Sarqan audandyq kitaphanasynda «Kitap oqityn últ» jobasynyń maqsatyna úndes ólketanu is-sharasy ótti. Kezdesude Jetisu óńiriniń tarihy men mádeni múrasyn tanytatyn kitaptar, elektrondy kitap qory jáne «Q-Andas» aqparat agenttiginiń resmi saity tanystyryldy.
Posmotretь etu publikatsiyu v Instagram
Is-shara qonaqtardy qarsy alyp, kórmemen tanystyrudan bastaldy. Ashylu bóliminen keiin «Jetisu» ólketanushylar ortalyǵy qoǵamdyq birlestiginiń direktory, ólketanushy-jurnalist Qajet Andas sóz sóiledi. Sondai-aq qatysushylarǵa birlestiktiń maqsaty, mindetteri men atqarǵan júmystary turaly beinetanystyrylym kórsetildi.

Kezdesu barysynda Qajet Andas ortalyq ólketanushylary baspadan shyǵarǵan jáne elektrondy kitap qoryna engizilgen 37 kitapty tanystyrdy. Odan keiin «Q-Andas» aqparat agenttiginiń resmi saity turaly bayandady. Is-shara baǵdarlamasy án shashumen jalǵasty.

Jaryssózde qatysushylar ólketanu eńbekteriniń óńir tarihyn tanytudaǵy orny jóninde pikir almasty. Jomart Igiman tuǵan jer turaly derekterdi jinaqtap, keiingi úrpaqqa jetkizudiń mańyzyn atap ótti. Aisúlu Seipoldina kitaphana men ólketanushylar arasyndaǵy bailanysty nyǵaituǵa toqtaldy. Laura Qúlymbetova jergilikti avtorlardyń eńbekterin oqyrmanǵa keńinen tanystyru turaly aitty. Úljan Núrǵalymqy jastardyń ólke tarihyna qyzyǵushylyǵyn arttyru jaiyn qozǵady. Baijan Seiitqúl ólketanu materialdaryn saqtap, kópshilikke qoljetimdi etudiń qajettigin jetkizdi.

«Kitap syila!» aktsiyasy ayasynda audandyq kitaphanaǵa kitaptar tabystalyp, ólketanushylarǵa kuálikter berildi. Qorytyndy sóz sóilegen Sarqan audandyq kitaphanasynyń direktory Gúlnar Múhametqalieva kezdesudiń kitap pen oqyrman arasyndaǵy bailanysty nyǵaitudaǵy mánine toqtaldy. Is-shara qatysushylardyń toptyq suretke túsuimen ayaqtaldy.

Ólketanu kitaptaryn tanystyru, olardy kitaphana qoryna úsynu jáne elektrondy túrde qoljetimdi etu oqyrmannyń tuǵan ólke tarihyn tereńirek tanuyna múmkindik beredi. Búl baǵyttaǵy júmys «Kitap oqityn últ» jobasynyń oqu mádenietin damytu maqsatyna sai keledi.











