Búgingi dáuir – ǵylym men tehnikanyń dáuiri. Ǵylym adamdaryn qúrmetteudi, nasihattaudy kóbeitken jón. Kezinde Maǵjandardyń dáuirinde jazylyp, qazirde arhivterde jatqan oqulyqtardy aqtarǵan saiyn armanym úshtalady, dármenim qúridy.
Balalarymyz qazir eńbekke qyrsyz bolyp barady. Onyń sebebi – mektep baǵdarlamasyndaǵy eńbek pániniń júktemesin azaityp, syzu pánin múldem alyp tastaǵany. Sondyqtan qazirgi oqushylar beineleu óneriniń janrynan habarsyz ósip keledi. Búl turaly birneshe maqala jariyalap, óz pikirimdi aitqanmyn, ókinishke qarai, eshqandai nátije shyqpady.
Mysaly, ekonomikasy kún saiyn qarqyndy damyp otyrǵan Qytaidaǵy bastauysh synyptarda beineleu óneri, eńbek, muzyka pánderi 2 saǵattan ótedi. Al 6-synyptan bastap 9-synypqa deiin aptasyna 4-saǵattan, 10-11 synyptarda aptasyna 6-saǵattan. Al 12-synypta bir synyp úsh topqa bólinip (qolóner, kompьyuter jinau, kásiptik mamandar) aptasyna árqaisysy 6-saǵattan bilim alady. Mine, osyndai eńbek pániniń arqasynda qytailyqtar óndiris salasynda eń belsendi bolyp otyr. Biz osy úrdisti myqty ústamaǵannan júmyssyzdyq kóbeiip, atalǵan pán mamandarynyń bedeli túsip ketti. Qazirgi kezde qarapaiym dánekershi (svarshik, gazosvarshik) mamandyǵy tapshy ekeni jasyryn emes.
Sondyqtan Kórkem eńbek pánin ekige bólu kerek. 9-synyptaǵy úi jihazdary oqushylardy qyzyqtyrmaidy, «Arhitektura» turaly bilim tarih pániniń mádeniettanu bólimine auystyryluy kerek. 6-synyptaǵy «Robot» taqyryby kórkem eńbek sabaǵyna qatysty emes, 7-synyptaǵy «Dizain» turaly taqyrypty eńbek kabinetterine kompьyuterdi ornatu nemese kompьyuter synybyna baryp oqyǵany dúrys. 6-synyptaǵy elektr búrǵylarmen júmysty joǵary synyptarǵa auystyrǵan jón. 8-synyptaǵy ústel oiyny túkke kajeti joq. Grafika jáne jobalau pánin «Syzu» páni dep auystyru kerek. Óitkeni barlyq tehnikalyq mamandyq – dizain, sáulet qúrylys, fizika, geometriya, matematika, t.b. syzu pánimen tikelei bailanysty. Jalpy, «Syzu» pánin 9-10-synyptarǵa mindetti komponent retinde qaitarǵan dúrys. 2000 jylǵy tehnologiya jáne beineleu óneriniń baǵdarlamalaryn 2013 jylǵy baǵdarlamalarmen tolyqtyryp qaita qaralsa degen úsynysym bar. Búrynǵy «Tehnologiya» pánin qaitaryp, 2-9-synypqa aptasyna 2-saǵattan bekitilse,10-11-synyptarǵa búrynǵy «Kásiptik oqytu», «Óndiristik paidaly eńbek» pánderi 2 saǵatpen, beineleu ónerin 1-6-synyptarda aptasyna 2 saǵattan, «Syzu» pánin 8-9-synyptarǵa aptasyna 2 saǵattan ótkizse, úldar men qyzdardy «Tehnologiya» sabaǵynda bólek oqytylsa qúba qúp.
Qysqasy, qazirgi tańdaǵy bilim beru salasynda bala men múǵalim, ata-ana men múǵalim, bala men ata-ana arasyndaǵy barlyq kelispeushilikti oqulyqtaǵy olqylyqtar tuyndatyp otyr. Eger ol túzelmese, osy ketkenimiz ketken!
Qajet ANDAS,
Q-Andas aqparattyq agenttigi.
