Бүгін, 29 шілде күні, Алматының «Қайрат» футбол клубы Чемпиондар Лигасының іріктеу кезеңіндегі жауапты кездесуін өткізеді. Қарсылас – Финляндияның «КуПС» командасы.
Еске салайық, бірінші матч 22 шілде күні Финляндияда өтіп, «Қайрат» сол ойында 0:2 есебімен жеңілген болатын. Енді алматылық команда өз алаңында есепті қайтаруға тырысады.
Тікелей эфир Qazsport телеарнасынан көрсетіледі, эфир уақыты 19:50-де басталып, сарапшылардың пікірі мен алдын ала шолулар ұсынылады. Сонымен қатар, кездесуді Kinopoisk платформасынан онлайн тамашалауға мүмкіндік бар. Жанкүйерлер үшін бұл – командасын қолдау мен камбэкке сенім білдірудің маңызды сәті.
Испания Сатпаевтың шеберлігіне тәнті болды
Алматылық команданың жас шабуылшысы Дастан Сатпаев Еуропа жанкүйерлерінің назарын өзіне аударып үлгерді. Испаниялық Respira el Fútbol басылымы 16 жастағы футболшының «Тобылға» қарсы матчтағы нәтижелі пасын ерекше атап өтті.
“Керемет нәтижелі пас. Бұл ойыншы – болашақ жұлдыз,” – деп жазады испандық шолушылар.
Сатпаев қазіргі таңда лигада 18 матчта 16 гол+пас көрсеткішімен көзге түсіп жүр. Оны ағылшынның әйгілі «Челси» клубы 2,4 миллион еуроға сатып алған. Жас ойыншы 18 жасқа толған соң ресми түрде Лондон клубына қосылады.
Матчтан не күтеміз?
Алғашқы ойындағы жеңілістен кейін «Қайраттың» бүгінгі мақсаты – есепті қайтарып, келесі кезеңге жолдама алу. Жанкүйерлер камбэкке сенім артып отыр.
Тартысты мач болады