Oblystyq auyl sharuashylyǵy basqarmasynyń bólim basshysy Múrat Tileubaev, «Bereke» bankiniń Jetisu oblystyq filialy korporativtik klientterdi qarjylandyru bóliminiń bastyǵy Baqytjan Bahqoja jáne «Agrarlyq nesie korporatsiyasy» AQ Jetisu oblysy boiynsha filialynyń bólim basshysy Úlan Kúzdeubaev «Igilik», «Bereke» jáne «Jailau» baǵdarlamamasynyń júzege asu barysyn tanystyrdy.
Mal sharuashylyǵyn damytuǵa, auyl túrǵyndarynyń kásip bastauyna jáne júmys istep túrǵan sharuashylyqtardyń áleuetin arttyruǵa baǵyttalǵan. Baǵdarlamalar arqyly fermerler asyl túqymdy iri qara men úsaq mal satyp alyp, mal basyn kóbeituge, óndiris kólemin úlǵaituǵa jáne sharuashylyqtyń materialdyq-tehnikalyq bazasyn nyǵaituǵa múmkindik alady. Sonymen qatar, jiyn barysynda nesie alu talaptary, qarjylandyru kólemi, syiaqy mólsherlemeleri, óteu merzimderi jáne ótinim beru tártibi jan-jaqty túsindirildi.
Sala mamandary memlekettik qoldau sharalarynyń auyldaǵy kásipkerlikti damytuǵa tyń serpin berip, azyq-túlik qauipsizdigin qamtamasyz etuge jáne auyl ekonomikasynyń túraqty damuyna oń yqpal etetinin atap ótti. Jurnalister tarapynan birqatar ózekti súraqtar qoiyldy. Atap aitqanda, shetelden asyl túqymdy mal satyp aludyń tiimdiligi, importtyq maldy jańa nesielik baǵdarlamalar arqyly qarjylandyru múmkindigi, olardyń jergilikti klimatqa beiimdelui jáne múndai investitsiyanyń sharuashylyqtarǵa beretin paidasy talqylandy.
Посмотреть эту публикацию в Instagram
Mamandardyń aituynsha, ónimdiligi joǵary asyl túqymdy maldy satyp alu úzaq merzimdi perspektivada et pen sút óndirisiniń kólemin arttyryp, sharuashylyqtardyń tabysyn kóbeituge múmkindik beredi. Degenmen, maldy tańdau kezinde óńirdiń tabiǵi-klimattyq erekshelikteri men kútip-baǵu talaptaryn eskeru mańyzdy ekeni aityldy.
Sońynda biz de ózimizdi tolǵandyrǵan súraqtarǵa tolyqqandy jauap alyp, jańa baǵdarlamalardyń auyl túrǵyndary úshin qoljetimdiligi men tiimdiligi turaly jan-jaqty aqparatqa qanyqtyq. Jańa nesielik baǵdarlamalardyń mańyzdy erekshelikteriniń biri – auyldyq jerlerdegi shaǵyn jáne orta sharuashylyqtardy qarjylandyruǵa basymdyq berilui. Búl auyl túrǵyndaryna óz kásibin ashuǵa, otbasylyq sharuashylyqty keńeituge jáne túraqty tabys kózin qalyptastyruǵa múmkindik beredi. Qarjylandyrumen qatar, ótinim berushilerge qajetti qújattardy rásimdeu, biznes-jospar ázirleu jáne nesie qarajatyn tiimdi paidalanu boiynsha túsindiru júmystary júrgizilmek. Mamandar sharualarǵa baǵdarlamalardyń talaptaryn aldyn ala múqiyat zerdelep, óz múmkindikterine sáikes tiimdi baǵytty tańdauǵa keńes berdi.
Aidana Amanjolqyzy
Dinara Narymbai
«Q-Andas aqparat agenttiginiń tilshileri.











