Óz kezinde eliniń órkenieti úshin ólsheusiz eńbek etse de Keńes biligi túsyndaǵy totalitarlyq rejimniń úzaq uaqyttyq qudalauyna úshyraǵan Meiirman Ermektasov araǵa bir ǵasyr salyp baryp júrttyń qúrmetine qaita bólendi. Jetisu jerinde alǵash ret Maman úrpaqtary aǵartushylyqtyń shamshyraǵyn jaqsa, sol otty óshirmei Aqsu óńirinde jalǵastyrǵan Meiirman Ermektasovtyń qazaq halqyn sauattandyrudaǵy eńbegi eresen. Ol 1888 jyly Eńbek auylynda tuyp, jas kezinde Ufa qalasyndaǵy Ǵaliya medresesinde bilim aldy. Sol dáuirdegi túrkitildes últtardan shyqqan ziyalylardyń qúrmettisi atandy. Eline kelgen soń qazirgi Eńbek auylynda 1922-1924 jyldary qúrylys materialdaryn jan-jaqtan ógiz arbamen tasyp júrip, san qiyndyqty jeńip, mektep ashyp, eldi bilim kókjiegine jeteledi. Búginde búl mektep Qarasu atyndaǵy orta mektep atalyp, san túlekti bilim nárimen susyndatyp keledi.
Ókinishke qarai, Meiirman Ermektasov 1916 jylǵy Bóribai basshylyǵyndaǵy últ-azattyq kóterilisi men Alashordamen tikelei qatysy bolǵandyqtan qyzyl ókimettiń qyryna ilikti. Onyń mektep ashyp, aǵartushylyqpen ainalysqany, Oraz Jandosovpen birge eń alǵash balalar úiin salyp, jetim balalarǵa kómek kórsetkeni, taǵy da basqa azamattyq isteri eskerilgeni bylai túrsyn, basyna qater bolyp tóndi. Aqyry 1930 jyldary jansauǵalap Qytai asyp tyndy.
Qytaiǵa ótkennen keiin de óziniń mol bilimin, biliktiligin, Alash arystarynan kórgen ónegesin Qytaidaǵy qandastardyń qarańǵylyqtan qútylyp, jaryq dúniege jol aluyna arnady. 1933 jyly Meiirman Ermektasovtyń jobalauymen Qytai qazaqtarynan shyqqan metsenat Jabyqbai Búlǵynshyúlynyń kómegimen «Jabyqbai» mektebin ashyp, sol jaqtaǵy aǵaiynǵa aǵartushylyqtyń núryn septi. 1934 jyly Qytaidyń Qúlja qalasynda qúrylǵan «Qazaq-qyrǵyz mádeni aǵartu úiymynyń» múryndyq boluymen ashylǵan Túrasu jailauyndaǵy múǵalimder dayarlau kursyna sabaq berip, bastauysh synyp múǵalimderin tárbielep, qazaq aǵartuyna taǵy da tyń úles qosty. Keiin 1944 jyly Qúlja qalasynda Úsh aimaq últtyq ókimeti qúrylǵanda ókimettiń sayasi keńesiniń qúramynda bolyp eldi ornalastyru, Qytai asqan qazaqtardyń áleumettik jaǵdaiyn qadaǵalau, aǵartushylyq isterin órkendetu, taǵy da basqa mańyzdy júmystardy atqardy. Ókinishke qarai 1950 jyly qaitys bolyp, súiegi sol jaqta qaldy.
Meiirman Ermektasovtyń kindiginen Zeiin atty jalǵyz úly qaldy. Zeiinnen 8 qyz, 3 úl tarap, búginde bir qauym elge ainalypty.
SHaraǵa Almaty, Taraz, Qyzylordada túratyn Ermektasovtyń úrpaqtary da qatysty. Aǵartushynyń nemereleri Maira Ermektasova men Zoya Ermektasova jáne shóbereleri eskertkish- taqtanyń ashyluynda úlken júmys atqarǵan Jeksembek Myqtybaev pen Eńbek auyly Qarasu orta mektebiniń direktory Múhtar Saǵadievtiń iyǵyna shapan jauyp, júrt qúrmetin kórsetti. Sońynda kópshilik Eńbek auylyndaǵy meshitte Ermektasovtyń úrpaqtary jaiǵan as dastarqanyna jinalyp, aruaqqa Qúran baǵyshtap, perzenttik iltipatyn kórsetti.
Qajet Andas.
Jariyalandy. –Taldyqorǵan: «Jetisu» gazeti. №38.2022. -2 b.











