ASQA BATA
Iá, qúdaiym ońlasyn,
Qyzyr babam qoldasyn.
Bárimizdi basty qylsyn,
Kórgen kúnnen kórmegen kúndi jaqsy qylsyn.
Aylaidai aqyldy qylsyn,
Abai hákimdei naqyldy qylsyn,
Jansarbaidai batymdy qylsyn.
Bógembaidai bilekti qylsyn,
Qabanbaidai júrekti qylsyn,
Esengeldidei eldge tilekshi qylsyn.
Aqty qylsyn, taqty qylsyn,
Bárimizdi Jambyl atamen jasty qylsyn.
Osy qyzyq kúnderimizdi,
Kóre almaǵan dúshpan bolsa,
Keńirdegine tas tyǵylsyn.
Aumin!
NAURYZ BATA
Qosh kelipti Nauryz merekemiz,
Nauryzben beriktelsin berekemiz.
Baitaq osy baqytty úly otanda,
Barlyq últ yntymaqta tel ósemiz.
Otyrǵan toiǵa kelip halqym meniń,
Ardaqta Nauryz toiy saltyńdy elim.
Mereke basy bolsyn berekeniń,
Igi eńbektiń jemisin báriń jegin.
Nauryz kúni qazanyń ortaimasyn,
Eńbekshil el shattanyp toi-toilasyn.
Aqniettiń jaiylyp dastarqany,
Aigilensin izgilik ortańda shyn.
Úlys kúni qútty bolsyn,
Tórt túlik sútti bolsyn.
Úlys kúni kári-jas ,
Qúshaqtasyp kórissin.
Jańa aǵytqan qozydai,
Jamrasyp órisiń.
Úlys oń bolsyn,
Aq mol bolsyn.
Úlys bereke bolsyn,
Pále-jala jerge ensin.
Alqa qotan toi dúman,
Ortamyzdan ashaiyq.
Án men kúidi tógildirip,
Inju- marjan shashaiyq.
Kórgen adam tań qalsyn,
Ónerden kúmbez jasaiyq.
Tórletińiz qonaqtar,
Kelip túrǵan alystan,
Sizderdiń erlik isterińiz.
Ǵasyrlar boiy tynbaidy,
Ańyz dastan jyrlardan.
Jastar oqyp tyńdaidy,
Nauryz toiy úlys kún,
SHyrqap ánge salyńdar.
Erteń eńbek er eńbek,
Jastarymyz jalyndar.
Táleili bop shyrqasańda asqarǵa,
Ózeureme ózgelerdi taptarǵa.
Almaqtyń da salmaǵy bar aǵaiyn,
Alǵanyńdy ait, bergenińe maqtanba.
JETKINSHEKKE BATA
Qúnderi kókke órlesin,
Qúlashyn keń sermesin.
Kúsh quaty kernesin,
Ozat bolyp erlesin.
Biikterge tórlesin,
Qauyp- qater tónbesin.
Jaryq júldyzy sónbesin.
Jas úrpaq ǵúmyrly bolsyn.
Eńbegi ónimdi bolsyn,
Sabyrly, tózimdi bolsyn.
Aqyldy, sezimdi bolsyn.
Abyroily bedeldi bolsyn.
Baq kelip qonyp basyna,
Kóńiliń kóldei shalqysyn.
Peiilińe toiǵan úrpaǵyń,
Ishpei jemei shalqysyn,
Aumin
Aluan túrli ónerli bolsyn.
Tabysy taudai keleli bolsyn.
Sózi ótkir júieli bolsyn.
Halqynyń jan kúieri bolsyn.
Eliniń qamqor tiregi bolsyn.
Izgi tilegi qabyl bolsyn.
Ózi, balasy, nemeresi,
SHóberesi, shópshegi, tuajaty,
Júraǵaty, jegjaty,
Aman bolyp qoi ústine boz torǵai,
Júmyrtqalaityn zaman bolsyn.
Úrpaǵymyz aman bolyp, ómirimiz
Úzaq bolsyn.
Aumin!
Talmaityn talap bersin,
Samǵaityn qanat bersin,
Bayandy baqyt bersin,
Úzaq ǵúmyr, túrlauly baqyt bersin.
Ámiin!
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











