Ertede bir syǵan bai bolypty. Ol basqa tapshy eken de jalǵyz Razqan atty qyzy bolypty. Ákesi ony saltanatty toi jasap úzatady. Qyzdy attandyrarda ákesi odan búiymtai súrap bylai deidi:
ÁKESI:
Aralap qalyń toǵai júrer qaban,
Jylqyda báige bolar sary taban.
Úl bolyp qaraǵym-au enshi almadyń,
Bar bolsa qalaǵanyń aitshy maǵan.
RAZQAN:
Qolynda su qúiǵannyń shelegi joq,
Su aluǵa súiener teregi joq.
Berińiz qoi tory atty qalaǵanym,
Odan basqa dúnieniń keregi joq.
ÁKESI:
Qolyna su qúiǵandar alar shelek,
Jan balam búiymtaidan aittyń derek.
Otyz at, alpys túie men bereiin,
Súrama qoi tory atym maǵan kerek.
RAZQAN:
Qyzyńnyń júma kúni qyldyń toiyn,
Myńǵyryp jatqan az ba jylqy-qoiyń.
Eshkimdei qoiǵa kelgen meni sattyń,
Bermediń artyq pa edi menen toryń.
ÁKESI:
Qyzyl qyrshyn, endeshe qyzyl qyrshyn,
Búitip bergen, qúdaiym, qyzyń qúrsyn.
Bermesime qoimadyń atymdy endi,
Al endi olai bolsa nazam úrsyn, – dep qyzyna teris batasyn berip, narazylyq bildiredi. Áke men bala ortasyndaǵy búl narazdyqty kórgen el-júrty araǵa túsip, qyzdy ákesiniń ayaǵyna jyǵady. Ákesin de ilandyryp, qoi tory atty qyzǵa mingizedi. Qyz úzatylady. Biraq teris bata alǵan qyz áke nazary bir kesir bola ma dep oilaidy. Razqan úzatylyp barǵan soń kóp ótpei auruǵa shaldyǵady. Ol auyryp jatyp.
Razqan dep qoiylǵan meniń atym,
Halqyma osy bolsyn jazǵan hatym.
Baqyty janbai ketken men beibaqqa,
Qúran oqyp qoiyńdar qalǵan halqym, – dep qoi tory atqa mingizip ákesine habarshy jiberedi.
Sonda ákesi:
Áuede úshyp júrgen ala kepter,
Qúdaiym alarynda ózi-aq epter.
Sorly qyz búiterińdi bilmep edim,
Beishara tie bersin Allahuakpar, – dep otyra beripti.
Joǵarydaǵy aitysty Zaǵipa Bekenqyzynan jazyp alyp, saqtaǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











