Búginde kitaphana isi zaman talabyna sai jańaryp, basqaru júiesine jańa tehnologiyalar men ádister engizildi. Sonyń nátijesinde kitap qoryn saqtau, oqyrmanǵa qyzmet kórsetu sapasy joǵary deńgeige kóterildi. Ruhani jańǵyrudy, adami qúndylyqtardy dáripteitin jańa eńbekter oqyrmanǵa jol tartyp, kópshiliktiń yqylasyna bólenude. Elektrondy kitap qorlary men últtyq elektrondy kitaphananyń damuy kitapqa qoljetimdilikti arttyryp, bilimdi tereńdetuge, oqu mádenietin qalyptastyruǵa jáne oqyrman qyzyǵushylyǵyn kúsheituge yqpal etude.
Osy túrǵydan kelgende oblystyq ámbebap kitaphanasy 2019 jyldan beri memlekettik tapsyryspen, syiǵa tartylǵan jáne jergilikti qarjy esebinen alynǵan jańa ádebietterdi «WEB-RABIS» baǵdarlamasy arqyly elektrondy katalogqa engize bastady. Al 2023 jyldyń nauryz aiynan beri «SabIrbis» baǵdarlamasynyń «Komplektovaniya» men «Katologizator» modulьderi iske qosylyp, júieli túrde oqyrmanǵa úsynyluda. Búl tájiribe audandyq kitaphana qyzmetkerlerine de úiretilip, tájiribe almasu sharalary nátijesinde búkil oblys kóleminde kitaptar elektrondy bazaǵa engizildi.
«TSifrly Qazaqstan» baǵdarlamasy ayasyndaǵy izdenister de óz nátijesin berude. Basylymdar men ǵylymi eńbekterdi, mádeni mańyzdy ólketanu qújattary men sirek kezdesetin qoljazbalardy sandyq formatqa kóshiru baǵytynda belsendi is atqarylyp keledi. Búl úrdis últtyq múrany joǵaltpai saqtauǵa, qúndylyqtardy bolashaqqa jetkizuge septigin tigizedi.
Kitaphanalyq qyzmettiń jańa túriniń biri QR-kod júiesi. Kez kelgen smartfon iesi kamera arqyly qajetti aqparatqa lezde qol jetkize alady. Búl oqyrman úshin uaqytty únemdep, derekke tez ári naqty jol tabudyń tiimdi tásili bolyp otyr. Sońǵy jyldary QR Últtyq akademiyalyq kitaphanasy tarapynan elektrondy memlekettik kitaphana qory jasaqtalyp, aqparattyq teńsizdikti tómendetuge baǵyttalǵan auqymdy júmystar qolǵa alynuda.
Qazaqstandyq últtyq elektrondy kitaphana qorynyń tolyqtyryluy kitaphana isiniń jańa serpin aluyna yqpal etti. Búginde oblys kitaphanalary sirek ári qúndy kitaptarmen tolyqtyrylyp, kez kelgen oqyrman KazNEB portaly arqyly kazneb.kz siltemesine kirip, internet arqyly elektrondy katalogtardy paidalana alady, qújattardyń kóshirmesin tapsyrys berip nemese tolyq mátinin oquǵa múmkindik tabuda.
Kitaphana – últtyq ruhtyń ainasy. Ol úrpaqtan-úrpaqqa amanattalǵan qúndylyqtardy, tarih pen mádenietti, ádebiet pen salt-dástúrdi saqtap, keiingi buynǵa jetkizetin altyn qazyna. Sondyqtan da kitaphanany jańǵyrtu, ony innovatsiyalyq deńgeide damytu últtyq jauapkershilik. Álemdik kitaphana isiniń úzdik tájiribesin paidalanyp, zamanaui innovatsiyalyq jobalardy engizu arqyly ǵana Qazaqstan kitaphanalary halyqaralyq deńgeide moiyndalǵan mádeni-aǵartushylyq ortalyqqa ainala alady.
Uaqyt ótken saiyn kitaphana isiniń máni artyp, jańa tehnologiyalar arqyly onyń mańyzy eselene túsude. Múndai júieli júmys aldaǵy uaqytta da jalǵasyp, bolashaq úrpaqtyń ruhani shamshyraǵy bolyp qala bermek.
Maqpal Andas,
Almaty oblysy ortalyq ámbebep kitaphanasynyń kitaphanashysy
