TÚRSYNAJY:
Jinalyp Kúnestiń bar jyrshylary,
Kóńil kúiin búrkeusiz bir shyǵardy.
Almalydan kelipsiń aqyn bolyp,
Biraz óleń aitaiyq, Túrsynajy.
Úrpaǵymyz jalyndy kórkem eldiń,
Birimiz ǵoi halyq úshin ter tógerdiń.
Bastauynda jeńistiń qolǵa kelgen,
Jetistigin aulyńnyń sherte bergin.
Jańa dáuir bizderge erik berdi,
Aqtarylsyn auzyńnan erke óleńiń.
ANDAS:
Únin ashty búl dáuir tyiylǵannyń,
Basymyzdan aiyqty jiylǵan múń.
Búgin barlyq dúnie qolymyzda,
Búryn iesi boldyq tek búiyrǵannyń.
Bai men manap búldirip sanat eldi,
Uly zárin halqyma taratty ezdi.
Eldiń qamyn kóksegen talailardy,
Túnshyqtyrdy jauynger talapkerdi.
TÚRSYNAJY:
Aryndady kúrestiń dabyldy úni,
SHamshyraǵy baqyttyń jaǵyldy úly.
SHette júrgen keshegi jarlylardyń,
Tyń joryqtyń tórinen tabyldy úly.
Kópshiliktiń kóńilin núrlandyrdy,
Moinymyzdan shaqty da ajyrǵyny.
ANDAS:
Qadamymyz kelisti bola alsa nyq,
Qiyndarǵa jasqanbai qol artalyq.
Myna kóptiń kóńilin tabatúǵyn,
Búl joly biraz jaqsy oi aitalyq.
Taǵy da óleń aitarmyz tolyqtanyp,
Bolashaqqa baramyz joryq anyq.
Ońaltuǵa elimniń bolashaǵyn,
Birge kúres jasaiyq qol ústasyp.
TÚRSYNAJY:
Andas aqyn shyn jaqsy myna óleńiń,
Aituyńdy taǵy da tiler edim.
Qana bersin, qúmarym qana bersin,
Qalqi bershi jyryńnyń kilegeiin.
Tileimin men qúlashty sermeuińdi,
Óleńmenen asqarǵa órleuińdi.
Aityp bershi elińdi órkendeter,
Kilti nede túbirli eń negizgi.
ANDAS:
Boiymyzda bar jiger eriktilik,
Júgimiz mol otyrmyz kórip, bilip.
Jaqsy aparu úsh úly zor kúresti,
Kúreseiik bir maidanda berik túryp.
Elimizge núr qúidy araily aspan,
Bolyp jatyr bir kúnim talai dastan.
Jańa dáuir mindeti Otan qúru,
Osy ómir ǵoi meniń de sanamdy ashqan.
TÚRSYNAJY:
Tanystyrshy taǵy da dúilerińdi (bólimshe),
Qalai qanat jaidyrdy úirenudi.
Segiz tarmaq belgileme nege shyqty,
Aita ketshi búl jaily bilgenińdi.
Teńizinde ómirdiń talmai júzu,
Aqyn janǵa kerek qoi samǵai bilu.
Neshe túrli aita ket birden terip,
Ólshemderin mádenietti audan qúru.
ANDAS:
Óziń aitqan yrysty Kúnesime,
Qarai qalsań shattanyp kúlesiń de.
Az-aq jylda kóp tabys jaratyldy,
Qúldyq qamytyn laqtyryp kúresinge.
Halqym, mine, tai-tasty jainatuda,
Kúndiz-túni bel sheshpei kúresude.
Keshegi qiyn kúnder rasymen,
Menińdaǵy óshpestei túr esimde.
Jańa zańnan janǵa kúsh taptym bekim,
Tabysypenen tarihtyń ashtym betin.
Alǵa qoiǵan maqsatym osy meniń,
Jalǵastyru elimizdiń bas mindetin.
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











