Beisen Qúranbek atyndaǵy jurnalister úiinde Jetisu oblystyq bilim basqarmasy, «Kazposhta»AQ Almaty oblystyq filialy jáne «Mereili otbasy – 2022» Últtyq baiqauynyń jeńimpazy Andas áuletiniń úiymdastyruymen mádeni, taǵylymdy shara ótti. Oǵan oblystaǵy audan-qaladan bilimge qúshtar, ónerge beiim, últtyq qúndylyqqa jany jaqyn 30 oqushy men olardyń jetekshileri qatysyp, ónerin kórsetip, órligin tanytty.
SHarany oblystyq «Jetisy» gazeti bas redaktorynyń orynbasary, aqyn Júmatai Ámire júrgizip, aldymen atalmysh sharanyń mán-maǵynansyn túsindirdi:
– Ǵasyrdan úzaq tarihy bar oblystyq «Jetisý» gazetiniń qazaq ruhaniyaty úshin sińirgen eńbegi eren. Qazaq ádebieti men mádenietinde orny bólek keshegi Iliyas, Múhtar, Maǵjandar bastaǵan úly kóshtiń bári de «Jetisy» gazeti arqyly tanylyp, esimi tarihta qaldy. Odan keiingi san buyndy tárbieleude de basylymnyń orny erekshe, bedeli biik boldy. Mine, búginde sol dástúrdi Andas áuleti jalǵastyryp, oblystyń audan-qalasynan 8-10-synyp aralyǵynda oqityn 30 oqushyny «Oquǵa qúshtar mektep» jobasy ayasynda qarashańyraq gazetke jazdyryp, demeushilik tanytyp otyr. Árine, bilimge, ǵylymǵa, ruhaniyatqa jasalǵan demeushiliktiń baǵasy ústem bolatyny anyq, – dep atap ótti.
«Oquǵa qúshtar mektep» jobasy Prezident Qasym-Jomart Toqaevtyń Úlytauda ótken Últtyq keńeste bergen tapsyrmasy ayasynda júzege asuda. Oblystyq bilim basqarmasynyń bas mamany Ruslan Arsylanov atalǵan joba ayasynda oblysta qandai sharalardyń atqarylyp, nendei jetistikterge jetkeni turaly bayandasa, «Kazposhta» AQ Almaty oblystyq filialynyń jetekshisi Aibol Tańjarbek oqushylarǵa poshtaǵa jazylǵan túbirtegin tabys etti.
Kelesi kezekte Andas áuletiniń otanasy, «Parasat» ordeniniń iegeri, «Altyn alqaly» ana Áueshan Majaiqyzy balalardyń bolashaǵyna sáttilik tilese, osy áulettiń úly, áriptesimiz Qajet Andas áulet qúndylyǵy turaly aita kelip, tarihshy, aitys jáne jazba aqyn Andas Omaraqynnyń «Tarih talǵarynda», «Doda», «Jyldar izi» atty 3 tomdyq eńbegin tanystyryp, oqushylarǵa syiǵa berdi. Sondai-aq, oblystyq bilim basqarmasy men Andas áuleti birlese otyryp, aldaǵy jarty jylda «Oquǵa qúshtar mektep» jobasy negizinde júrgiziletin «Andas Omaraqyn oqularynyń» erejesimen tanystyrdy.
– Jańa bastama búgingi sharaǵa qatysqan 30 oqushynyń arasynda, alǵashqy jarty jyldyqta synaq retinde ótedi. Ol «Tarih talǵarynda» jas ólketanushylardyń ǵylymi júmystary baiqauy, «Doda» atty jas aitys aqyndarynyń aitysy jáne «Jyldar izi» atty jas jazba aqyndar músháirasy siyaqty úsh baǵytta júrgiziledi. Ár nominatsiyaǵa daiyndalǵan oqushylar eńbeginde Andas Omaraqyn shyǵarmashylyǵyn úlgi etui kerek. I, II, III dárejeli oryn alǵan úmitkerge oblystyq bilim basqarmasynyń Alǵys haty men Andas otbasy atynan qomaqty aqshalai júlde taǵaiyndalady. Úsh nominatsiya boiynsha I oryn alǵan oqushylar oqityn mektepke oblystyq bilim basqarmasynyń «Oquǵa qúshtar mektep» atty kóshpeli tuy tapsyrylady, – dedi ol.
Kelesi kezekte ár óńirden kelgen oqushylar óz ónerlerin kórsetip, óleń oqyp, aitysqa túsip, sharanyń shyraiy ashyla tústi.
Serik QANTAI











