NAUATQAN:
Úlgerdik Aqózenge biz de jetip,
Aǵajan qaidan júrsiz túndeletip.
Oyandyq siz kelgende shyrt úiqydan,
Jatqanda túńlik jauyp, irge bekip.
Ústazsyz shákirtteri jol kórmeidi,
Jaqsyǵa qaida barsa tór keń deidi.
Aqboz úide jaiǵasyp jatqan halyq,
Aitys dep eki aqynǵa boi bermeidi.
Al endi dombyramdy qolǵa alaiyn,
Demeńiz aǵa maǵan jol bermedi.
Jaiyldy ózińizge jyr qúshaǵy,
Jailaudyń gúl ańqyǵan tún qúshaǵy.
Adasyp kep qaldyńyz siz qai jaqtan,
Úki de kúndiz úshpai, túnde úshady.
ANDAS:
Úqsaimyn qyranǵa da, úkige de,
Bilimsiz jandar múny túsine me.
Úkiniń qasietin bilmeisiń be,
Aqynsyń atyń shyqqan búkil elge.
Qanatym talmaidy ǵoi halyq barda,
Qyrandai túlki ilemin jaryqta da.
Erteńgi aitysqa men baǵalaushy,
Keshigip kelgenimdi aiyptama.
SHabyttansa aqynnan jyr aǵylar,
Sahnalyq aitystyń synaǵa bar.
Ústazyńmen al endi maidan kórip,
Túlpardai ashy terdi shyǵaryp al.
NAUATQAN:
Aitysyp úsh aimaqta jyrlaǵansyz,
Tarihi múrany da jinaǵansyz.
Jetemin túyaq qyzsa kómbege men,
Ústaz bop bizdi osylai shyńdaǵansyz.
Qalmańyz qapiyada torǵa túsip,
Qyranmyn, úkimin dep qyrlanasyz.
ANDAS:
Kóp júrgen biledi ǵoi joldyń jaiyn,
Túsiner zerdeli adam joldyń jaiyn.
Áliptiń aldyn baq degen sóz bar,
Bir jeide senen búryn tozdyrǵanmyn.
Jetkizbei búl aitysty máresine,
Kileńniń almai jatyp kádesin de.
Toryńa da, túspeimin qolyńa da,
Osylai shyrǵalaityn ádetiń be?
NAUATQAN:
Aǵa dep endi aitamyn syilai túryp,
SHyǵarsańyz qosyńyz jinaq qylyp.
Baǵalaushy bolsańyz kóńildi bol,
Alaiyn torymdy men jinastyryp.
Qyrandar meken qylyp tauda túrar,
SHolpanda qarqyraǵan tańda tuar.
Degendei kúsh atasyn tanymaidy,
Alyptan da jasqanbas aibatym bar.
ANDAS:
Úqsaisyń totyqústai asyl qúsqa,
Tuystyq bar arada jaqyndyq ta.
Qileńdi de jan etti jep aitady,
Kerek degen aqynǵa batyrlyq ta.
Sertke buyp shyǵarsyń senimińdi,
Osy óner jarqyratsyn ómirińdi.
Aita almasań aǵańa renjime,
Jaqsy aitsań jaqsy qoyam nómerimdi.
Biz de alamyz halyqtan baǵamyzdy,
Tas qoiyp teńsheimiz ǵoi tarazyny.
El aldynda eńsemdi kóteremin,
Ádildikpen qaq jarsam qara qyldy.
NAUATQAN:
Ústazym maǵan aitty bar aqylyn,
Dei almaimyn keshegi Sara aqynmyn.
Úshamyn saiǵa emes tauǵa qarai,
Qatqan kezi búl meniń qanatymnyń.
Saqtaǵan aqyndar bar el esimin,
Entikpei kómbelerge keletinmin.
Teride júirikterdiń teke ketpes,
Bári sizdei bolsa eger tóreshiniń.
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











