Q-Andas
No Result
View All Result
  • Basty bet
  • Ólketaný
    • Bılım
    • Densaulyq
    • Sport
    • Mádenıet
    • Eltaný
    • Qorshaǵan orta
    • Kóshi-qon
    • Ädiebet
    • Qýǵyn-súrgin
    • Şalǵai auyl
    • jartas sýretteri
    • Halyq jady
    • Tarih
    • Tulǵataný
    • Turizm
    • Jetisýdyń asıetti jerler
  • Arnaıy jobalar
    • Ekspedısııalar
    • Grant
    • Konferensııa
    • Kórmeler
    • Týrnır
  • Muraǵat
    • Andas Omaraqyn izimen
    • Aýeshan Majaıdyń jádigerleri
    • Beınefılm
    • GalereIA
    • Hatkerlik
  • Biz týraly
    • Áriptester
    • Baılanys
    • Saıt ákimshiligi
    • PDF-mūraǵat
kz Қазақ qz Qazaq tj توتە جازۋ ru Русский en English
Q-Andas
  • Basty bet
  • Ólketaný
    • Bılım
    • Densaulyq
    • Sport
    • Mádenıet
    • Eltaný
    • Qorshaǵan orta
    • Kóshi-qon
    • Ädiebet
    • Qýǵyn-súrgin
    • Şalǵai auyl
    • jartas sýretteri
    • Halyq jady
    • Tarih
    • Tulǵataný
    • Turizm
    • Jetisýdyń asıetti jerler
  • Arnaıy jobalar
    • Ekspedısııalar
    • Grant
    • Konferensııa
    • Kórmeler
    • Týrnır
  • Muraǵat
    • Andas Omaraqyn izimen
    • Aýeshan Majaıdyń jádigerleri
    • Beınefılm
    • GalereIA
    • Hatkerlik
  • Biz týraly
    • Áriptester
    • Baılanys
    • Saıt ákimshiligi
    • PDF-mūraǵat
No Result
View All Result
Q-Andas
No Result
View All Result
Basty bet Andas Omaraqyn izimen

Qyz ben jigittiń aitysy

admin
2025/11/27
Andas Omaraqyn izimen
0
Қыз бен жігіттің айтысы

JIGIT:

 

  • Aqynnyń jolyqsam dep sarasyna,

Qiyrdan kelip edim men asyǵa.

Óleńniń keń órisin kezeiikshi,

Irgeli elimizdiń arqasynda.

 

QYZ:

 

  • Óleńdi basta deseń basy bylai,

Meni ańsap kelipsiń-au asylym-ai.

Aldymen amandasyp tanyspaǵan,

Qaiteiin qúdakeńniń jasyǵyn-ai.

 

JIGIT:

 

  • Aldyǵa tátti dám bop tartylatyn,

Jebedei kómekeiden atylatyn.

Óleńdi aita otyryp tanysarmyz,

Qúdasha jóniń joqqoi asyǵatyn.

 

QYZ:

 

  • Óleńdi basta dese bastaǵanym,

Jón bolmas syr sandyǵyn ashpaǵanym.

Kóńilimdi jelpindirseń aqyn qúda,

SHyǵandap kóteriler asqaq ánim.

 

Qúda eke qaraqat kóz qiylǵan qas,

Domalar eldi oilasam kózimnen jas.

Kóp aidyń kórmegeli júzi boldy,

Aman ba auyl-aimaq, tau menen tas.

 

JIGIT:

 

  • Kelgende sóz kezegi tartynbaǵan,

Aqynmyn dausym kókke sańqyldaǵan.

Jaqynǵa quanyshyn jariya etken,

Kózińnen ainalaiyn jarqyldaǵan.

 

QYZ:

 

  • Aita tús aqyn qúrbym, óleńińdi,

Kórsetip top aldynda ónerińdi.

Jan bolsań jaqyn kórip jai biletin,

Tabasyń óleńińnen keregińdi.

 

JIGIT:

 

  • Sau túrǵanda basyńda zamanyń bar,

Tań núryndai jainaǵan ajaryń bar.

Ondai bolsa óleńmen yqylas ber,

Óleńniń shyńyna órler talabym bar.

 

QYZ:

 

  • Talap qylyp eline óner shashqan,

Aqyl jastan emes pe, asyl tastan.

Ústem bolsyn mereiiń, aqyn qúda,

Sátti bolsyn talabyń órge basqan.

 

JIGIT:

 

  • Óleńderiń Iledei aǵyndaǵan,

Jan ekensiń jamanǵa tabylmaǵan.

Sóziń sózge tútanyp, úshqyn atqan,

Janaryńnan ainaldym jalyndaǵan.

 

QYZ:

 

  • Óleńińiz únady aqyn aǵa,

Naǵyz bir jan bolarsyz bara-bara.

Bolsam deimin ózimshe men de Sara,

Oza shauyp júlde alǵan jeke dara.

 

JIGIT:

 

  • Jas kúnimnen óleńge qoidym qadam,

Eski dosyn úmytar keibir adam.

Bir sózim bar saqtaǵan aitar edim,

Bolmaǵanda qasyńda bóten adam.

 

QYZ:

 

  • Men de ózińdei óleńge qúrdym dúken,

Bóri jortar qoi ańdyp bókeń-bókeń.

Búiymtaiyń bar bolsa ońasha aitar,

Túnde kel de túie bop úige súiken.

 

JIGIT:

 

  • Túnde úiqymdy sen úshin bólemin de,

Torshamenen tún qatyp jelemin de.

Túie túgil bozdaǵan bota bolyp,

Tabylarmyn qasyńnan kereginde.

QYZ:

 

  • Aita salsam jelp ettiń kelemin dep,

Qaru qylyp aitqan bir óleńiń joq.

Men úshin bota bolyp bozdamashy,

Kelmei-aq qoi qasyma keregiń joq.

 

JIGIT:

 

  • Keledi qyzdar suǵa shelek alyp,

Oinaidy suda balyq beleń alyp.

Ózińmen ońashada kezdeser em,

Tilekti taǵdyr bizdiń bere salyp.

 

QYZ:

 

  • Barady qyzdar suǵa shelek alyp,

Oinaidy suda balyq beleń alyp.

Qauqaryń bizdei qyzǵa jete ala ma,

Qasyńa kelmeseń bir kómek alyp.

 

JIGIT:

 

  • Endeshe shybar tusha, shybar tusha,

Kóriner qyzdar súlu belin busa.

Aldyna esigińniń su tógip qoi,

Jyǵylsyn ákeń taiyp meni qusa.

 

QYZ:

 

  • Etedi arba jolda saldyr-súldyr,

Júzip-aq kól ústinde úirek qalǵyr.

Sen menen ne siqyńmen dámetesiń,

It túmsyq, búqa jauyryn adyra qalǵyr.

 

JIGIT:

 

  • Seni men júmsaq desem siri ekensiń,

SHyq bermes SHyǵaibaidyń biri ekensiń.

Óldi dep Qarynbaidy estushi edik,

Ornyna óziń tiri júr ekensiń.

 

QYZ:

 

  • Ústimde aq kóilegim noqalanǵan,

Júrmeidi sai jolymen jotalaǵan.

Óneriń, ónerime sai kelmese,

Tór túgil syǵalatpan bosaǵadan.

 

JIGIT:

 

  • Qúdasha óziń qandai, sóziń qandai,

Bazardan alyp kelgen bóziń qandai.

Qalypty qairan nazym búrań tartyp,

Aluǵa bir túzetip teziń qandai?

 

QYZ:

 

  • Qaptaǵan jol boiy nu qara aǵashty,

Bizdiń kósh sizdiń kóshpen aralasty.

Aitpasań aryzyńdy kempirlerge,

Búrauyń qyz tezine jaramasty.

 

JIGIT:

 

  • Senimen aityspaimyn tonyń jaman,

Sekildi qarǵa túyaq tonyń jaman.

Ózińdi kútip qúrbyń taza júrmei,

Neńdi alǵan jigitterge qyryndaǵan.

 

QYZ:

 

  • Ainalaiyn jaratqan nesibe ber,

Tozań otyn su seuip óshire kór.

Jastyq kezde albyrttyq bolady eken,

Oinap, kúlgen jaiymdy keshire gór.

 

JIGIT:

 

–  Qúdasha sálemet pe qalyń qalai,

Aman ba auyl-aimaq báriń qandai.

Aqyn dep syrtyńyzdan qúmar edim,

Jigeriń keudeńdegi jalyn qandai?

 

QYZ:

 

  • Qúdeke, júrdińiz be sau-salamat,

Aman ba júraǵat-jegjat bar jamaǵat.

Menińdaǵy syrtyńnan estuim bar,

Aitysuǵa júrushi em qylmai taǵat.

 

JIGIT:

 

  • Júregim quanady seni desem,

Eshkimge ketkeni joq sózden esem.

Óleńmen ónerimdi kórseteiin,

Siz múnda bar ekensiz izdep kelsem.

 

QYZ:

 

  • Júregim siz degende ala qashqan,

Talaimen men de topta jaǵalasqam.

Saiysyp talai-talai aqyndarmen,

Jerim joq kúni búgin jaza basqan.

 

JIGIT:

  • Qaneki synasyn júrt sózimizdi,

Qúdaiym keltiripti kezimizdi.

Nesine jigitpin dep aita alamyn,

Búl toida jeńe almasam ózińizdi.

 

QYZ:

 

  • Kelipsiń ádeii izdep arǵy jaqtan,

At júirik degen sóz bar jalǵyz shapqan.

Ózińmen kezim kelmei júrushi edi,

Keziktim, qúda bala, endi saqtan.

 

JIGIT:

 

  • Ilindiń ei, qúdasha, sheńgelime,

Naq tústim ústińizden kelgenime.

Qaneki bekem baila belińizdi,

Talailar qalyp júrgen jelgenimde.

 

QYZ:

 

  • Qúdeke sóziń qiyn kórinedi,

Kóńilim saǵan qarai bólinedi.

Aitysyp búgin sizben saiyspasam,

Aqyn dep aita ma júrt tegi meni.

 

JIGIT:

 

  • Jaraidy qúdashanyń jauabyn kór,

Aitysyp synalatyn osy bir jer.

Jarysyp siz siyaqty san júirikpen,

Bolǵan joq kúni búgin esh aram ter.

 

QYZ:

 

  • Baiqasam kórinedi sóziń qiyn,

Jaqsynyń kim jek kórsin bergen syiyn.

Jarysyp talai topta san adammen,

Kórgem joq ziyan tartyp, jalǵyz tiyn.

 

JIGIT:

 

  • Baiqasam jan ekensiz tiyn quǵan,

Jol almai qalǵanym joq úly dudan.

Jarysqan talai-talai sańlaqtarmen,

Maidanda ónerimmen tilin buǵam.

 

QYZ:

 

  • Baiqasam jan emessiń qarapaiym,

Meniń de atym maǵlúm elge jaiym.

San jigit shańyma da ilespegen,

Jańylyp otyrmasam jazataiym.

 

JIGIT:

 

  • Keziktim ózińmenen áreń zorǵa,

Mineki, tústim dei ber bizdiń torǵa.

Erkimiz qalai aitsaq ekeumizdiń,

Júrt synar ekendigin kimder jorǵa.

 

QYZ:

 

  • Bolar dep oilamaimyn sizden qauip,

Qúdeke júrdiń búryn jeke shauyp.

Jeńbesem búgin sizdi jibermeimin,

Kezdestim zar bop júrip áreń auyp.

 

JIGIT:

 

  • Ózińmen kezim keldi tamashada,

Belgili sóz yrǵaǵyn qarasa da.

Kim myqty, kim osalyn júrt synasyn,

Sóilesip otyrǵam joq ońashada.

 

QYZ:

 

  • Qúdeke, baiqaǵanǵa sóziń myqty,

Kóterer jan ekensiń auyr júkti.

Tolamyn júrt synyna qaitsemdaǵy,

Áiteuir jeńilmeimin sizden tipti.

 

JIGIT:

 

  • Qúdasha demeimin men aqylym kem,

Sóileser senimenen terezem teń.

Ózińdi óziń maqtama el maqtasyn,

El aldynda sypaiy bolǵanyń jón.

QYZ:

 

  • Kórersiz sizden ozyp attamasam,

Bola ma el qadirin saqtamasam.

El-júrtym qasterlep aqyn deidi,

Bola ma el úmitin aqtamasam.

 

JIGIT:

 

  • Maqtansań el qadirin bile almaisyń,

Sózime meniń nege til almaisyń.

Qanshalyq shorshyǵanmen aq shabaqtai,

Qúdańyz salǵan audan shyǵa almaisyń.

 

QYZ:

 

  • Qúdeke, sala almaisyń aumen qúryq,

Qalai desem júretin ózimde úq.

Ilinip kórgemin joq esh nársege,

Tazamyn sútten appaq, sudan túnyq.

 

JIGIT:

 

  • Sekem alma, qúdasha, bóten sóz joq,

Jaqsy isine árkimniń kóńili toq.

Eshbir qauip-qaterge ilinbeisiń,

Ne qylady jel sózben tigizgen oq.

 

QYZ:

 

  • Jel sózbenen kóńildi qandyraiyn,

Aqtyǵyma ózimniń nandyraiyn.

Mahabbattyń jalyny osy emes pe?

Júregińdi dep edim jandyraiyn.

 

JIGIT:

 

  • Isine búl jalǵannyń kim nanady,

Keibireu dúrys aitsań túldanady.

Ótirik aitqanmenen qúry beker,

Tegine maǵan áiteuir shyn jaǵady.

 

QYZ:

 

  • Qúdeke, sózińizge qosylamyn,

Nesine búl sózińe tosylamyn.

SHynǵa sen ótirik sóz qala bersin,

SHyndyqqa janasady osy jaǵyń.

 

JIGIT:

 

  • Qúdasha endi keldiń dúrysyńa,

Qosaiyn kómegimdi júmysyńa.

Sózimniń negizin úq, artyn baiqa,

Eshnárse ile almaisyz uysyńa.

 

QYZ:

 

  • Aitystyq osy toida ekeuara,

Qúdeke, keibir sózge kóńil jara.

Sen meni jeńe almaisyń esh uaqytta,

Izdep túr qúdashańdy bolsa shara.

JIGIT:

 

  • Meni jeńseń báigege ózińdi al,

Úsh qaitara qalyń mal qolqańdy sal.

Jeńe almasań, qúdasha, sen qaitesiń,

Jóniń keldi osyǵan uaǵda qylar.

 

QYZ:

 

–  Uaǵdańa myqty bol qúda bala,

Oqys ister bolady bolsa shala.

Kóp aldynda ekeumiz uaǵdalastyq,

Qalǵan jáidi óziń de baiqap qara.

 

JIGIT:

 

  • Bara jatyr jauabyń beiimdelip,

Úǵysarmyz endeshe keiin kelip.

Osy bolsa uaǵdań tezdeteiik,

Ómir ótip barady attai jelip.

 

QYZ:

 

  • Mahabbattyń belgisi ázildesken,

Barlyq adam bizdei bop jastan ósken.

Ózińmenen áriptes bop otyrmyn,

Osy bolsyn uaǵdańyz qúdai desken.

 

JIGIT:

 

  • SHyqtym ozyp men sizben jarysqanda,

Quanyp em ózińmen tanysqanda.

Qúdaidy aityp endeshe uaǵdalastyq,

Myna otyrǵan kóp qauym, qalys barda.

 

QYZ:

 

  • Basqa sózdi biz terip quyspalyq,

Bir-birimizdi aldyq qoi dúrys tanyp.

Top ishinde serttestik aidan-ashyq,

Endi ekeumiz qaǵyspai juyqtaiyq.

 

JIGIT:

 

  • Al, qalqatai, endeshe men de daiyn,

Jaman ekensiń biletin istiń jaiyn.

Dál osyndai tilegiń bolsa sen de,

SHyn júrekten berilip qosylaiyn.

 

 

Joǵarydaǵy aitysty Tileuqabyl Álilǵazyúlynan jazyp alyp, saqtaǵan Andas OMARAQYNÚLY

Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.].                     https://kazneb.kz/kk/catalogue/view/1657687

“Q-Andas” aqparattyq agenttigi

0 0 votes
Рейтинг статьи
Post Views: 8
Қышқыш қалай жасалған?
Andas Omaraqyn izimen

Qyshqysh qalai jasalǵan?

August 12, 2026
Адамның пайда болуы
Andas Omaraqyn izimen

Adamnyń paida boluy

August 10, 2026
Күн және жұлдыздар
Andas Omaraqyn izimen

Kún jáne júldyzdar

August 5, 2026
كۇن مەن جەر
Andas Omaraqyn izimen

Kún men jer

August 4, 2026
Аспанның биіктеуі
Andas Omaraqyn izimen

Aspannyń biikteui

July 31, 2026
Жер-көктің айырылуы жөнінде (Күнес ауданының аңыз-ертегілері)
Andas Omaraqyn izimen

Jer-kóktiń aiyryluy jóninde (Kúnes audanynyń ańyz-ertegileri)

July 30, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ÓLKE SHEJIRESIN SÓILETKEN QALAMGER

November 9, 2026

«Бекзат өмір»: өнерге арналған еңбек

«Bekzat ómir»: ónerge arnalǵan eńbek

November 7, 2026

Өлке тарихы ұрпаққа аманат

Ölke tarihy ūrpaqqa amanat

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

JAŃA QAǴIDA: «Áleumettik kásipkerlerge jańa talaptar túsindirildi»

October 13, 2026

Жұмыспен қамту тәртібінде не өзгерді?

Júmyspen qamtu tártibinde ne ózgerdi?

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • qzQazaq
    • kz Қазақ
    • qz Qazaq
    • tj توتە جازۋ
    • ru Русский
    • en English
  • Basty bet
  • Ólketaný
    • Bılım
    • Densaulyq
    • Sport
    • Mádenıet
    • Eltaný
    • Qorshaǵan orta
    • Kóshi-qon
    • Ädiebet
    • Qýǵyn-súrgin
    • Şalǵai auyl
    • jartas sýretteri
    • Halyq jady
    • Tarih
    • Tulǵataný
    • Turizm
    • Jetisýdyń asıetti jerler
  • Arnaıy jobalar
    • Ekspedısııalar
    • Grant
    • Konferensııa
    • Kórmeler
    • Týrnır
  • Muraǵat
    • Andas Omaraqyn izimen
    • Aýeshan Majaıdyń jádigerleri
    • Beınefılm
    • GalereIA
    • Hatkerlik
  • Biz týraly
    • Áriptester
    • Baılanys
    • Saıt ákimshiligi
    • PDF-mūraǵat

© 2025 qandas.kz

wpDiscuz