2025 jylǵy 19 jeltoqsan kúni, Qyzyljar shaiqasynyń 327 jyldyǵy ayasynda Taldyqorǵan qalasyndaǵy Til saraiynda «Jetisu» ólketanushylar ortalyǵy» qoǵamdyq birlestiginiń úiymdastyruymen «Felt Book – 2025» kitap kórme festivali ótken edi.
Oǵan óner, mádeniet jáne ólketanu salasynyń mamandary, ziyaly qauym ókilderi, ÚEÚ músheleri, QR Últtyq kitaphanasy men oblystyq jáne audandyq kitaphanalardyń qyzmetkerleri, oblystyq arhiv pen muzei mamandary, tarihi‑mádeni múralardy qorǵau salasynyń mamandary, auyl ákimderi, jastar men studentter qatysyp, keleli áńgime órbidi.
Festival ayasynda birlestiktiń 2025 jyly ázirlegen birqatar jańa basylymdarynyń túsaukeseri ótedi. Atap aitqanda:
«SHalǵai auyl shyraǵy», «Jarkent – kieli meken», «Qyzyljar shaiqasynan Nylqy kóterilisine deiin…», «Ermyrza batyr», «1916 kóterilis: baspasózdegi kórinisi», «Ainalaiyn, Atameken!», «Bal ara baǵymshylyǵy» jáne ózge de kitaptar oqyrman nazaryna úsynylady. Sonymen qatar «Kitap syila!» aktsiyasynda túsaukeseri jasalǵan kitaptar kitaphanalarǵa tartu etildi.
2026 jyly qańtardyń 8 júldyzynda «Jetisu» telearnasynyń «Tańjaryq» aúparattyq-sazdy baǵdarlamasynyń arnaiy shaqyrtuymen birlestik jetekshisi Qajet Andas, qyzmetkerler Ainúr Orazbai men Anar Túrdymúhamet tikelei efirde kórermenderge kitap festivali turaly tanystyrylym jasap, aldaǵy uaqyttaǵy josparlarymen bólisip qaitty.
Anyqtama úshin kitaptarǵa qysqasha tanystyrylym:
«SHalǵai auyl shyraǵy»
Búl kitapta Jetisu óńirindegi shalǵai auyldardyń áleumettik, infraqúrylymdyq jáne túrmystyq máseleleri jurnalistik zertteu arqyly taldanady. Eńbekte naqty derekter men ómirlik oqiǵalar negizinde auyl taǵdyry, halyqtyń kúndelikti tirshiligi jáne sheshimin tapqan máseleler bayandalady.
«Jarkent – kieli meken»
Jarkent óńiriniń tarihi, ruhani jáne mádeni múralaryn qamtityn ǵylymi-tanymdyq eńbek. Kitapta kieli oryndar, tarihi oqiǵalar, asharshylyq pen sayasi quǵyn-súrgin kezeńderiniń izi, Jarkent meshitiniń sáulettik ereksheligi arhiv derekteri men ekspeditsiyalyq materialdar negizinde úsynylǵan.
«Qyzyljar shaiqasynan Nylqy kóterilisine deiin…»
XVIII–XIX ǵasyrlardaǵy Jetisu men Ile óńiriniń tarihi kezeńderin qamtityn keshendi zertteu. Eńbekte Qúdainazar batyr áuletiniń eldik qyzmeti, biler instituty, kóshi-qon úderisteri men ruhani sabaqtastyq ǵylymi túrǵyda taldanady.
«Ermyrza batyr»
XIX ǵasyrda ómir súrgen Ermyrza batyr Kópjasarúlynyń ómiri men eldik jolyna arnalǵan tarihi-tanymdyq eńbek. Batyrdyń otarshyldyq kezeńdegi kúresi, ádil biligi men ruhani múrasy arhiv derekteri men auyzsha tarih negizinde bayandalady.
«1916 kóterilis: baspasózdegi kórinisi»
1916 jylǵy últ-azattyq kóterilistiń qazaq baspasózindegi kórinisin taldaityn ǵylymi-zertteu eńbegi. Tóte jazumen shyqqan sirek gazetter men jurnaldardaǵy materialdar alǵash ret júielenip, zertteushiler nazaryna úsynylady.
«Vosstanie 1916 goda: otrajenie v izdaniyah»
Aldyńǵy eńbektiń orys tilindegi núsqasy. Kitapta 1916 jylǵy oqiǵalardyń merzimdi basylymdarda qalai kórinis tapqany derektik jáne publitsistikalyq túrǵyda saralanady.
«Artyma ata miras, tarih qalsyn»
Tarihi jad, áulet shejiresi, tuǵan jer taǵdyry turaly zertteu-tanymdyq eńbek. Kitapta auyzsha tarih, arhiv derekteri jáne úrpaq sabaqtastyǵy máseleleri qamtylǵan.
«Tuǵan jer tolǵaulary»
Ólke tarihy, tabiǵat, el men jerge degen súiispenshilik taqyrybyn arqau etken ádebi-publitsistikalyq jinaq. Avtorlardyń tuǵan jerge qatysty tolǵanystary kórkem tilmen jetkizilgen.
«Ainalaiyn, Atameken!»
SHetelden Atajúrtqa oralǵan aqyn-jazushylardyń shyǵarmalarynan qúralǵan ádebi almanah. Jinaqta elge degen saǵynysh, táuelsizdik ruhy, últtyq bolmys pen tarihi sana kórkem túrde beinelenedi.
«Bal ara baǵymshylyǵy»
Otyz jyldyq omartashylyq tájiribege negizdelgen qoldanbaly eńbek. Kitapta ara sharuashylyǵyn júrgizudiń praktikalyq qyrlary, bal óndirisiniń qyr-syrlary naqty ómirlik tájiribe arqyly túsindiriledi.
Festivalьdiń mańyzy
«Felt Book – 2025» – tek kitap tanystyru sharasy ǵana emes, búl – ótken men búgindi jalǵaǵan ruhani kópir. Festivalь Jetisu óńiriniń tarihi sanasyn jańǵyrtyp, ólketanu ǵylymyn, últtyq ruhaniyatty damytuǵa baǵyttalǵan mańyzdy mádeni alań bolmaq.
«Q-andas» aqparattyq agenttigi
