كەشكە جەتىسۋ وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى قۋانىش سۇلتانۇلى، حالىقارالىق «الاش» ادەي سىيلىعىنىڭ لاۋرەاتى، اقىن امىرە ءارىن، جازۋشى ناۋرىز قىلىشباي جانە سالانىڭ ارداگەر ماماندارى قاتىستى. ساحنا تورىندە ۇزدىك قىزمەتكەرلەر ماراپاتتالىپ، د. راقىشەۆ اتىنداعى فيلارمونيا ارتىستەرى كونتسەرتتىك باعدارلاما ۇسىندى.
كىتاپحاناشىلار كۇنى – تەك كاسىبي مەيرام ەمەس، رۋحانيات پەن بىلىمگە دەگەن قۇرمەتتىڭ مەرەكەسى. قوعامدىق سانا وزگەرىپ، تسيفرلىق ءداۋىر كۇشەيسە دە، كىتاپحاناشى – ادام مەن اقپارات اراسىنداعى دانەكەر، ۇلت جادىنىڭ ساقشىسى بولىپ قالا بەرەدى.
وسىنداي شارالار كىتاپقا دەگەن قۇرمەتتى ارتتىرىپ قانا قويماي، مادەنيەت قىزمەتكەرلەرىنىڭ ەڭبەگىن باعالاۋعا، جاستاردى وقۋ مادەنيەتىنە باۋلۋعا سەرپىن بەرەدى.
Qandas.kz پىكىرى:
بۇگىنگى كىتاپحاناشى – ارحيۆ پەن شاڭ باسقان كىتاپ ەمەس، اقپاراتتىڭ باعىتتاۋشىسى، قوعامنىڭ مادەني كودىن ساقتاۋشى تۇلعا. تالدىقورعانداعى بۇل شارا – ايماقتىڭ رۋحاني تىنىسىن سەزىندىرگەن، ەڭبەگى ەلەنبەي جۇرگەن جاندارعا قۇرمەتتىڭ ناقتى كورىنىسى بولدى.
تالدىقورعان قالاسى.
Qandas.kz ءۇشىن ارنايى ماتەريال
ماقالاسىن جازعان:ءلاززات مۇحامەدجان
سۋرەت جانە بەينە ماتەريالدى تۇسىرگەن نارگيز يبرايموۆا.
