ساعىنىش اسقارۇلىنىڭ ايتۋىنشا، بۇگىندە وبلىس اۋماعىندا 11 كونفەسسيانى بىرىكتىرەتىن 269 ءدىني بىرلەستىك پەن فيليال جۇمىس ىستەيدى. ءدىني ەكسترەميزم مەن تەرروريزمنىڭ الدىن الۋ باعىتىندا تۇراقتى ءىس-شارالار جۇزەگە اسۋدا.
سونىمەن قاتار، الەۋمەتتىك جەلىلەردە دەسترۋكتيۆتى ءدىني اعىمداردىڭ يدەولوگياسىنا قارسى اقپاراتتىق ءتۇسىندىرۋ جۇمىستارى كۇشەيتىلگەن. بۇل باعىتتا «اناليتيكالىق ينتەرنەت-كارتا» پلاتفورماسى ۇزدىكسىز مونيتورينگ جۇرگىزىپ، كۇماندى كونتەنتتەردى انىقتاۋعا جانە جەدەل شارا قابىلداۋعا مۇمكىندىك بەرىپ وتىر.
ءباسپاسوز ءماسليحاتىندا جۋرناليستەر:
«الەۋمەتتىك جەلىلەردە دەسترۋكتيۆتى ءدىني اعىمداردىڭ يدەولوگياسىن تاراتۋ فاكتىلەرى قانشالىقتى ءجيى انىقتالادى؟”، “اناليتيكالىق ينتەرنەت-كارتا“ ناقتى قالاي جۇمىس ىستەيدى؟» دەگەن ساۋالدار قويدى.
باسقارما وكىلى جىل باسىنان بەرى مىڭداعان الەۋمەتتىك پاراقشا ساراپتالىپ، ولاردىڭ اراسىنداعى زاڭعا قايشى كونتەنتتەر بۇعاتتالىپ، ءبىرقاتار ازاماتقا ەسكەرتۋ جاسالىپ، الدىن الۋ شارالارى قابىلدانعانىن تىلگە تيەك ەتتى.
“Q-andas.kz” رەداكتسياسىنىڭ تىلشىلەرى دە ءوز سۇراقتارىنا جاۋاپ الدى.
ناتيجەسىندە: «بۇگىنگى ءباسپاسوز ءماسليحاتىندا ناقتى دەرەكتەر مەن اشىق اقپارات ۇسىنىلدى. ءدىن ىستەرى باسقارماسىنىڭ الەۋمەتتىك جەلىلەردەگى ءقاۋىپ-قاتەرگە دەر كەزىندە ارەكەت ەتۋى – قوعامداعى تۇراقتىلىق پەن رۋحاني بىرلىكتى ساقتاۋدىڭ ماڭىزدى كەپىلى بولا الادى» دەگەن تۇيىنگە توقتادىق.
جيىن سوڭىندا باسقارما باسشىسى ساعىنىش جانداباي الداعى ۋاقىتتا دا قوعامداعى ءدىني كەلىسىم مەن تۇراقتىلىقتى ساقتاۋ باعىتىنداعى جۇمىستار جۇيەلى تۇردە جالعاساتىنىن جەتكىزدى.
ءماتىنىن جازعان: لياززات مۇحامەدجان
ۆيديو-فوتو تۇسىرگەن نارگيز يبرايموۆا.
Q-Andas.kz
