«مەملەكەت، بيزنەس جانە ازاماتتىق قوعام ەكولوگييالىق ءبىلىم بەرۋدى دامىتۋ ءۇشىن بىرىگۋدە» اتتى ازاماتتىق فورۋم اياسىندا «رەستارت» اتتى بىرلەسكەن جوبانى ىسكە اسىرۋ جونىندەگى ءىس-شارالار جوسپارىنا قول قويۋ ءراسىمى ءوتتى. قۇجاتقا قازاقستان رەسپۋبليكاسى عىلىم جانە جوعارى ءبىلىم مينيسترلىگى، ءccى كازاكحستان كومپانيياسى جانە «جاسىل ەكونوميكا جانە گ-گلوبال دامۋى ءۇشىن كواليتسييا» زاڭدى تۇلعالار بىرلەستىگى قول قويدى.
بۇل جوسپار مەملەكەت باسشىسى قاسىم-جومارت توقاەۆتىڭ 2025 جىلعى 8 قىركۇيەكتەگى قازاقستان حالقىنا جولداۋىندا ايتىلعان ەكولوگييالىق قاۋىپسىزدىك پەن تۇراقتى دامۋ ماسەلەلەرىن جۇزەگە اسىرۋ ماقساتىندا ازىرلەنگەن. سونىمەن قاتار، ول قازاقستان رەسپۋبليكاسىنىڭ «ءبىلىم تۋرالى» زاڭىنا سايكەس دايىندالدى.
قۇجاتتىڭ باستى ماقساتى – مەملەكەت، بيزنەس جانە ازاماتتىق قوعام اراسىنداعى ىنتىماقتاستىقتى نىعايتا وتىرىپ، ەكولوگييالىق ءبىلىم مەن تۇراقتى دامۋ باستامالارىن دامىتۋعا ارنالعان تۇراقتى پلاتفورما قۇرۋ.
جوبا اياسىندا ستۋدەنت جاستار اراسىندا ەكولوگييالىق مادەنيەتتى قالىپتاستىرۋ، «جاسىل ەكونوميكا» قاعيداتتارىن جوعارى وقۋ ورىندارىنىڭ ومىرىنە ەنگىزۋ جانە ەكولوگييالىق كلۋبتار مەن عىلىمي قوعامدار جەلىسىن كەڭەيتۋ كوزدەلگەن. سونداي-اق، قالدىقتاردى سۇرىپتاپ جيناۋ، «جاسىل كامپۋس» باستامالارىن ەنگىزۋ جانە ەكولوگييالىق ستارتاپتاردى قولداۋ جوسپارلانعان.
جاڭا جوبا ءccى كازاكحستان كومپانيياسىنىڭ ون جىلدىق تابىستى تاجىريبەسىنە نەگىزدەلگەن. بۇعان دەيىن ىسكە اسقان «3.2.1. ستارت!» جوباسى بيىل جاڭا فورماتقا ءوتىپ، «رەستارت» اتاۋىمەن كەڭەيتىلگەن ميسسييانى قولعا الدى.
2024 جىلى قازاقستاننىڭ ءارتۇرلى جوعارى وقۋ ورىندارىنىڭ ستۋدەنتتەرى (قازگاۋ، كبتۋ، ساتباىەۆ ۇنىۆەرسىتى، قازنايۋ، سقۋ جانە ت.ب.) 17 توننادان استام پلاستيك قالدىقتى جيناپ، قايتا وڭدەدى. 2025 جىلى جوباعا 14 جوعارى وقۋ ورنى مەن 100 مىڭنان استام ستۋدەنت قاتىسىپ، ءبىر جىل ىشىندە 35 توننا پلاستيك جينالىپ، ەل بويىنشا 15 ەكوسەنبىلىك ۇيىمداستىرىلدى.
– بيىل جوبا ءوزىنىڭ ون جىلدىق بەلەسىنە جەتىپ، جاڭا كەزەڭگە اياق باستى. “رەستارت” – بۇل تەك اتاۋدىڭ اۋىسۋى ەمەس، ول تۇراقتى دامۋ جانە ەكولوگييالىق مادەنيەتكە باعىتتالعان كەڭەيتىلگەن ميسسييا. مەملەكەت پەن ازاماتتىق قوعاممەن سەرىكتەستىك – ەكولوگييالىق جاۋاپتى ۇرپاق قالىپتاستىرۋداعى ناقتى قادام، – دەيدى ءccى كازاكحستان كومپانيياسىنىڭ كورپوراتيۆتىك جانە رەتتەۋ قاتىناستارى جونىندەگى ديرەكتورى اليما يسەمباەۆا.
قر عىلىم جانە جوعارى ءبىلىم مينيسترلىگىنىڭ اپپاراتىنىڭ باسشىسى مادييار كوجاحمەت:
– بۇل باستاما – جاستاردىڭ ەكولوگييالىق ويلاۋىن قالىپتاستىرۋدىڭ ءتيىمدى جولى. جوسپاردى جۇزەگە اسىرۋ ەلدىڭ تۇراقتى دامۋىنا ناقتى ۇلەس قوسادى، – دەپ اتاپ ءوتتى.
جوبا جىلدارىندا ونداعان ستۋدەنتتىك ەكوكلۋبتار قۇرىلىپ، كوپتەگەن ەكولوگييالىق يدەيالار ۋنيۆەرسيتەتتەردىڭ تۇراقتى تاجىريبەسىنە اينالدى. ماسەلەن، ساتباىەۆ ۇنىۆەرسىتى-دە پلاستيكالىق قاقپاقتاردى جيناپ، شاعىن ساۋلەتتىك نىساندارعا اينالدىرۋ جۇيەسى ەنگىزىلدى. قازنايۋ-دا «جاسىل كامپۋس» جوباسى تابىستى ىسكە اسۋدا، ال سقۋ ستۋدەنتتەرى قايتا وڭدەلگەن پلاستيكتەن كادەسىيلار جەلىسىن دامىتىپ وتىر.
«رەستارت» جوباسىنىڭ تۇلەكتەرى اراسىندا روcكەت ءپلاستىc، رەcىcلە بىرگە جانە ەcوcاشباcك سىندى ەكولوگييالىق ستارتاپتار بار – بۇگىندە ولار الەۋمەتتىك كاسىپورىندارعا اينالىپ، ءوز باعىتىندا تابىستى جۇمىس ىستەۋدە.
2013 جىلى قۇرىلعان «جاسىل ەكونوميكا جانە گ-گلوبال دامۋى ءۇشىن كواليتسيياسى» ەلىمىزدەگى ەكولوگييالىق ءبىلىم مەن تۇراقتى دامۋ يدەيالارىن ىلگەرىلەتەتىن جەتەكشى قوعامدىق ۇيىمداردىڭ ءبىرى بولىپ سانالادى.
– مەملەكەت، بيزنەس جانە ازاماتتىق قوعامنىڭ بىرلەسكەن ەڭبەگى – قازاقستاننىڭ بۇۇ-نىڭ تۇراقتى دامۋ ماقساتتارىنا جەتۋىندەگى بەرىك ىرگەتاس بولماق، — دەدى ۇيىم ءتورايىمى الييا راحيمبەكوۆا.
«رەستارت» باستاماسى — قازاقستاننىڭ ەكولوگييالىق ءبىلىم بەرۋ جۇيەسىن جاڭا دەڭگەيگە شىعارىپ، جاستاردى تابيعاتتى قورعاۋ مادەنيەتىنە باۋلۋعا باعىتتالعان ماڭىزدى جوبا. بۇل ىنتىماقتاستىق ەلىمىزدىڭ تۇراقتى بولاشاعىنا قوسىلعان ناقتى ۇلەس بولماق.
قاجەت انداس،
«ق-انداس» اقپاراتتىق اگەنتىگى.
