Облыста балалар мен жасөспірімдер спортын дамытуға ерекше көңіл бөлініп жүр. Ондағы мақсат өскелең ұрпақты бұқаралық спортқа қызықтырып, тұрақты айналысуына жағдай жасау және жас спортшыларды қолдау. Облыстық дене шынықтыру және спорт басқармасы басшысының орынбасары Еркебұлан Жақанұлы осы жайлы ой бөлісті.

Бүгінде өңірде балалардың спортпен айналысуына мүмкіндік беретін спорт секцияларының қолжетімділігін арттыруға басымдық берілуде. Спорт үйірмелеріне қатысатын балалардың қатарын көбейту арқылы олардың бос уақытын тиімді өткізуіне, салауатты өмір салтын қалыптастыруына және спорттық қабілеттерін шыңдауына мүмкіндік жасалуда. Дегенмен жас спортшылардың алғашқы қадамынан бастап кәсіби деңгейге дейін өсуіне қажетті жағдай жасаудың жолы сан алуан. Сондықтан жаттығу орындарының сапасы, білікті жаттықтырушылармен қамту және спорттық инфрақұрылымды дамыту мәселесі де назардан түспегені дұрыс.
Посмотреть эту публикацию в Instagram
Спорт маманы жасөспірімдерді спортқа ерте жастан баулу болашақ чемпиондарды тәрбиелеудің қадамы екендігін де қадап айтты. Осы тұста алдағы жоспарлар да таныстырылды. Ол үшін жастар спортының бұқаралық сипатын арттыру, спорт секцияларын дамыту және жас спортшыларға қолдау көрсету бағытына басымдық берілмекші екен.
Жастар спортына жасалатын жақсы бастамаларды тілшіміздің сұхбатынан біле аласыз?
Айдана Аманжолқызы
“Q-Andas” ақпарат агентігінің тілшісі.
Видио түсірген Жансая Жанарбекқызы.











