پارتيا مۇشەلىگىنەن شىعارۋ جونىندەگى حاتتاما ارقىلى كوز جەتكىزەمىز. الماتى ارحيۆىنەن تابىلعان قۇجاتتا قانايدىڭ بىرقاتار ىرگەلى ىستەرى دە ايتىلعان. حاتتامادا قانايدىڭ نارىنداعى پولكوۆنيك بويكو باندىسىن تالقانداۋعا قاتىسقانى، پارتيانىڭ مۇسىلمان بيۋروسىنا مۇشە بولعانى، جەتىسۋدا جەر رەفورماسىن جۇرگىزۋ ىسىنە باسشىلىق ەتكەنى ايتىلىپ، ۇلتشىل رىسقۇلوۆتىڭ جولىن ۇستانۋشى رەتىندە پارتيا قاتارىنان شىعارىلعانى كورسەتىلگەن. 1928 جىلى پارتيا قاتارىنان قايتارا شىعارىلۋى ونىڭ ءۇنىن قايتكەندە دە ءوشىرۋدىڭ تۇرپايى امالى بولعانىن بىلدىرەدى. سونداعى ويلاپ تاپقاندارى «كەدەيدى زاڭسىز سوتتادىڭ» دەگەن جالا.

قازاقستاننىڭ حالىق جازۋشىسى حاميت ەرعاليەۆ ءوز ەستەلىگىندە الاش ارىستارى اقتالا باستاعاندا تۋعان قايىن اتاسى قاناي بورانباەۆتىڭ اتاۋسىز قالىپ بارا جاتقانىنا الاڭداپ، ول تۋرالى مالىمەتتەردى ىزدەگەنىن ايتادى. ءسويتىپ قىرعىزستاننىڭ اقتۇز شاحتاسىندا تۇراتىن قانايدىڭ تۋىستارىن تابادى. سول جەردە قانەكەڭنىڭ ەت جاقىن اعايىنى، كەزىندە قانايدىڭ كومەگىمەن ءبىلىم الىپ، وراز جاندوسوۆتىڭ تاعايىنداۋىمەن اۋاتكوم توراعاسى بولعان رىسقۇلبەك دەگەن ادامعا جولىعادى. ءاربىر وقيعانى جىلىنا، ايىنا دەيىن زەردەسىنە توقىعان، اسا زەيىندى رىسقۇلبەك ايتقان دەرەكتى جازۋشى ەستەلىگىندە اتاپ وتەدى. ودان قانايدىڭ 1928 جىلى ۇكىمەتتىڭ قىرىنا ىلىنە باستاۋى مىناداي قارسىلىعىنان كەيىن ءتىپتى ورشىگەنىن بايقالادى.

– ءسىز مىنا ساياساتىڭىزبەن جەرگىلىكتى حالىقتى مالىنان ايىرىپ، باسىن باس، باقالشاعىن قاراتاس جاساعالى وتىرسىز، – دەپتى قاناي گولوشەكيننىڭ بەتىنە تۋرا قاراپ. – اپىر-اۋ، بۇلايشا حالقىنىڭ جان ايقايىن سول سارى سايتانعا تايسالماي، قاسقايا تۇرىپ ايتۋى ناعىز كوزسىز ەرلىك قوي. وزگەنى قايدام ءوز باسىم بۇرىن-سوڭدى گولوشەكيننىڭ بەتىنە تۇكىرىپ جىبەرگەندەي بەتپە-بەت تۇرىپ، ءدال بۇلايشا قارسى كەلگەن ءجايتتى ەش جەردەن ەستىمەپپىن. ەندەشە ناعىز جانقيارلىق دەگەنىمىز وسى شىعار؟!

ارينە، ونىڭ جانقيارلىعى ءىزسىز كەتپەدى. وسىدان كەيىن-اق ەسىل ازاماتتىڭ سوڭىنا شام الىپ تۇسكەن كەڭەس ۇكىمەتى وعان «كەدەيدى زاڭسىز سوتتادىڭ» دەگەن جالعان ايىپ تاعىپ، بىلگەنىن ىستەيدى. 1928 جىلى پارتيا قاتارىنان شىعارىلعان ول جان دوسى وراز جاندوسوۆتىڭ جانە قىرعىز وبكومىنىڭ ءبىرىنشى حاتشىسى ءابدىراحمانوۆتىڭ كومەگىمەن قىرعىزستانعا اۋىسۋعا ءماجبۇر بولادى. كوپ قۋعىن كورىپ، ابدەن تورىققان ول وسى تۇستا ءىز جاسىرۋ ءۇشىن ماماندىعىن وزگەرتۋدى دە ويلايدى. ءسويتىپ تاشكەنت ۋنيۆەرسيتەتىنىڭ اۋىلشارۋاشىلىعى فاكۋلتەتىن سىرتتاي وقىپ ءبىتىرىپ، 1931 جىلى وزبەك كسر جەر كوميسسارياتىنىڭ ورتالىق اپپاراتىنا زووتەحنيك بولىپ جۇمىسقا كىرەدى. الايدا سوڭىنا تۇسكەندەردەن قۇتىلا الماپتى. اقىرىندا سامارقان وبلىسىنداعى «قىزىل چارۆادور» قوي شارۋاشىلىعىنا تەحديرەكتور بولىپ اۋىسادى. «قايدا بارساڭ دا قورقىتتىڭ كورى» – دەگەندەي ۇلتشىل، كونتررەۆوليۋتسياشىل دەگەن اتاق سوڭىنان قالماعان قاناي «حالىق جاۋى» دەگەن جالامەن قاماۋعا الىنادى. ماگادانعا ايدالعان كەزدىڭ وزىندە گولوشەكيننىڭ يتارشىلارى وعان تىنىشتىق بەرمەگەن. جان توزگىسىز ازاپتى باسىنان كەشىرىپ، اۋىر تاۋقىمەتتەن دەنساۋلىعى ناشارلاعان قانايدى قارا جۇمىسقا جاراماي قالعاندىقتان تۇرمە باسشىلىعى اسحانا جۇمىسىنا اۋىستىرادى. بۇل جەردە دە تىنىشتىق تاپپاعان وعان: «ايداۋداعى ادامداردى جۇمىسقا شىقپاۋعا ۇگىتتەدىڭ» دەگەن ايىپ تاعىلادى. ءسويتىپ، ماگادانداعى «دالستروي» جانىنداعى ۋنكۆد ۇشتىگى 1938 جىلى 5-ءشى قاڭتاردا قاناي بورانباەۆتى اتۋ جازاسىنا كەسەدى. ۇكىم 15 قاڭتاردا ىسكە اسادى.

گولوشەكينشىلەردىڭ تاماعىنا تاس بولىپ تۇيىلگەن قاناي بورانباەۆ 1896 جىلى جەتىسۋ گۋبەرنياسى الماتى ۋەزىندەگى قاستەك بولىسىنىڭ №2 اۋىلىندا دۇنيەگە كەلگەن. ياعني، بۇگىنگى قاستەك اۋىلىنىڭ تۋماسى. وقۋعا ىنتاسى زور جەتكىنشەك ۆەرنىي قالاسىندا 8 سىنىپتىق مەكتەپتى بىتىرەدى. اكەسى بورانباي ورمانشى بولىپتى. سول تۇستا سۋىقتوبە تاۋىندا ءۇيىر-ۇيىرىمەن جۇرەتىن قالىڭ ارقاردى اۋلاۋعا ورىس ۇلىقتارى ءجيى كەلەدى ەكەن. مىلتىق اسىنىپ، قارسىلاسقاندى تاباندا اتىپ تاستاۋعا دايىن تۇراتىن اۋلەكى توپ ورمانشىمەن قايدان ساناسسىن؟! بوي جىلىتۋ ءۇشىن تاۋ ىشىندە تۇراتىن بورانبايدىڭ ۇيىنە باسا-كوكتەپ كىرەتىن بولعان. ورىستاردىڭ تالابىن اكە-شەشەسىنە جەتكىزىپ، ەكى اراعا ءجاسوسپىرىم قاناي ءتىلماش بولادى. اڭ اۋلاپ، سەيىل قۋعان داراقى توپتىڭ ىشىندەگى ءبىلىمدى، ءجىبى ءتۇزۋ ءبىر ادام قانايدىڭ زەرەكتىگىنە قايران قالىپ:

– وقۋ وقىعىڭ كەلە مە؟ – دەپ ءىشتارتا قارايدى. قاناي وعان ءبىلىم العىسى كەلەتىنىن ايتادى.

– وندا قۇجاتتارىڭدى ازىرلە! مەن ساعان كومەكتەسەيىن، – دەيدى الگى ادام. سويتسە، ءدال سول تۇستا ۆارشاۆا ۋنيۆەرسيتەتىنە بەرىلەتىن جالعىز شاقىرۋ قاعازىنان گۋبەرناتوردىڭ قىزى جولدى قاشىقسىنىپ، باس تارتقان كورىنەدى. مىنە، وسى جولداما ويدا جوق جەردەن قانايعا بۇيىرادى.

الايدا ۆارشاۆا ۋنيۆەرسيتەتىنىڭ زاڭ فاكۋلتەتىن ءۇش كۋرس قانا وقىعان قانايدىڭ وقۋ ورنىن اياقتاماۋىنا ساياسي كوزقاراسى سەبەپ بولعان. بۇنى تۋىسى رىسقۇلبەك راستايدى. ول قانايدىڭ ۆارشاۆا اباقتىسىندا وتىرعانىن ءوز اۋزىنان ەستىگەنىن ايتادى. قالاي بولعاندا دا 1916 جىلعى ۇلت-ازاتتىق قوزعالىسى، 1917 جىلعى ەكى دۇركىن توڭكەرىس تۋدىرعان تولقۋلاردان سىرت قالۋدى ءجون كورمەگەن جاس جىگىت ماسكەۋ ارقىلى ەلگە قايتادى. جولاي فەليكس دزەرجينسكييدىڭ قابىلداۋىنا كىرىپ، جولداما الادى. وسىلايشا تۇركىستانداعى قايناعان ومىرگە ارالاسىپ كەتەدى.

ەڭبەك جولىن تاشكەنتتەگى جەتىسۋ كوميسسارىنىڭ كومەكشىسى بولىپ باستاعان ول قۇلجا قالاسىنا جىبەرىلگەن كوميسسيانىڭ قۇرامىنا كىرەدى. 1919 جىلى تاشكەنتكە قايتا شاقىرىلعان قاناي بورانباەۆ ولكەلىك پارتيا كوميتەتىنىڭ مۇشەلىگىنە سايلانادى. كوميتەت حاتشىسى رەتىندە 1920 جىلعا دەيىن قىزمەت اتقارعان ول بۇدان كەيىن جەتىسۋ پارتيا كوميتەتىنە اۋىستىرىلادى. سول جىلدىڭ سوڭىندا تۇركىستان مايدانى 3-ءشى ديۆيزياسىنىڭ تريبۋنالىنا مۇشە ەتىپ سايلانسا، جەر رەفورماسى تۇسىندا وبلىستىڭ توتەنشە كوميتەتىنىڭ مۇشەسى بولادى. 1923 جىلدىڭ باسىندا قىتايعا بارىپ، ونداعى قىرعىز- قازاق اۋىلدارىن ەلگە كوشىرۋدى ۇيىمداستىرسا، سول جىلدىڭ سوڭىندا جەتىسۋ وبلىسىنىڭ پروكۋرورى بولىپ تاعايىندالادى. ونىڭ جەتىسۋ، سىرداريا گۋبەرنيالارى مەن قاراقالپاق اۆتونوميالى وبلىسىندا سوت تەرگەۋ، پروكۋراتۋرا ورگاندارىنىڭ جۇمىسىن جولعا قويۋعا سىڭىرگەن ەڭبەگى از ەمەس. بۇل جان-جاقتى زەرتتەۋدى كۇتىپ جاتقان ماسەلە.

ساۋاتتى، امبەباپ زاڭگەر بولۋمەن قاتار، ساياسى مول، جۇرەگى ىزگى، اينالاسىنا قامقور بولعان قاناي تۋرالى اقىن حاميت ەرعاليەۆتىڭ ەستەلىگىندە از ايتىلماعان. وندا اۆتور ەكى مارتە سوتسياليستىك ەڭبەك ەرى اتانعان نۇرمولدا الدابەرگەنوۆ پەن ابدىقايىر دايىروۆتىڭ قاناي جايىندا ايتقان پىكىرىن مىسالعا كەلتىرەدى.

«– ونداي وقىمىستى، اسا جوعارى مادەنيەتتى كىسىنى بۇرىن سوڭدى كورگەن ەمەسپىن. سوندىقتان جۇرت ونىڭ سىرتىنان ءسۇيسىنىپ، قاناي تورە دەپ اتايتىن، – دەگەن ولار ەل ىشىنە تارالىپ كەتكەن ءبىر جىردى ايتىپ بەردى:

امان با، بورانباەۆ قاناي تورە؟!

جۇرت ءۇشىن جەر الەمدى ءجۇرسىڭ كەزىپ،

امالىن ءاربىر ۇلتتىڭ ءبىلدىڭ سەزىپ،

مۇراتقا قازاق اتى جەتە مە دەپ،

ىزدەدىڭ ءبىر شىبىنداي جاننان بەزىپ.

الدىڭنان ءبىر شىعادى قىلعان قايىر،

تۋعىزعان قۇداي جۇرتتىڭ نەسىبىنە.

جىگىتسىز ءوزىڭ دانا، ءسوزدىڭ شايىر،

جەتتىڭىز مارتەبە ىزدەپ، ىلىممەنەن،

جينادىڭ ەلدىڭ باسىن بىلىممەنەن.

مەن سونداي بولدىم دەگەن ۇلكەندىك جوق،

جىگىتسىڭ كىشىپەيىل كۇلىمدەگەن.

وسىناۋ ولەڭ جولدارى ونىڭ شىندىعىندا ەلگە جاناشىر، اينالاسىنا مەيىرىممەن، قامقورلىقپەن قارايتىن، جانى جومارت ادام بولعانىن ايعاقتاي تۇسەدى».

ەڭ الدىمەن جۇرت ونىڭ سول ءبىر قيلى كەزەڭدە حالقىنىڭ باسىنا تۇسكەن جان توزگىسىز اۋىرتپالىققا شىداماي، سودىر ساياساتتى اشىق ايىپتاي وتىرىپ، وراز جاندوسوۆ، جۇبانىش بارىباەۆتارمەن تىزە قوسىپ، بىرگە كۇرەسكەن، سول جولدا باسى كەتەرىن بىلسە دە، گولوشەكينشىلەردىڭ وزبىرلىعىنا قارسى تۇرعان ازامات ەكەنىن ءبىلۋى ءتيىس.

اتاقتى اقىن جامبىل جاباەۆ پەن ءانشى-سازگەر كەنەن ازىرباەۆ قاناي بورانباەۆتىڭ ەرلىككە تولى ىستەرىن ماقتانىشپەن جىرلايدى. جالپى كونەكوزدەر قاناي بورانباەۆ، وراز جاندوسوۆ، جۇبانىش بارىباەۆ ۇشەۋىنىڭ ويى ءبىر جەردە توعىسقان جان دوس بولعانىن ءالى كۇنگە ايتىپ وتىرادى. ولاردىڭ اجىراماس ادال دوستىعىنا قالىڭ ەل ەرىكسىز سۇيسىنەتىن.

ەلى ءىشى تىنىشتالىپ، رەپرەسسيا قۇرباندارى اقتالا باستاعان تۇستا تۋىسى رىسقۇلبەككە تۋعان قايىن اتاسى قانايدىڭ ەسىمىن جالادان ارشىپ الۋدىڭ مەزگىلى جەتكەنىن ايتىپ قولقا سالعان قازاقستاننىڭ حالىق جازۋشىسى، كورنەكتى اقىن حاميت ەرعاليەۆ اعامىز ەكەن.

– بۇل ىسكە قانايدى جاقسى بىلەتىن ءوزىڭىز مۇرىندىق بولىڭىز. ول ءۇشىن ءتيىستى ورىندارعا ارىز بەرىپ، ىزدەنۋىڭىز كەرەك، – دەپ جول كورسەتەدى. باسى داۋعا قالىپ، جان ساۋعالاپ كەتكەن رىسقۇلبەك قورقا-قورقا وتىرىپ، وعان دا كونەدى. سونىڭ ناتيجەسىندە وزبەك كسر جوعارعى سوتىنىڭ 1963 جىلعى قاۋلىسى بويىنشا قاناي بورانباەۆ «حالىق جاۋى» دەگەن جالادان ارىلىپ، تولىق اقتالعانى جونىندەگى قۇجات قولعا تيەدى. ءسويتىپ، حالقىنىڭ بولاشاعى ءۇشىن قالتقىسىز قىزمەت ەتكەن ازامات ءوز اتىنا جاعىلعان قارا بوياۋدان كەشتە بولسا ارىلدى.

الاش ارىستارىنىڭ مۇراسىن زەرتتەۋگە قوماقتى ۇلەس قوسىپ جۇرگەن زاڭ عىلىمىنىڭ دوكتورى نۇرلان دۋلاتبەكوۆتىڭ ستاليندىك ساياسي قۋعىن-سۇرگىن جىلدارى ماگاداندا جازىقسىز اتىلعان قازاقتاردىڭ ءتىزىمىن پەتەربۋرگ مۇراعاتتارىنان تاپقانى جايلى مالىمەتتى گازەت بەتىنە جاريالاندى. جات جەردىڭ توپىراعىن جاستانعان ارىستاردىڭ اراسىندا قاناي بورانباەۆتىڭ ەسىمى دە بار. وندا: «بورانباەۆ قاناي 1896 جىلى تۋعان. ۇلتى قازاق. تاشكەنتتە تۇرعان. 1935 جىلى ۇستالىپ، 05.01.1938 جىلى سوتتالعان. 15.01.1938 جىلى اتىلعان. 30.09.1963 جىلى اقتالعان. ارحيۆ ءنومىرى «ر.13511» دەپ جازىلعان.

ەندىگى ايتار ءبىر ماسەلە – بۇگىندە ءبىز ارتىندا وشپەس ءىز قالدىرعان تۇعىرلى تۇلعالاردى تۇگەندەپ، كەلەشەك ۇرپاققا ۇلگى-ونەگە رەتىندە تانىستىرىپ جاتقانىمىز بەلگىلى. ولاي بولسا جارىق جۇلدىزداي اعىپ وتكەن، حالقىنىڭ قامى ءۇشىن باسىن بايگەگە تىگىپ، سول جولدا مەرت بولعان بىرەگەي تۇلعا قاناي بورانباەۆتىڭ ەسىمىن ەل ەسىندە قالدىرۋدىڭ مەزگىلى جەتتى. ول ءۇشىن ق. بورانباەۆ ەسىمىن كوشە، ەلدى مەكەندەرگە بەرىپ، ەسكە الۋ كەشتەرىن وتكىزۋ سياقتى يگىلىكتى شارالاردى قولعا الۋ كەرەك. بۇل ويىمىزدى ەل ۇكىمەتى قاۋلى شىعارىپ قولداسا، ونىڭ ىسكە اسۋىنا پروكۋراتۋرا سالاسى ىزدەۋشى، سۇراۋشى بولىپ اتسالىسسا، كەيىنگى ۇرپاق ءۇشىن دە ۇلاعاتى مول بولماق.

التاي بايبوسىنوۆ،

تەكەس اۋىلى،

رايىمبەك اۋدانى

جاريالاندى. –تالدىقورعان: «جەتىسۋ» گازەتى. №57. 2021. -4-5 ب.

0 0 votes
Рейтинг статьи
Post Views: 16
Ақиқат айтылмай қалды
حالىق جادى

اقيقات ايتىلماي قالدى

August 12, 2026
Байырша Абылайхановтың беймәлім тағдыры
حالىق جادى

بايىرشا ابىلايحانوۆتىڭ بەيمالىم تاعدىرى

August 10, 2026
Айбат
حالىق جادى

ايبات

August 4, 2026
Келмеске кетсін сол зұлмат…
حالىق جادى

كەلمەسكە كەتسىن سول زۇلمات…

July 31, 2026
ЖАРКЕНТ ӨҢІРІНДЕГІ «АЛЖИР»
حالىق جادى

جاركەنت وڭىرىندەگى «الجير»

July 30, 2026
Екпемен елін сақтаған…
حالىق جادى

ەكپەمەن ەلىن ساقتاعان…

July 27, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz