Panfilov audanyna qarasty tarihi oryndar men qasietti nysandarǵa, «Sayasi quǵyn-súrgin qúrbandaryna» qatysty jerlerge, qala muzeilerine oblystyq «Qoǵamdyq kelisim» ortalyǵy úiymdastyrǵan «Jarkent – kieli meken» ǵylymi-tanymdyq ekspeditsiyasy kelip qaitty. Tanymdyq sayahatta kieli jerlerdiń tarihy turaly qysqasha málimetter berilip, súhbattar alyndy jáne beinetaspaǵa túsirildi.
Taǵylymdy shara Jarkent qalasyndaǵy kóne túrme ǵimaraty men «Jarkent meshiti» sáulet-kórkemóner jáne «Jauyngerlik Dańq» muzeilerindegi ólke tarihyna qatysty ekskursiyasy men SHolaqai auylyndaǵy J. Bosaqov atyndaǵy orta mekteptegi «Jarkent – kieli meken» ǵylymi-tanymdyq konferentsiyaǵa úlasty. Konferentsiyany oblystyq «Qoǵamdyq kelisim» KMM basshysynyń orynbasary Quandyq Eshimet júrgizdi.
Konferentsiya ayasynda «Jetisu ólketanushylar ortalyǵy» QB direktory Qajet Andas, oblystyq tarihi-mádeni múralardy qorǵau jónindegi ortalyǵynyń direktory Ǵalymjan Ospanov, ólketanushy-jurnalist, «Jauyngerlik Dańq» muzeiiniń meńgerushisi Qali Túrdyǵazyúly jáne «Qazaq tili qoǵamy» Panfilov audandyq filialynyń tóraiymy Roza Ystai, Panfilov audandyq memlekettik arhiviniń direktory Gúlnar Káremenova, úiǵyr etnomádeni ortalyǵynyń tóraǵasy Azat Gaitov, dúngen etnomádeni ortalyǵynyń ókili Rihangúl Lasieva bayandama oqydy. Bayandamashylar Panfilov audanyndaǵy jalpyúlttyq jáne jergilikti mańyzy bar qasietti nysandar tizimine engen kieli jerler, audannyń ótkeni men búgingi tarihy, Jetisu óńirindegi quǵyn-súrgin qasireti, etnostardyń mádenieti men óneri, olardyń Jarkent jerine qonystanu tarihy turaly máselelerdi qauzady.
Búgingi tańda elimizdegi shynaiy túraqtylyq pen halyq birligi, beibit ómir memleket damuynyń negizi ekendigi barshańyzǵa ayan. Esterińizde bolsa, Qazaqstan halqy Assambleyasy qúrylǵannan beri qazaqstandyq toleranttylyq pen qoǵamdyq kelisimniń modeli qalyptasyp, álemge tanyldy. Jinalysta igilikti isti qazirgi tańda «Qoǵamdyq kelisim» KMM ortalyǵy sátti jalǵastyryp jatqandyǵy turaly aityldy.
Ata-babamyz bilektiń kúshimen, naizanyń úshymen qorǵaǵan jerin kóziniń qarashyǵyndai saqtaityn últ jastaryn tárbielep, olardy tarihi múralardy qorǵau júmystaryna tartu búgingi kúnniń basty baǵyty. Jetisu oblysy óz aldyna shańyraq kóterip shyqqannan keiin osy óńirdiń tarihi, mádeni múralaryn qorǵau jónindegi ortalyǵyna salmaqty mindetter júkteldi. Sonyń ishinde Jarkent óńiri de tarihqa bai óńir ekendigi el-júrtqa málim. Oblystyq múraǵat Taldyqorǵan qalasynda ornalasqanymen onyń qorynda elimizdiń, tipti shetel múraǵattarynan kezdestire almaityn, zertteushilerdiń nazaryna ilinbegen uezdik qújattarmen birge Jarkent óńirine de qatysty qúndy dúnieler óte kóp ekendigi málim. Konstitutsiyanyń 7-babynda: «Elimizde qazaq tili – memlekettik til bolyp tabylady» dep jazylǵan. Sol úshin de memlekettik tildiń mártebesin kóteru úshin audan aumaǵynda kóptegen igi ister atqaryluda. Osy maqsatta respublikalyq «Qazaq tili» qoǵamy qúrylyp, Jarkent óńirinde de tiisti júmystar júrgizude. Konferentsiya ayasynda osy máseleler de talqylandy.
Jarkent jeri ǵasyrlar boiy beibitshilik pen kelisimnen túratyn etnos ókilderiniń ortaq tirshilikte ómir súrip jatqan qútty mekeni. Demek, barlyq últ erkindik pen táuelsizdik úshin kúresip, egemen Qazaqstannyń órkendeuine qomaqty úles qosyp jatqandaryn da atap aitulary uaqyt qajettiligi. Olardyń qataryna dúngen, úiǵyr, taǵy basqa etnomádeni ortalyqtary jatady. Árbir etnos basqa halyqtardyń tarihyna, ózindik mádenietine qúrmetpen qarap jáne de ózderiniń ata-babalarynyń mádeni múrasyn úrpaqtan úrpaqqa amanattap qaz-qalpynda jetkizuge áreket jasaityndyǵy qalypty jaǵdayat ekendigi dausyz. Búl túrǵyda da túshymdy oilar ortaǵa salyndy. Sońynda «Jarkent – kieli meken» konferentsiyasyna belsendi túrde atsalysqandarǵa Alǵys hat tapsyryldy.
Ekspeditsiyanyń sońǵy kúni Bóribai bi auylynyń irgesindegi Keńgir áulie men Ótegen bi kesenesine, Yntaly qorymyna táu etken kópshilik Yntaly auyly mańyndaǵy emdik sulary bar «Naizatapqan» arasanyndaǵy «Taza Qazaqstan!» aktsiyasy ayasynda úiymdastyrylǵan senbilikke qatysty.
Q. Ibraiymjanov,
ólketanushy
Jarkent qalasy.
Q-Andas ақпарат.











