DÁULETBEK:
Darqan el, jasai bersin Altyn kúnim,
Sender dep zeńgir kókte shalqidy únim.
Audaryp qaskóilerdiń aram oiyn,
Úly eldiń alyp bergen bar tirligin.
Ústinde Jersharynyń maldas qúryp,
Teńdikti jyr etude halqym búgin.
Taǵy da jańalyǵyn bauyryna alyp,
Bastaldy jiyrma úshinshi jarqyn jylym.
Bastaǵan tyń ómirge kemeńgerim,
Arnaldy ózderińe tartu jyrym.
ANDAS:
Al, Dáuke, úrpaǵymyz kórkem eldiń,
El úshin birimiz ǵoi ter tógerdiń.
Jańa dáuir bizderge erik berip,
Toqtalmastan shalqysyn erke únim.
Eńbekshil erkin eldiń bastauynda,
Auylyńnyń jetistigin sherte bergin.
Mendaǵy úirenuden keldim sizden,
Ayalap aǵalyqpen erte bergin.
Ánińiz kókke biik asqaqtaǵan,
Ekpindi Qas suyndai tastap qadam.
Jyr etip jańa dáuir bas mindetin,
Jón shyǵar óleńmenen bassaq qadam.
DÁULETBEK:
Sózderiń jyrǵa arqau, kúige negiz,
Kelemiz ete-ene ósip sen ekeumiz.
Tańdauly aqynysyń Kúnes jaqtyń,
Kóp kórgen azamattan úirenemiz.
Halqymyz úzaq jyldar arman etken,
Qaitpaǵan bolashaqtyń alǵan betten.
Úrpaqtan úrpaqtarǵa múra bolyp,
Búl joldy búrynǵylar jalǵap ketken.
Qaitpaimyz júrtymyzǵa bergen sertten,
Múratqa baǵyty aiqyn erler jetken.
Aldymyzda qandai auyr mindet bolsyn,
SHyǵamyz birlikte biz qalmai kópten.
Jetkende eki myńynshy jyldarǵa biz,
Kóremiz núrly zaman keleshekten.
Ór halqym shabyt alyp, sharyqtady,
Dúbirli osy úly keremetpen.
ANDAS:
Búl kúnde baqyttymyz, erkin elmiz,
Jeńistiń shyńdaryna serpilemiz.
Qas, Kúnes, kúres, jeńis bar jaqsylyq,
Eń tatu, ortaq bolǵan kórshilermiz.
Mal órip, dariyadai dán aǵyzǵan,
Qasyńdai kórikti osy jaǵańyzdan.
Elimniń tabystaryn jipke tizip,
Biz búgin kósilip bir salamyz án.
Jańa bir sharyqtady dáuir áni,
SHaǵylyp mesheuliktiń shańyraǵy.
Jiyrma úsh jylda jetetin dabyraly,
Bastaldy úly sapar dabyraly.
Arqaudy ústap Otandy ońaltuǵa,
Jeńisti ún ár saladan jamyrady.
Alamyz tabiǵattyń syryn úǵyp,
Dúlei kúsh erkimizge baǵynady.
Kónelik jermen-jeksen boldy daǵy,
En dalamen erkindikpen jamyrady.
Tebinmen tyń kúreske attanamyz,
Bolashaqtyń núr shamy jaǵylady.
Elimiz qúdiretti elge ainalyp,
Taulary kóneliktiń shaǵylady.
Osyndai kúres jasap, qúlshynyp biz,
Baqyttyń túrǵyzbaqpyz baǵyn áli.
DÁULETBEK:
Bir kezde aspanymdy búlt basqan,
Múńaiyp qaiǵy-shermen túrdy aspan.
Ejelden erkindigin ańsaǵan el,
Kónelikke saldy myqtap qúrysh, qaqpan.
Bolashaqtyń jeńisti joryǵynda,
Talailar boldy bizge jala japqan.
Qúrmettep jyrǵa qossam Astanany,
Astanam osy jolǵa bastaǵany.
Ornyǵyp armandary bolashaqtyq,
Jadyrap bara jatyr jastar áni.
Aitaiyq jyrǵa qosyp búl rette,
Osy bir órkeni mol bastamany.
ANDAS:
Búldirmek bop osyndai sanatty eldi,
«Syrynbań» (tórttik tóbe) uly nárin taratty, ezdi.
Erlerimiz basshy bop bárimizge,
Jeńispen samǵaitúǵyn qanat berdi.
«Syrynbań» bizge qalyń zorlap tańǵan,
Bastaǵy múń-qaiǵyny taratty endi.
SHyrqaldy sondyqtan da jyrym búgin,
Orandy gúlge erek qyrym búgin.
Kezdesken jolymyzda kedergige,
Ańǵarttyq yntymaqtyń myǵymdyǵyn.
SHalqidy osy jaily salǵan ánim,
Emes qoi jańa ómirde talǵan jaǵym.
Elimniń kóshin bastap, júgin túzep,
Iske asuda oidaǵy úly armanym.
DÁULETBEK:
Jadyrap shuaq shashty el kóktemi,
Kóktemmen úlan-asyr jer kóktedi.
Baqytty baitaq Otan asqaq túryp,
Quatty boiǵa jidy jer-kóktegi.
Estilip úly joba, úly jospar,
Qol sozdy sábiler de jer-kóktegi.
Bolǵan soń elde qairat, jerde aibat,
Otannyń jańalandy kelbetteri.
Bastalyp jańa dáuir bas mindeti,
Tolqynnyń bógeu bermes keldi óktemi.
Sábidei mápelenip bizdiń halyq,
Úly Otan besigi bop terbetildi.
ANDAS:
Mineki, saigúlikti qamshyladym,
Jeńispen basu úshin arshyn qadym.
Bereke, merekniń bastauy bop,
Sarqylmas shashty bizge mai shuaǵyn.
Qosylamyz shalqytyp biz el eńbegin,
Kenelgen en bailyqqa kólemderin.
Joldaǵy qaqpa tasty qaǵyp ótken,
Jyrlaimyz baitaq eldiń ór óńbegin.
Jyrlai ber jańa dáuir bas mindetti,
Jan aǵa, ánińizge eleńdedim.
Aqyn dep bizdi halyq qúrmettedi,
Búl da bir naq maidandyq jyr mektebi.
Mádeniet, kórkemóner salasynda,
Túr talai jańa dáuir mindetteri.
Jańa talap el júregin eljiretti,
Qyzyl tudy kógimde jelbiretti.
Bastai ber shyńdaryna jyrdyń ylǵi,
Aqylshy siz aǵasyz er júrekti.
DÁULETBEK:
Bóledi altyn núrǵa erikti eldi,
SHalqytty erik berip serikterdi.
Bas mindet, altyn zańda belgilengen,
Kózdegen el biigin berikteudi.
Osyndai úly dabyr eńbekpenen,
Jasaimyz álemdegi kórikti eldi.
Elimniń qúdireti asyp sonda,
Otyrmyz zeńgir kókte kezikkeli.
ANDAS:
Mine, asqa aqyndardyń shyǵady áni,
Halyqtyń óleń bizden súraǵany.
«Syrynbań» kedergi bop bir kezderi,
Elimiz alǵa attamai túralady.
Mine, endi el júregi eljiregen,
Tyńdarda tabys tuy jelbiregen.
Ońaltu barshamyzdyń bar mindeti,
Kópshilik múny birge belgilegen.
Túsauly attai túralap qalsaq búryn,
Qadamym arshyn basyp endi jeldi.
Jaulardy túmsyqqa úryp, basyp mysyn,
Ilikke alǵysyz ǵyp kergiledi.
Endigi el bas mindetti arqau etip,
Keremet jetistikti óndiredi.
DÁULETBEK:
Qoimastan kópti múnda eleńdetip,
El tilegin bereiin óleńdetip.
Bolǵan soń baǵdar aiqyn, jolym tura,
SHalqimyn tórt múhittan shalqyp ótip.
Ǵylymnyń shyńdaryna qanat qaǵyp,
Qúramyz tuǵan jerdi darqan etip.
Búl minip, ai jetektep, kókte júzip,
Alamyn naizaǵaidan arqan esip.
ANDAS:
Qaryshtap alǵa bastyq birge, mine,
Dostyq gúlin jainatyp kúlli óńirge.
Jalauyn ilemiz biz jaqsylyqtyń,
SHúǵylasyn jainatyp kún kózine.
Tógiltip tabys selin sirkiretip,
Dabyly kókti jarǵan dúrkiretip.
Alamyz teńizderden shortan súzip,
Tórt múhittyń tereńinen súńgip ótip.
DÁULEBTBEK:
Taǵy da bir arqauym altyn astyq,
Astyqtyń úrpaqqa zor saltyn ashtyq.
Eger de osy armanym oryndalsa,
Kelmeidi ómir boiy halqyma ashtyq.
Astyqtyń auylyma tauyn úiip,
Qadamdy bolashaqqa arshyn bastyq.
Altyn dánniń yrysyn asyrmaq bop,
Talaptanyp, tamasha qarqyn ashtyq.
ANDAS:
Kúrespen iradany shynyqtyryp,
Alamyz tabiǵattan yryqtylyq.
Dalaǵa aluan órnek sala alamyz,
Tylsymyn dúnieniń úǵyp túryp.
Alamyz million tonna astyq ónim,
On eki úlken baza qúryp shyǵyp.
Tabyspen kórealmastyń inin órtep,
Tastaimyz orta jolǵa kúiik qylyp.
Ony da bizdiń eldiń eńbekkeri,
Óziniń tabysymen túr úqtyryp.
Bailyqty san-sanaqsyz jaratamyz,
Dál alpys million tonna qúrysh qúiyp.
Eselep atqaruda búl mindetti,
Otyrmyz yntymaqty tynys qylyp.
Qúlshyna saigúlikke qamshy basyp,
Baramyz shyńǵa tarta suyt júrip.
DÁULETBEK:
Bárimiz bir niettiń sabyndamyz,
Kún súigen bolashaqty saǵynǵamyz.
Kúreske beldi buyp atqa mindik,
Aldyńǵy barlyq shepten tabylamyz.
Úrshyq qyp mashinany auylymda,
Jaǵamyz sónbes bailyq shamyn naǵyz.
Aspannyń kóp júldyzyn marjan etip,
Quana keudesine taǵynamyz.
ANDAS:
– Qaradyq úmitpenen shyńǵa kúlip,
Túbi bir aqtalady múndaǵy úmit.
Kók júldyzyn siz monshaq etip taqsań,
Biz ildik qaraǵaiǵa syrǵa ǵylyp.
Tetigin tehnikanyń búrap-búrap,
Otyrmyz tabiǵattan súraq-súrap.
Aspannyń jerge ákelip júldyzdaryn,
Baramyz marysqa da júratshylap.
Dúnieniń qojalyq qyp kesimine,
Jasaimyz tylsymdardyń sheshimin de.
Kúshinen paidalanyp tehnikanyń,
Biteimiz bolsa álemniń ketigi de.
DÁULETBEK:
Ornatyp ǵylym syryn oiǵa naǵyz,
Úishigimen jylqy jaiyp, qoi baǵamyz.
Ǵylymnyń barlyq syryn aqtaruǵa,
Jas bolyp, kári bolyp qolǵa alamyz.
Minip-ap aǵash atty kókte úshamyz,
Úrpaqqa ertegi de bolǵan ańyz.
Ǵylym men óner, bilim jolyn ashyp,
Myltyq ap Saturndy qolǵa alamyz.
Dúnie kózin tikti búl dúbirge,
Túsken soń búltarmaityn jolǵa naǵyz.
Óitkeni bizdi alǵa jeteleitin,
Tyń sapar júrekterde joldamamyz.
ANDAS:
SHalqimyz tabystyń biz kúnde órinde,
Úqsaidy qyzuymyz kún kózine.
Ǵylymnyń san júirigin sailap minip,
Neme SHolpanyńmen júrmei birge.
Otyrsyz otty óleńdi tolymdy aityp,
Bizdaǵy shyrqataiyq qorynbai túk.
Ǵylymnyń tylsymdaryn shyn igergen,
Jer sharyn kóteremiz dobyńdai ǵyp.
Ádispen jasap úzyn syryqtardy,
Jinaimyz qolymyzben búlttardy.
Kún núrynan bir tegis paidalanyp,
Úirenemiz ai sharynda úiyqtaudy.
DÁULETBEK:
Júmysshym batyr qolmen ot kúregen,
Arnalǵan solar úshin ótkiz óleń.
Bastaǵan tyń joryqqa bastama bop,
Zauyttar kóterildi kók tiregen.
Osyndai jetistikter álemge ayan,
Kúreste qanat qaǵyp, kóp túlegen.
Zauyttar aǵytyldy túsauynan,
Qyrandai keudesine kek túnegen.
ANDAS:
Dalamyz baiyp otyr yrys shalqyp,
Eselep arttyramyz júristi artyq.
Beine bir tynyq múhit sekildenip,
Aǵady qolymyzdan qúrysh balqyp.
Dáuirim kúnnen-kúnge túrlenedi,
Jap-jańa bolashaqta túrge enedi.
Senińiz keleshekte bir zauytty,
Bir ǵana júmysshy ózi meńgeredi.
SHalqi ber sondyqtan da úmit artyq,
Otty jyr tua bersin gúldep endi.
DÁULETBEK:
Qabaǵym oi oilasam túiiledi,
San qyran túz qiyada shúiiledi.
Aspannyń aqsha búltyn zauytqa sap,
Úrshyqpen qaryndasyń iiredi.
Ǵylymmen egin egip, keń dalany,
Diqanym kúshti alaqan úiiredi.
Zamanǵa sai tuylǵan erlerim kóp,
Tabiǵat ibasymen iiledi.
Qart ózen, tarpań tauyń basyn igen,
Som bilek erlermen el súiinedi.
ANDAS:
Otyrmyz bolashaqty anyq bilip,
Igerer tylsymdardy qanyq bilip.
Úǵynyp zańdylyqty keleshekte,
Jasaimyz qolymyzdan azyq-túlik.
Sol kezde taǵy shalqyp salamyz án,
Jyn-shaitan joǵalady aramyzdan.
Neshe túrli matany kóz arbaityn,
Kiemiz túgel toqyp auańyzdan.
Jeńispen shalqytamyz jyrymyzdy,
Oipatqa ornatamyz qyrymyzdy.
Úqtyryp tabiǵatqa tilimizdi,
Jasaimyz aspandaǵy kúnińizdi.
Dáuke aǵa, netken pysyq kútimdi ediń,
Jón biraq mynany da túsingeniń.
Búl emes qajetke de jaratamyz,
Zauyttan shyqqan ys pen tútinderin.
DÁULETBEK:
Qolyma qúral alyp el qamy úshin,
Jat jauǵa bastyrmauǵa er namysyn.
Qorǵaimyz úly Otandy ǵylymmenen,
Kúsheitip elimizdiń qorǵanysyn.
Elimniń qorǵanysyn kúsheitemiz,
Biikten-biikterge samǵau úshin.
Bastyrmai súiem jerdi qas dúshpanǵa,
Elime arnalǵan shyn ar-namysym.
El birligin, jer qamyn taza saqtau,
Halqymnyń júrektegi armany shyn.
ANDAS:
Teń jeńis shalqyp búgin elimizde,
Tabystyń tańy atty jerimizde.
Bizdaǵy qorǵanysty shyn kúsheitip,
Jattardy jolatpaimyz shebimizge.
Asyryp jaudyń solai kúiikterin,
Basady alǵa máńgi súiikti elim.
Elimniń erkindigin órge súirep,
Asamyz dúnieniń biikterin.
Otyrsa qos zomeger tym asyǵyp,
Túramyz oǵan sergek qúlaq túrip.
Qúbyjyq atomdaryn qolmen ústap,
Ózine jiberemiz laqtyryp.
Súiem jer attap kirmek bolsa eger,
Qoyamyz qanjalatyp, qúlaqqa úryp.
DÁULETBEK:
Jaqsy sózdi aitasyń jol úqqanǵa,
Jóneldik ǵylym degen joryqtarǵa.
Kózin ashqan eńbekpen bizdiń halyq,
El jolynda kúresten zoryqqan ba?
Jerimniń ár túiiri qorǵasyn oq,
Qańǵyǵan jau tankisi jolyqqanda.
Kórealmastar oilashy ne demeidi,
Elimniń aibatynan qoryqqanda.
Gúldentip aǵartudy mektepterdi,
Územiz aidyń belin tepsek tegi.
Dihanym ústaz bolyp jazsa kitap,
Qalamy balyqshynyń eskekteri.
ANDAS:
– Qalyqtap jeńispenen án úshqanda,
Sanany salamyz biz jarystarǵa.
Bel buyp, qúlshyna iske kirispekpiz,
Júldede basqalardan qalyspauǵa.
Jibermei azamattyq er kezegin,
Joyamyz jamandyqtyń eń kezebin.
Tankisin teńizderge laqtyryp,
Quraisha japyramyz zeńbiregin.
DÁULETBEK:
Ǵylymnyń igergen soń jaiyn bilip,
Qol sozsaq ala alamyz aiyńdy ilip.
Kúni erteń atommenen egin egip,
Múhitty aralaimyz jaiyn minip.
Baǵamyz úide otyryp, myńdap jylqy,
Taqymnan tastalady qaiyń qúryq.
Álemge asqaqtap biz jol tartamyz,
Qanatty múzdy shyńǵa janyp júrip.
Zamanym talap bergen, qanat bergen,
Kórikti el men jerime sanat bergen.
Elimniń baqytyna, múratyna,
Úly joldy babalar qalap bergen.
Zamanyń jarqyn ári parasatty,
Úly arman, úmit kútken talapty erden.
Zamanym jarqyn, jaily ómir men,
Rizamyn talmaityn qanat bergen.
ANDAS:
Túrady erligime aspan kúlip,
Asqardy bókteremiz, shatqaldy ilip.
Toqimyz bolashaqta kezdeme etip,
Búltyńdy jinap alyp maqta qylyp.
Bel sheshpei ómir boiy kúresemiz,
Búginde bolashaqtyq aqtaldy úmit.
Ótkende adamdarǵa bolǵan ańyz,
Isterdi jaratuǵa oilanamyz.
Bizdaǵy úide otyryp ǵylymmenen,
Mashinege otyryp qoi baǵamyz.
Búl mindet auyr ári dańqy da bar,
Kúsh kerek aidy aspannan tartyp alar.
Taiynbai esh nárseden alǵa attaimyz,
Óitkeni dańǵyl jol bar, halqym adal.
Jaqsy eken otty óleńdi salǵanyńyz,
SHabytty mol tárbie alǵanymyz.
Birlikte qol ústasyp kireseiik,
Bolashaq oryndalsyn armanymyz.
1978 jyl 7-ai, Nylqy.
«Ádebiet» jurnalynyń 1978 jylǵy 10-sanynda jariyalanǵan.
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











