Áke-sheshesi, bauyrlary jáne otbasymen 2010 jyldary Qytai elinen atajúrtqa qonys audarǵan Júmanúr elge kelgen soń birden Syrymbet auylyna ornalasypty.
– Alǵash kelgen jyldary elge, jerge úirenisip, qújattarymyzdy rettep, tolyq ornalasyp alǵan soń kásiptenuge niet audy. Arǵy bette júrgende bala kúnimizden ákemizden aǵash shabudyń qyry men syryn kórip óstik. Ákemiz de, atamyz da, arǵy atalarymyz da aǵash shabudy kásip etken eken. Olar kóbine er shauyp, qazaq úi, úige kerekti túrmystyq búiymdardy jasaityn. Biraq ol jaqta aǵash ydystarǵa súranys az bolatyn.Búl jerde qazaqy oyulanǵan ydysqa degen súranystyń kóptigin kórgen soń osy kásipti qolǵa aldym. Basynda qolmen tegene oiyp, tabaq shauyp, kese jonyp júrdim. Keiin kele Qytaidan aǵashty órnektep jonatyn stanok aldyrǵaly júmysym júrip, ónim molaya tústi, – deidi jas sheber.
Júmanúr aǵash ydystardy qaraǵashtan jasaidy. Onyń aituynsha, qaraǵashtan oiylǵan ydystar sapaly, shydamdy jáne ádemi bolyp shyǵady eken. Materialdy auyldastarynan satyp alady.
– Meniń qymyz qúyatyn tegenem ótimdi ydys qatarynda. Óitkeni onyń jasaluy óte názik jáne shydamdylyq pen sheberlikti talap etedi. Oyuly aǵash ydys jasaityndardyń kóbi qymyz qúyatyn tegeneniń júmysynyń kóptigine bola kóp jolamaidy. Almatydaǵy biraz azamat men jasaǵan tegenelerimdi satyp alyp, kóterme baǵada satyp júr, – deidi ol.
Júmanúrdyń ydystaryna súranys kóp. Júmysyn arǵy betke tanymal aǵash sheberi ákesi SHamen Kametúly qadaǵalap otyrady. Jas kúninen túrmystyq búiymdar, kiiz úidiń aǵash materialdaryn, ertoqymnyń túr-túrin jasap, ony kásipke ainaldyrǵandyqtan biletini mol. Sol tájiribesi boiynsha úlyna únemi aqyl-keńes berip túrady.
– Úsh úl, bir qyzymyz bar. Qúdaiǵa shúkir, bári erjetip, óz aldyna otau qúrdy. Óz kásibi, mamandyǵy boiynsha júmysy bar. Meniń jolymdy ústanǵan Júmanúr ǵana. Bala kezinen osy kásipke qyzyqty. Qasymnan qalmai aǵash oyu óneriniń qyry-syryna kóz júgirtip ósti. Qazir jasymyz úlǵaiyp qaldy. Sonda da Júmanúr oyulap bergen ydystardyń órnegin árlep, ishi-syrtyn mailap, qoldan kelgenshe kómektesip túramyn, – deidi SHamen aqsaqal.
«Erinbegenniń ózegi talmaidy» degen ras. Syrymbet auyly oblys, audan ortalyǵynan shalǵai ornalasqan eldi meken. Biraq Júmanúrdyń ónimine degen súranys elimizdiń ár óńirinen túsip túrady.
Rasynda, qazirgi naryq zamanynda tútynushylar alatyn zatynyń sapasy men qolailylyǵyna mán beredi. Qaladasyz ba, auyldasyz ba tútynushynyń kóńilinen shyǵatyn ónim úsynsańyz izdep tauyp alady. Al tauardy jetkizudiń de joly jeńildei tústi. Búl múmkindik Júmanúrdy yntalandyryp otyr.
Qajet ANDAS
