وبلىستا بالالار مەن جاسوسپىرىمدەر سپورتىن دامىتۋعا ەرەكشە كوڭىل ءبولىنىپ ءجۇر. ونداعى ماقسات وسكەلەڭ ۇرپاقتى بۇقارالىق سپورتقا قىزىقتىرىپ، تۇراقتى اينالىسۋىنا جاعداي جاساۋ جانە جاس سپورتشىلاردى قولداۋ. وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەبۇلان جاقانۇلى وسى جايلى وي ءبولىستى.
بۇگىندە وڭىردە بالالاردىڭ سپورتپەن اينالىسۋىنا مۇمكىندىك بەرەتىن سپورت سەكتسيالارىنىڭ قولجەتىمدىلىگىن ارتتىرۋعا باسىمدىق بەرىلۋدە. سپورت ۇيىرمەلەرىنە قاتىساتىن بالالاردىڭ قاتارىن كوبەيتۋ ارقىلى ولاردىڭ بوس ۋاقىتىن ءتيىمدى وتكىزۋىنە، سالاۋاتتى ءومىر سالتىن قالىپتاستىرۋىنا جانە سپورتتىق قابىلەتتەرىن شىڭداۋىنا مۇمكىندىك جاسالۋدا. دەگەنمەن جاس سپورتشىلاردىڭ العاشقى قادامىنان باستاپ كاسىبي دەڭگەيگە دەيىن وسۋىنە قاجەتتى جاعداي جاساۋدىڭ جولى سان الۋان. سوندىقتان جاتتىعۋ ورىندارىنىڭ ساپاسى، بىلىكتى جاتتىقتىرۋشىلارمەن قامتۋ جانە سپورتتىق ينفراقۇرىلىمدى دامىتۋ ماسەلەسى دە نازاردان تۇسپەگەنى دۇرىس.
Посмотреть эту публикацию в Instagram
سپورت مامانى جاسوسپىرىمدەردى سپورتقا ەرتە جاستان باۋلۋ بولاشاق چەمپيونداردى تاربيەلەۋدىڭ قادامى ەكەندىگىن دە قاداپ ايتتى. وسى تۇستا الداعى جوسپارلار دا تانىستىرىلدى. ول ءۇشىن جاستار سپورتىنىڭ بۇقارالىق سيپاتىن ارتتىرۋ، سپورت سەكتسيالارىن دامىتۋ جانە جاس سپورتشىلارعا قولداۋ كورسەتۋ باعىتىنا باسىمدىق بەرىلمەكشى ەكەن.
جاستار سپورتىنا جاسالاتىن جاقسى باستامالاردى ءتىلشىمىزدىڭ سۇحباتىنان بىلە الاسىز؟
ايدانا امانجولقىزى
“Q-Andas” اقپارات اگەنتىگىنىڭ ءتىلشىسى.
ۆيديو تۇسىرگەن جانسايا جاناربەكقىزى.











