Coca-Cola Belesteri («Ósu baspaldaqtary») – Qazaqstandaǵy bastaushy kásipkerlerge arnalǵan bilim beru jobasy. Ótken jyly «The Coca-Cola Foundation» halyqaralyq qaiyrymdylyq qorynyń qoldauymen júzege asyryldy.
Ol onlain-oqytudy, grant alu múmkindigi qarastyrylǵan biznes-ideyalar baiqauyn jáne biznes-akselerator baǵdarlamasyn qamtidy. Joba alǵan bastalǵannan búginge diein Qazaqstan boiynsha 150000-nan astam áiel tegin bilim beru kurstarynan ótken. Jobanyń praktikalyq nátijesi retinde 10 100-den astam shaǵyn kásiporyn ashylyp, 13 300-den astam jańa júmys orny qúryldy. Baǵdarlama eń aldymen áielder men jastarǵa ideyadan bastap óz biznesin iske qosuǵa deiingi joldan ótuge jan-jaqty qoldau kórsetedi. Byltyr búl maqsatta 1600-den astam ótinim túsipti.
13-mausymnyń qorytyndy forumynda 19 jartylai finalist táuelsiz qazylar alqasynyń aldynda óz jobasyn qorǵady. Nátijesinde 11 qatysushy óz biznesin iske qosu jáne auqymyn keńeitu úshin 1 mln.teńgeden 1,8 mln. teńgege deiingi grant sertifikattaryna ie boldy. Jeńimpazdardyń qatarynda 9 áiel jáne 2 er adam bar, al finalisterdiń shamamen jartysy 30 jasqa tolmaǵan. Aita keterligi, byltyr biznestiń tiimdiligin arttyruǵa arnalǵan jasandy intellekt qúraldaryn praktikalyq qoldanu boiynsha arnaiy kurs engizilipti.
Atalǵan joba ónimdi júmyspen qamtudy, ornyqty damudy jáne eldiń áleumettik-ekonomikalyq áleuetin arttyruǵa qosqan úlesi úshin birneshe márte kásibi jáne memlekettik marapattarǵa ie boldy. Búl onyń shaǵyn biznesti qoldau salasyndaǵy eń nátijeli bastamasynyń biri.
Almaty qalasy.
«Q-andas» aqparattyq agenttigi.
