Жетісу өңірінің жас инноваторлары мен стартап командалары Jetisu Digital алаңында өткен жазғы маусымның финалдық PizzaPitch шарасында өз идеяларын ұсынды. Командалар әртүрлі саладағы өзекті мәселелерге нақты шешімдер ұсынып, жобаларын жаңа деңгейде қорғады. Биылғы финалда қатысушылар қоғамдық қызмет, білім, туризм, агро және креатив индустрия бағыттарында өздерінің инновациялық бастамаларын таныстырды. Жобалар сарапшылар тарапынан идеяның өзектілігі, техникалық жүзеге асуы және өңірлік маңыздылығы бойынша бағаланды. Jetisu Digital қауымдастығы барлық қатысушыларға, менторлар мен серіктестерге өңірдің инновациялық экожүйесін дамытуға қосқан үлестері үшін алғыс білдірді. Финал қорытындысы бойынша үздік жобалар алдағы уақытта пилоттық кезеңге және менторлық бағдарламаға қатысу мүмкіндігін алады.
Осы шараға Qandas/kz сайтының редакторы Ақжол Меңлибай мен өлкетанушы Ақжайық Жұмағали қатысып, ойларымен бөлісті.
Толығырақ:www.instagram.com/p/DONckWgj…
