Биылғы жаңалық аймақтағы су тапшылығы мәселесін ұзақ мерзімде шешу үшін жаңа су қоймаларын салу жоспарланып отыр. Оның қатарында Быжы, Тышқан, Қорғас, Өсек, Бүйен, Балықты және Жаманты өзен арналарындағы жобалар бар. Бұл нысандардың әрқайсысы белгілі бір аумақтағы егістік жерді сумен қамтамасыз етуге бағытталған.
Бірқатар жоба мемлекеттік сараптаманың оң қорытындысын алып, енді құрылысқа қажетті құжаттарды әзірлеу жұмысы жүргізілуде. Ал кейбір су қоймалары бойынша техникалық-экономикалық негіздеме дайындалуда. Жоспарланған су қоймаларының жалпы сыйымдылығы 151 млн текше метрден асады.
Облыста бүгінде Ақешкі, Алмалы, Ащыбұлақ және Қызылағаш су қоймалары жұмыс істеп тұр. Олардың су деңгейі тұрақты бақылауда. Десе де, тау өзендерінің алынатын су көздері елдің кәсібі ніңде, егіншілігінің қайнары. Сондықтан жаңа су қоймаларының салынуы мен су есебінің цифрландырылуы өзекті тақырып.
«Су – тіршілік көзі» дегендей, ағын суды тіршіліктің арқауына айналдыру үшін әлі де үлкен жұмыстар атқарылғаны жөн.
Айсұлу Бауыржанқызы
Әмина Саяхатқызы
«Q-Andas ақпарат агенттігінің тілшілері.











