ءتورت جىلدان بepi اشتىقتان بولسىن، نيكولايدىڭ تىزەسىنەن بولسىن، بولشەۆيكتىڭ سودىرىنان بولسىن ايتەۋىر، كورمەگەن شىعىنعا ۇشىراپ، اقىرى تاۋسىلۋعا بەت الىپ ايانىش حالگە دۋشار بولعان جەتىسۋ جانە سىرداريا وبلىستارىنداعى قازاق-قىرعىزداردى ارقاداعى توڭ وبلىستارعا ءبولىپ كوشىرىپ الۋدان باسقا امال جوق. ويتكەنى، ەلدەن تيىنداپ، تەبەندەپ جيعان جىلۋمەن ولاردى تويدىرا المايتىنىمىزعا كوز جەتكەندەي بولدى. ارقادان استىق اپارىپ تويىندىرارلىق جەر الىس، جول قۇمدىق، جازىق ساحارا بولعان سوڭ، تارتقان استىقتىڭ قۇتى كەتەدى. ارزانعا دا تۇسپەيدى. ونىڭ ۇستىنە ولاردى تەگىس تويىندىراتىن ازىق-تۇلىك ول جەرگە جەتە المايدى جانە مىندەتى بولشەۆيك بip ءۇيلى جاندى ارقاعا اكەلۋگە ەر – كولىك جەتەدى. ازىق – تۇلىك جەتكىزۋگە بىرنەشەۋىمەن قويىلعان. ونىڭ ۇستىنە ولاردىڭ ىسكە جارايتىنى مۇندا كەلگەن سوڭ، ءوز قوتىرىن وزدەرى دە قاسىپ كەتەر جانە مۇنداعى توق اعايىندار اش-جالاڭاش تۋىسقاندارىن كوزدەرى كورىپ وتىرعان سوڭ، قولدان كەلگەن جاردەمدەرىن ەتپەي، شىداپ وتىرا الماس ەدى.
احمەت جانتالين
«جاس ازامات»، 1917، № 50.
ءتۇپ نۇسقا اراب حارپىندە
اۋدارعان قاجەت انداس











