NAURYZBAI:
Jylqy bolsań qarajal, qara qúiryq sary ekensiń,
Túie bolsań qaiyspas nar ekensiń.
Seksen jigit kelse de serpilmeitin,
Qandy qara qaqpandai bar ekensiń.
MALAI:
Tauǵa tastap kelemin tayaǵymdy,
Taǵy bastap kelesiń bayaǵyńdy.
Qaqpan, qaqpan deisiń de esh qoimaisyń,
Qaqpan jazym qyldyma ayaǵyńdy.
NAURYZBAI:
Biriń qara, bireuiń sary ekensiń,
Túie bolsa qos órkesh nar ekensiń.
Toqsan jigit kelse de bylq etpeitin,
Qandy qara qaqpandai bar ekensiń.
MALAI:
Toiǵa ústap kelipsiń tayaǵyńdy,
Qaqpan qyrqyp ketken be ayaǵyńdy.
Sálem aitsam qaqpan dep zar jylaisyń,
Asha berme men úshin aranyńdy.
Auylymdy jailaǵan bes kermedik,
Arttyń jauyr bolaryn eskermedik.
Ókpeleitin qaiyn aǵa jóniń bar-au,
Birjapyraq art jaqtan et bermedik, – dep Malai jeńip ketipti.
BERDIKE:
Sálem de Malaijanǵa ózi kelsin,
Jaqsy-jaman is bolsa kózi kórsin.
Naizam bar qaraǵaidai qajyp júrgen,
Bir túzetip aluǵa tezin bersin, – dep Berdike bolys Malaiǵa hat jazyp jibergende MALAI:
Júrgenim Berdikemen qúdaiǵa anyq,
Deushi ediń auylyńa júrem baryp.
Kelmek túrmaq qaramdy bir kórmediń,
Sen bir it, men bir búta ketken saryp, – dep jauap qaitarypty.
ÁLPIYA:
Men de túrip otyrmyn qúlaǵymdy,
Jaidyń Malai ortaǵa tylaǵyńdy.
Qaita-qaita kótińdi kóp maqtaisyń,
Ishine qystatqandai bir auyldy.
MALAI:
Auylymnyń qonǵany Taldybúlaq,
Kók shoqydan kóriner bizdiń tylaq.
Tylaǵymnyń bir búryshyn kesip bersem,
Álpiyaǵa shyǵady kájekei, peshpet, shapan, jekei tymaq.
MALAI MEN QYSTAUBAIDYŃ AITYSY
QYSTAUBAI:
Ait degennen, aitaiyn Malaiyńnan,
Malai aqyn atandyń talaiyńnan.
Táttibike, Qonaqbai bir tuyssa,
Ekeui qyz alysqan qalaiynan.
MALAI:
Ras aittyń Múńqyldyq Malaiymnan,
Malai aqyn atandym talaiymnan.
Tasta tamyr, ápishte bauyr joq dep,
Ekeui qyz alysqan solaiynan.
QYSTAUBAI:
Auylyń sary búlaqty asar ma edi,
Sińliń Baitúlaqpen qashar ma edi.
Eki eldi eger qylǵan ońbaǵannyń,
Qúiryǵyna sekseuildi basar ma edi.
MALAI:
Óleńimniń basy edi aida saida,
Mektep kórgen balanyń tili maida.
Qaǵynǵan kót oilashy qai elde joq,
Keshegi Aqbai menen Toqbai qaida.
(Aqbai men Toqbai Múńqyldyqtyń atalas tustary eken. Jaqyn tuystarynyń qyzymen shataǵy bolyp, el ortasynda úyatqa qalyp, basqa jerge kóz jazdyryp kóship ketken delinedi).
QYSTAUBAI:
Malaiǵa qansha aitsań da sóz úqpaidy,
Naukem shal eptep júrip bir myqtaidy.
Astyńa alty qadaq tary salsam,
Kótińniń oppasy bar dym shyqpaidy.
MALAI:
Apinnyń ishinde arala bar,
SHúǵynyqtyń ishinde sary ala bar.
Kótke salǵan aq taryń pysyp ketti,
Núrjan, Salpyq jiylyp qaralap al.
(Qystaubai Begimbet ishindegi Andas ruynan shyqqan adam eken. Andas ruy Núrjan jáne Salpyq degen eki atadan qúralady. Aqyn osyny mezgep soǵypty).
MALAI MEN JAPSARBAIDYŃ AITYSY
JAPSARBAI:
Basymdaǵy kigenim aq qalpaǵym,
Malai saldy ortaǵa jap-jalpaǵyn.
Búl ne degen yapyrmau úlken kót dep,
Álgi aitqan sózine qairan qaldym.
MALAI:
Japseke-au, basyńdaǵy aq qalpaq pa,
Qalpaǵyń menikindei jap-jalpaq pa.
Kigende tóńiregi jymyrylsa,
Japseke, qalpaǵyńdy sonda maqta.
TILEUQABYL ABYLǴAZYÚLY MEN GÚLJANNYŃ AITYSY
GÚLJAN:
SHyǵatyn kún bolar ma armannan da,
Opasyz senip júrmiz jalǵanǵa da.
Armanǵa jetetin kún bolar ma eken,
Keterem Qyzai túrmaq Albannan da.
(Gúljan Qyzaiǵa úzatylǵan Alban qyzy eken)
TILEUQABYL:
Júregim júregimmen keliskende,
Izdedim úiiń túrmaq óristen de.
Armanǵa qol jeter kún bolar ma eken,
Ketsem de Begimbet pen Derbisten de.
GÚLJAN:
Qaitesiń ótken isti auyzǵa alyp,
Ne boldy kórgen kúniń menen qalyp.
Jastaǵy bastan ótken isti oilasam,
Men bir búta, sen tóbet ketken saryp.
Joǵarydaǵy aitystardy aityp bergen Tileuqabyl Álilǵazyúly, jazyp alǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











