Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت ولكەتانۋ حالىق جادى

اقيقات ايتىلماي قالدى

admin
2026/08/12
حالىق جادى
0
Ақиқат айтылмай қалды

قازاق جازۋلارىن سايكەستىرۋ سيستەماسىجەلتوقسان وقيعاسىنىڭ ەل تاريحىنداعى ورنى مەن ءمانى جونىندە از ايتىلعان جوق. بۇل تۋراسىندا تاريحشىلار، ساياساتشىلار، كوتەرىلىسكە قاتىسۋشىلار تاراپىنان تاراتىپ ايتىلعان، ساراپقا سالىنعان. بۇگىنگى ءسوزىمىز وسىناۋ ۇلى وقيعانىڭ «جەتىسۋ» گازەتىنىڭ ۇجىمىنا قانداي قاتىسى بولدى دەگەن تۇرعىدا بولماق.

ول كەزدە الماتى وبلىستىق «جەتىسۋ» گازەتىنە رەداكتور قىزمەتىنە تاعايىندالعانىما ءبىر جارىم جىلداي عانا ۋاقىت بولعان. الدىمىزعا قويعان جوسپارىمىز دا، جاساماق جۇمىستارىمىز دا كوپ ەدى. جەلتوقسان وقيعاسى سونىڭ بارىنە ءوزىنىڭ تۇزەتۋلەرىن ەنگىزىپ كەتتى ەمەس پە؟ ءبىز بۇل وقيعانىڭ ەرەكشەلىگىن بىردەن اڭعاردىق. بۇل ءبىزدىڭ ساۋەگەيلىگىمىز دە، كەمەڭگەرلىگىمىز دە ەمەس. كەرىسىنشە، ونى اڭعارماۋ كەشەلىك بولار ەدى. جاستاردىڭ كوشەگە شىققانىن ەستىگەن سوڭ-اق ونى ءوز كوزىمىزبەن كورگىمىز كەلدى. ول كەزدە رەداكتسيامىز كوكبازاردىڭ قارسىسىندا، توعىز قاباتتى ءۇيدىڭ ءبىر قاباتىن وبلىستىق ورىس ءتىلدى «وگني الاتاۋ» گازەتىمەن بولىسەمىز. ونىڭ رەداكتورى نادەجدا عاريفۋلليناعا حابارلاسىپ: «كوشەگە شىققان جاستاردى كورەيىك؟» – دەدىم. ول بىردەن كەلىستى. وعان حابارلاسۋدىڭ دا ءجونى بار: وبكومنىڭ بيۋروسىنا بىرگە بارامىز، بىرگە وتىرامىز، رەسمي ماتەريالداردى قالاي، قانشا كولەمدە بەرەتىنىمىزدى بىرگە شەشىپ الامىز. ونى بىزدەن وبكوم دا تالاپ ەتەدى، ءبىر-بىرىمىزدەن وزباۋىمىز دا، قالماۋىمىز دا كەرەك. جەكە ءوزىم عانا كورسەتسەم، ەرتەڭ نەگە ايتپادىڭ دەپ وكپەلەيدى.

جاستاردى كارل ماركس (قازىرگى قوناەۆ) كوشەسىنىڭ بويىنان كەزىكتىردىك. ءجۇز شاقتى ادام عىلىم اكادەمياسى جاعىنان تومەن ءتۇسىپ، بار داۋىستارىمەن ءشامشىنىڭ «مەنىڭ قازاقستانىم» ءانىن ايتىپ كەلەدى. اراسىندا قىزداردىڭ كوپ ەكەنىنە تاڭدانعانبىز. ءتىپتى، مەكتەپ وقۋشىلارى بارداي كورىندى. ولاردى قىزىققا ەرگەن بالالار شىعار دەگەنبىز. بىزگە كوڭىل اۋدارمادى. ءبىراز جوعارى كوتەرىلىپ، قاستارىنان قايتا وتكەنىمىزدە، ءبىزدىڭ وزدەرىن كورگەلى جۇرگەنىمىزدى اڭعارىپ، اشۋلانعانى بولۋى كەرەك، ەكىنشى بولىپ كەلە جاتقان عاريفۋللينانىڭ ماشينەسىنە تاياق لاقتىردى. رەداكتسياعا كەلگەنىمىزدە ارىپتەسىم بۇعان قاتتى رەنجىدى. «نەگە ءسىزدىڭ ماشينەڭىزگە ەمەس، مەنىڭ كولىگىمە لاقتىرادى؟!» – دەگەن. «ولار سەنىڭ تاتار ەكەنىڭدى اڭعارماي، ورىس دەپ قالعان عوي»، – دەپ ءازىل قوسقانىمىزدى قابىلدامادى. وسىدان-اق جەلتوقسان ماسەلەسىندە جولىمىز قوسىلمايتىنىن اڭعارعانبىز.

سول كۇنى تۇندە اتاقتى رەسپۋبليكالىق پارتيا-شارۋاشىلىق اكتيۆى ءوتتى. تۇنگى ساعات 2-دە! ەرتەسىنە 18 جەلتوقسان كۇنى مەدەۋ اۋداندىق پارتيا كوميتەتىندە نۇسقاۋ بويىنشا ءار مەكەمە، كاسىپورىنداردىڭ باسشىلارى باس بولىپ، وكىلدەرى جينالدى. بۇل جاساقتىڭ ماقساتى – الاڭدا كوتەرىلگەن جاستارعا قارسى تۇرۋ. قالايشا؟ بەلگىسىز. شامالى ۋاقىت وتكەندە ءبىراز ادامنىڭ قولىنان گازەتكە ورالعان تاياق سياقتى نارسەلەردى كوردىك. نەگىزىنەن ورىس ۇلتى وكىلدەرىنىڭ قولىندا. ونى ەندى ءبىر ۇيعىر اعايىننىڭ قولىنان كورىپ، بۇلارىڭ نە دەسەك: «قورعانىس ءۇشىن عوي!»، – دەپ گازەتتى اشىپ، ارماتۋرا كەسپەلدەگىن كورسەتتى. «سوندا قازاق جاستارىمەن سوعىسپاقسىڭدار ما؟»، – دەپ كۇيىندىك. «ونى بىزگە نەگە ايتاسىڭدار، اناۋ جوعارىعا ايتساڭدارشى!»، – دەپ ولار اۋكومنىڭ كەڭسەسىن نۇسقادى. سوندا جاسى ۇلكەنىمىز: «سوتسياليستىك قازاقستان» گازەتى رەداكتورىنىڭ ءبىرىنشى ورىنباسارى سارباس اقتاەۆ، بەلسەندى جۋرناليست نۇريدەن مۇفتاحتى باس ەتىپ، سول اۋپارتكومعا جىبەردىك. ال ءوزىمىز سول تەمىرمەن قارۋلانعاندارمەن ايتىسىپ، ايقاسىپ جاتتىق. ءبىر كەزدە جوعارى قاباتتاعى بالكونعا شىققان اۋكومنىڭ ءبىرىنشى حاتشىسى ن. ابىقاەۆ: «جولداستار، سوعىسقا بارا جاتقان جوقپىز، تاياقتارىڭدى تاستاڭدار!» – دەدى. كەيىن بىلدىك، بۇل تاياقتاردى قالالىق پارتيا كوميتەتى ازىرلەتكەن ەكەن. اۋدان باسشىسىنىڭ ونى تاستاتقانى ءۇشىن قانداي جازا العانى بىزگە بەلگىسىز.
بۇل وقيعا ءبىزدىڭ جۇيكەمىزگە قاتتى ءتيدى. تاياقتى تاستاتامىز دەپ ورىسقا دا، ۇيعىر اعايىندارعا دا قاتتى-قاتتى ءسوز ايتىپ قالدىق. ونى بىرەۋلەر قابىلدادى، بىرەۋلەر قارسى داۋ ايتتى. ءبىر ۋاقىتتا قاسىما جاكەڭ (ءجانابىل تەمىربەكوۆ) كەلىپ: «ماكە-اۋ، ءتۇرىڭىز نە بولىپ كەتكەن؟! اپپاق، قان جوق. دەرەۋ ۇيگە قايتىڭىز. مۇنداعى ىسكە مەن جاۋاپ بەرەمىن!»، – دەپ مەنى سىرتقا تارتتى. ول مەنىڭ بۇرىن ينفاركت العانىمدى بىلەتىن. ۇلكەندىك جولىمەن زورلاعانداي ەتىپ مەنى كولىككە اپارىپ مىنگىزدى.

كەلەسى كۇنى قازاقستان كومپارتياسى ورتالىق كوميتەتىنىڭ ۇگىت-ناسيحات ءبولىمىنىڭ مەڭگەرۋشىسى البەرت ۋستينوۆقا شاقىرىلدىق. قالاي ەكەنىن كىم بىلگەن، وبلىستىق گازەتتەرگە باسشىلىقتى سول تۇستا وبكوم ەمەس، وك ءبولىمى العانى بار. جەلتوقسان وقيعاسىنا بايلانىستى نە جازباقسىڭدار دەگەن ماسەلەنى بىزدەن ۋستينوۆ سۇرادى. كىرىسپە سوزىندە ۇلتشىل بۇزاقىلاردى اشكەرەلەۋ كەرەكتىگىن ەسكەرتىپ، سەس كورسەتتى. كەزەك ورىستارعا بەرىلەتىن زامان، الدىمەن عاريفۋللينا سويلەدى. ۇلتشىلداردى اشكەرەلەۋگە ازىرلىگىن ايتتى. گازەتتىڭ ەكى بەتىندەي ماتەريالدى دايىن اكەلىپتى. قاجەت دەسە نومىرگە سالماق. بايقايمىن، ۋستينوۆ قۇپتاپ وتىر. ال، مەنى قۇپتامايتىنىن اڭعاردىم. وعان قازاق جاستارىن قارالاعان، ولاردى جاۋ ساناعان ماتەريالدار كەرەك. ول بىزدە جوق. ىزدەگەن جوقپىز. ورىستا: «جاقسى قورعانىس – شابۋىل!» – دەگەن بار. مەن سول ادىسكە باستىم. «ءسىز، ۋستينوۆ جولداس، قازاق پەن ورىس اراسىندا سوعىس بولعانىن قالايسىز با؟!» – دەپ باستادىم ءسوزىمدى. بۇل سۇراقتان ۋستينوۆ شوشىپ كەتتى. «ءسىز ءوزىڭىز نە ايتىپ تۇرعانىڭىزدى بىلەسىز بە؟!» – دەپ شارت كەتتى. «بىلەم، – دەدىم. – الاڭعا شىققان جاستار قازاق بالالارى. ولاردى جاۋ قىلىپ كورسەتسەك نە بولادى؟! جاۋمەن سوعىسۋ عانا قالادى. قازاق پەن ورىس سوعىسادى!». ازداپ ساباما تۇسكەننەن كەيىن: «البەرت الەكساندروۆيچ، وتتى كەروسينمەن وشىرمەيدى. ال جاستاردى ايىپتاعان ماتەريالدار سونداي اسەر بەرەرى ءسوزسىز!» – دەدىم. «سوندا نە ۇسىنىستارىڭ بار؟» – دەدى ۋستينوۆ العاشقى ەكپىنىنەن قايتىپ. ءبىز ەكى ستۋدەنتتىڭ ءسوزىن جانە ارداگەر اعامىز ايتمۇحامبەت مانسۇروۆتىڭ (تايىر مانسۇروۆتىڭ اكەسى) شاعىن عانا جاستارعا اقىل ايتقان ماقالاسىن اپارعان بولاتىنبىز. سونى ايتىپ، قولدارىنا ۇستاتتىق.

ۋستينوۆ نوكەرلەرىن ەرتىپ، ويلاسۋعا حاتشىعا كەتتى. ءبىز دالىزگە شىعىپ، ولاردىڭ كەلۋىن كۇتىپ قالدىق. عاريفۋللينادا ءتىل جوق. ءوز نۇسقاسىنىڭ وتەتىنىنە سەنىمدى سياقتى، تەك بىزگە ولاردى قۇپتاماعانىمىزعا وكپەلى. ال جاسىراتىنى جوق، بىزدە ۇرەي كوپ. كەسەك-كەسەك ايىپتاعان ماقالالارىمىز جوق. ورىس ارىپتەستەرىمىزدىڭ ءسوزى ءوتىپ كەتسە، اياقاستىنان ونداي ماتەريال ازىرلەۋ قيىن. قيىن بولعاندا، ءوزىڭدى قايتىپ پىشاقتايسىڭ؟! نە بولار ەكەن دەپ كاماليدەنوۆتىڭ كابينەتى جاعىنا جاۋتەڭدەي قارايمىز. كۇتكەندە ۋاقىت تا وتپەيدى. ۋستينوۆتىڭ كوڭىلسىز قاباعىنا قاراپ، جۇرەگىم جىلىپ سالا بەرگەن. ار جاعىندا ءباسپاسوز سەكتورىنىڭ مەڭگەرۋشىسى امانگەلدى احمەتالىموۆتىڭ جىلى ءجۇزىن كورىپ جۇرەگىم ورنىنا ءتۇستى. ۋستينوۆ ءۇنسىز كابينەتىنە بەتتەدى، ال امانگەلدى بارىمىزگە ەستىرتىپ: «پرينيماەتسيا ۆاريانت «جەتىسۋ» – دەدى.

سول جەلتوقسان وقيعاسىنان كەيىن جارتى جىل وتكەندە جەلتوقسان قاھارماندارىنا بولعان سوت جاعدايدىڭ تاعى دا قىسىمىن كۇشەيتتى. ءسىرا، بيلىكتەگىلەر سول سوت ارقىلى جۇرتتى تاعى ءبىر قورقىتىپ قويۋدى ويلادى بىلەم. جەلتوقسان وقيعاسىنا بەلسەنە قاتىسقان ءبىر توپ جىگىتتى قاتاڭ جازاعا كەستى. ق. رىسقۇلبەكوۆ  ءولىم جازاسىنا، ت. تاشەنوۆ پەن ت. تايجۇماەۆ 15 جىلعا، ك. كۇزەمباەۆ 14 جىلعا، ە. كوپەسباەۆ  4 جىلعا كەسىلدى. سول جازاعا ۇشىراعان جەلتوقساندىقتاردىڭ سۋرەتىن كازتاگ ءفوتوتىلشىسى ءتۇسىرىپ، «جەتىسۋ» جانە «وگني الاتاۋ» گازەتتەرى باسىپ شىعاردى. حالىق اۋىر جازانى قاسقايىپ تۇرىپ قارسى العان ۇلدارىن كوردى.

بىراق بۇل بيلىكتىڭ ويلاعانىنان وزگەشە بولىپ شىققان. جەلتوقسان قاھارماندارىن سوتتاپ، ەلدى قورقىتۋ ورنىنا، سول باستارىن بايگەگە تىككەن جاستاردىڭ ولىمنەن دە قورىقپاي، قاسقايىپ تۇرعان سۋرەتتەگى كەيىپتەرى باسقالاردى رۋحتاندىرعانداي ەدى. بۇل بيلىكتەگىلەردىڭ ۇرەيىن ۇشىردى. سول كۇنى وك-تە ۋستينوۆ گازەت تارالىمى، ونى جەر-جەرگە جەتكىزۋ جونىندە جينالىس وتكىزىپ، سوندا سوت پروتسەسىنەن تۇسىرىلگەن سۋرەتتەردى دە ءسوز اراسىندا ايتىپ كەتكەن. سۋرەتتىڭ كازتاگ-تىكى ەكەنىن، ونى بەرۋگە مىندەتتى ەكەنىمىزدى ايتقانبىز. «ارينە، سەندەر ءسويتىپ قۇتىلاسىڭدار!» – دەپ قارقىلداپ كۇلگەنى بار. سۋرەتتىڭ شىن ءمانى، ونىڭ وقىرمانعا اسەرى، بيلىكتى اشكەرەلەۋشى كۇشى ولاردىڭ زەردەسىنە ءبىر كۇننەن كەيىن جەتتى. سويقان كەلەسى كۇنى باستالعان.
بۇل سەنبى بولاتىن. زاڭدى دەمالىس. وسى كۇنى بىزدەردى، سوت پروتسەسىنەن تۇسىرىلگەن سۋرەتكە قاتىسى بارلاردى – كازتاگ-ءتىڭ ديرەكتورى ج. يسماعۇلوۆتى، سول اگەنتتىكتىڭ رەداكتسيا مەڭگەرۋشىسى ن. ۆەنگلوۆسكييدى، «جەتىسۋ» گازەتىنىڭ رەداكتورى م. جاقىپوۆتى جانە «وگني الاتاۋ» گازەتى رەداكتورىنىڭ ورىنباسارى    ب. سكوروحودوۆتى قازاقستان كومپارتياسى ورتالىق كوميتەتى بيۋروسىنىڭ ماجىلىسىنە شاقىرعان. بۇل ماجىلىسكە الماتىداعى اقپارات قۇرالدارى باسشىلارى دا كەلگەن. بىرەۋلەردى جازالاۋ ءۇشىن، ەكىنشىلەرىنە ساباق بولۋ ءۇشىن. وعان وك-دان كىمدەر قاتىسقانى ۇزىن-سونار اڭگىمە.

ءماجىلىس ءۇش جارىم ساعاتقا سوزىلدى. كوپ ادام سويلەدى. ارينە، جيىندى جۇرگىزۋشى گەنناديي كولبين كوبىرەك سويلەدى. ايىپتاۋشىلاردىڭ ىشىندە ميروشنيك، كاماليدەنوۆ، مەشەرياكوۆتار ايرىقشا بەلسەندىلىك تانىتتى. بارلىعى ءبىزدىڭ كەمشىلىكتەرىمىزدى قاتتى سىناپ، نيەتىمىزدىڭ قارالىعىن ايتقان. مەن جونىندە ايتقاندا: «جاقىپوۆتىڭ تاجىريبەلى جۋرناليست» ەكەنىن، «زياندى سۋرەتتەردى بىلمەستىكتەن ەمەس، ءبىلىپ تۇرىپ بەرگەنىن» دالەلدەپ شىقتى.

ارينە، ءبىزدى دە سويلەتكەن. سويلەتىپ الىپ ءسوزىمىزدى وزىمىزگە قارسى پايدالاندى. ءۋاجىمىزدىڭ بىرىنە دە قۇلاق اسقان جوق. ۇلكەن عالىم، بەلگىلى قالامگەر – كازتاگ ديرەكتورى جۇماعالي ىسماعۇلوۆ اعامىزدىڭ بۇل سۋرەتتە باسقا نيەتتە جاسالىنعان ەشتەمە جوق، تەك وقيعانىڭ كورىنىسى عانا ەكەنىن دالەلدەمەك بولعانى كولبيننىڭ شابىنا تيگەن شىبىقتاي اسەر ەتتى. بەتپاقتىقپەن ول وسىنىڭ بارلىعىن قاساقانا جاسادىڭدار دەپ شاپتىقتى.
بۇل ءۇشىن بىرەۋلەر جازالانۋ كەرەك بولاتىن. وسىلايشا كازتاگ ديرەكتورى ج. ىسماعۇلوۆ پارتيالىق جولمەن ەسەپ كارتوچكاسىنا جازىلعان قاتاڭ سوگىس ارقالاپ، جۇمىسىنان بوساتىلدى. وسى مەكەمەنىڭ فوتواقپارات رەداكتسياسى باس رەداكتورىنىڭ ورىنباسارى م. ۆانگەلوۆسكيي پارتيادان شىعارىلدى. ءبىز تۋرالى قاۋلىدا: «جىبەرىلگەن قاتەلىكتەرى ءۇشىن «جەتىسۋ» جانە «وگني الاتاۋ» گازەتتەرى رەداكتسياسىنىڭ باسشىلارىن الماتى وبكومى قاتاڭ جازالاعانى ەسكە الىنسىن…» دەگەندە ءبىراز جاڭساقتىق بار، ءبىزدىڭ جازامىز ءالى الدا بولاتىن.

وبلىستاعىلار اياعان جوق. تۇنۇزاق وتىرىپ تالقىلادى. جارىسىپ سويلەدى. ول كەزدە وبكومدى م. مەڭدىباەۆ باسقاراتىن. بىزگە قاتىستى شىعارىلعان قاۋلىدا ءبىز «حالىق جاۋىنا» جاقىنداپ قالعانىمىز انىق. «قارسى ساياسي قادام جاساعانعا» كەشىرىم جوق، جازامىزدى مولىنان الدىق. ماعان شىعارىلعان ۇكىم: «ساياسي قىراعىلىعىنان ايىرىلعان جانە گازەتتە وقىرمانداردىڭ اشۋ-ىزاسىن قوزدىراتىن يدەيالىق زياندى سۋرەتتەردى جاريالاۋعا اپارىپ سوقتىرعان سايازدىق كورسەتكەنى ءۇشىن «جەتىسۋ» گازەتىنىڭ باس رەداكتورى م. جاقىپوۆ كپسس مۇشەلىگى قاتارىنان شىعارىلسىن جانە قىزمەتىنەن بوساتىلسىن!».

«قىزمەت قولدىڭ كىرى» – دەگەن بار. وندا دا ءبىراز شىندىق جاتىر. ءسىرا، كولبيندەر، كاماليدەنوۆتەر، مەڭدىباەۆتار ءبىزدى قىزمەتتەن كەتكەننەن كەيىن ومىرلەرى قۇسا بولىپ وتەدى دەسە كەرەك. جۇماعالي ىسماعۇلوۆ اعامىز عىلىمعا بارىپ، تاۋ قوپارعانداي جۇمىس ىستەدى، سول ەڭبەگى مەملەكەتتىك سىيلىقپەن باعالاندى. كولبيننىڭ نۇسقاۋىنان كەيىن ماعان الىپ شاھار الماتىدان جۇمىس تابىلماي، ءبىر جىلدان اسا ۋاقىت كۇرتى اۋداندىق «شۇعىلا» گازەتىندە كوررەكتور بولىپ قىزمەت اتقاردىم. ول جۇمىستى دا جامان جاساماعان سياقتىمىن. ارينە، وبلىستىق گازەتتىڭ رەداكتورلىعىنان اۋداندىق گازەتتىڭ كوررەكتورلىعىنا جىبەرۋ سول تۇستاعى كومپارتيالىق جۇيەنىڭ قاتىگەزدىك سيپاتىن اڭعارتادى.

سىرتتا ءبىر جىلدان ارتىق جۇرگەننەن كەيىن ورتالىق كوميتەت قايتا پارتيا مۇشەلىگىنە قابىلداپ، ءوزىمنىڭ باۋىر باسقان ورتام – «ەگەمەن قازاقستانعا» ورالدىم. وندا جاي ءتىلشى، ءبولىم مەڭگەرۋشىسى، القا مۇشەسى، گازەتتىڭ الماتى بولىمشەسىنىڭ جەتەكشىسى قىزمەتتەرىن اتقاردىق. بۇگىن جاسىم 80-ءدى القىمداسا دا گازەتتىڭ شولۋشىسى بولىپ كەلەمىن. ءومىرىمنىڭ جالعاسىنداي – بالا-شاعا، نەمەرەلەرىمنىڭ ورتاسىندا، شىعارماشىلىق جۇمىسىمدى جالعاستىرىپ ءجۇرىپ جاتقان جايىم بار.

جەلتوقسان وقيعاسى – تاۋەلسىزدىك جولىنداعى كۇرەستىڭ شوقتىعى بيىك بەلەسى. سول جەلتوقسانداي ۇلى وقيعانىڭ تاريحىنا قاتىستى ءبىر ۇلكەن شىندىقتى جۇرت «جەتىسۋ» گازەتىنىڭ بەتىنەن تابادى. ولاردىڭ شىن قاھارماندىق تۇلعالارى وسى گازەتتىڭ 1987 جىلعى 19 ماۋسىمداعى سانىندا جاريالانعان سۋرەتتە بەينەلەنگەن (سۋرەتكە نازار اۋدارىڭىز). بۇل تاريحتا قالاتىن جەلتوقسان وقيعاسى شەجىرەسىنىڭ ەڭ ءبىر شىنايى بەتتەرى! بۇل «جەتىسۋ» گازەتىندە جاريالانىپ قانا قۇندىلىققا اينالدى!

ماماديار جاقىپ،

قازاقستاننىڭ قۇرمەتتى ءجۋرناليسى.

الماتى قالاسى.

جاريالاندى. -تالدىقورعان: «جەتىسۋ» گازەتى.№138. 2016.-4 ب.

0 0 votes
Рейтинг статьи
Post Views: 16
Байырша Абылайхановтың беймәлім тағдыры
حالىق جادى

بايىرشا ابىلايحانوۆتىڭ بەيمالىم تاعدىرى

August 10, 2026
Айбат
حالىق جادى

ايبات

August 4, 2026
Келмеске кетсін сол зұлмат…
حالىق جادى

كەلمەسكە كەتسىن سول زۇلمات…

July 31, 2026
ЖАРКЕНТ ӨҢІРІНДЕГІ «АЛЖИР»
حالىق جادى

جاركەنت وڭىرىندەگى «الجير»

July 30, 2026
Екпемен елін сақтаған…
حالىق جادى

ەكپەمەن ەلىن ساقتاعان…

July 27, 2026
Әжек ақын
حالىق جادى

اجەك اقىن

July 9, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz