QUANBEK:
Basynda Sorbúlaqtyń qystap júrmin,
Ónerdi óleńmenen núsqap júrmin.
Qanyshai, ózińe arnap óleń-jyrdyń,
Jorǵasyn, júirigimen ústap júrmin.
Basynda Kókshoqynyń jailap júrmin,
Búlbúldai myń qúbylyp sairap júrmin.
Qanyshai óleńmen bir saiysuǵa,
Jaratyp jyr dúldilin sailap júrmin.
QANYSHAI:
Basynda Sorbúlaqtyń án sap júrmin,
Atyńdy bir estudi ańsap júrmin.
Ásem án bal shyryndai sózderińdi,
Meiizdei tańdaiǵa sap tausap júrmin.
Jan ediń jastaiyńnan óleń quǵan,
Tamasha júrgen jeriń jyr men duman.
Qyrandai qyraǵy ediń ilip túser,
Qúrbyńnan óziń tektes artyq tuǵan.
Keiin Qanyshai úzatylar tústa, onyń el men jermen qoshtasqan aryz óleńin Quandyq aitqan eken.
Auylǵa adam barmas araldaǵy,
Kelmeidi-au atar jerge maraldaǵy.
On bes pen on altyda syrtqa ketip,
Qyzdardyń ishte keter bar armany.
Qonbaidy taudyń qúsy shi basyna,
Bireudiń ilinipsiń búidasyna.
At erttep attanuǵa dayar bopsyń,
Qosh aityp attanarsyń úi basyna.
Oinaushy eń jas kúnińde túie bolyp,
SHyqty ǵoi saǵan bireu ie bolyp.
SHai sal dese shainekke shai salmaushy eń,
Ústaisyń qaitip qazan kúie bolyp.
Bazardan alyp kelgen shyny-sháinek,
Kirpishten úi saldyrdym ishi áinek.
Barǵan jerde jaidary jaqsy bop júr,
Janasyp óz qúrbyńmen kúlip-oinap, – degen eken.
QUANBEK PEN BEGZATQANNYŃ AITYSY
QÚANBEK:
Begzatqan sóziń búlaq, ániń qausar,
Atyńdy myń búralǵan qúrbyń ańsar.
Óleńderiń Araldyń altynyndai,
Sózderiń magnittei bizdi tartar.
Búgin tún úzaq túnge talmai shyrqa,
Qúrbyńnyń án qúmary sonda tarqar.
BEGZATQAN:
Estidim keldi degen habaryńdy,
Bilmedim nanbasyńdy, nanarymdy.
Ózińdi kópten beri ańsauly edim,
Kórsem dep altyn didar jamalyńdy.
Aitqan sóz, salǵan ániń oidy terbep,
Núr qúiyp jadyratar janymyzdy.
Joǵarydaǵy aitysty el auzynan jazyp alyp, saqtaǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











