Óner men mádenietke ǵúmyryn arnaǵan Dina Núrǵalievanyń ómir joly «Bekzat ómir» atty kitapqa arqau boldy. Zámzagúl Ámirǵalieva men Qajet Andas birlesip jazǵan ǵúmyrnamalyq eńbekte keiipkerdiń eńbek belesteri, qoǵamdyq qyzmeti, otbasylyq ómiri jáne zamandastarynyń estelikteri qamtylǵan.
Posmotretь etu publikatsiyu v Instagram
Bir adamnyń ómir joly arqyly tútas bir kezeńniń tynysyn tanytuǵa bolady. Ásirese, óńir mádenietiniń qalyptasuyna atsalysqan túlǵalar turaly estelikter el tarihyn tolyqtyra túsedi. «Bekzat ómir» – osyndai maqsattan tuǵan, ónerge adaldyq pen adamdyq qasietti qatar dáripteitin eńbek.
Kitap avtorlarynyń biri, «Jetisu ólketanushylar ortalyǵy» qoǵamdyq birlestiginiń direktory Qajet Andas eńbektiń maqsatyn analar ónegesin úrpaqqa jetkizumen bailanystyrady.
– Basty maqsatymyz – analarymyzdyń ómir jolyn, aqyl-parasatyn, elge sińirgen eńbegin tanytu. Búl eńbek bir adamnyń nemese bir áulettiń tarihymen ǵana shektelmeidi. Dina apamyzdyń taǵdyry arqyly Jetisu analarynyń úrpaq tárbiesine, eldiń mádeni jáne ruhani ómirine qosqan úlesin kórsetuge úmtyldyq, – deidi ol.
Dina Núrǵaliqyzy 1940 jyly Kóksu audanynyń Eńbekshi auylynda dúniege kelgen. 1956 jyly orta mektepti bitirgennen keiin Abai atyndaǵy memlekettik akademiyalyq opera jáne balet teatry janyndaǵy vokal-hor studiyasyna oquǵa túsedi. Ánshilikke degen yqylasy ony mádeniet salasymen bailanystyryp, keiin úiymdastyrushylyq jáne basshylyq qyzmetterge alyp keledi.
Kóksu audandyq mádeniet úiin basqarǵan jyldary jergilikti ónerdiń damuyna atsalysyp, 1972 jyly audanda alǵashqy muzyka mektebin ashady. 1975–1981 jyldary Iliyas Jansúgirov atyndaǵy Mádeniet saraiynyń, 1981–1986 jyldary Taldyqorǵan oblystyq qazaq drama teatrynyń direktory qyzmetterin atqarady. Búl kezeńderde óner újymdarynyń júmysyn úiymdastyryp, ónerpazdardyń shyǵarmashylyq izdenisine qoldau kórsetedi.
Kitaptyń birlesken avtory Zámzagúl Ámirǵalieva Dina apanyń adamdyq bolmysy men ainalasyna kórsetken ónegesin erekshe baǵalaidy.
– Ol kisi júris-túrysymen de, sóilegen sózimen de kópke úlgi bolǵan jan. «Balam da osy apamdai keń peiildi, aqyldy, parasatty adam bolyp ósse eken» degen tilek boldy. Apamyzdyń boiyndaǵy jaqsy qasietter keiingi úrpaqqa júǵysty bolsa eken deimin, – deidi Zámzagúl Ámirǵalieva.
Dina Núrǵaliqyzynyń eńbek joly mádeniet mekemelerimen ǵana shektelmeidi. 1987–1995 jyldary Taldyqorǵan akkumulyator zauytyna qarasty balalar baqshasynyń meńgerushisi bolyp qyzmet atqarady. Zeinetke shyqqannan keiin de qoǵamdyq ómirden qol úzbei, últtyq salt-dástúrdi nasihattauǵa aralasady. 2003 jyly «Ardager ájeler» ansamblin qúruǵa atsalysyp, aǵa buynnyń óner arqyly bas qosuyna úles qosady.
Ómirden kórgeni men kóńilge túigenin kitapqa ainaldyruǵa balalary men tuystarynyń úsynysy túrtki bolǵan. Dina Núrǵalieva búl turaly bylai eske alady:
– Balalarym men tuystarym: «Apa, ómirden jinaǵan tájiribeńiz mol. Bizge de, elge de aitar sózińiz bar. Estelik bolyp qalatyn bir kitap shyǵaraiyq», – dedi. Búl oidy jaqyndarym qoldap, kitapty jaryqqa shyǵardyq. Árine, ómirdegi barlyq oqiǵany túgel jaza almadyq. Biraq negizgi oilarym, eńbek jolym men ósu belesterim osy kitapta qamtylǵan.
«Bekzat ómirde» keiipker turaly zamandastarynyń pikirleri men estelikterine de oryn berilgen. Otbasylyq jáne qyzmettik fotosuretter, baspasózde jariyalanǵan materialdar onyń ómir súrgen ortasyn, eńbek etken újymdaryn, ónerge qosqan úlesin tanyta túsedi.
Kitapta basshylyq qyzmettiń belesterimen birge adamǵa degen qúrmet, otbasyndaǵy tárbie, ónerge súiispenshilik sekildi qúndylyqtar kórinis tapqan. Dina Núrǵalievanyń ómir jolyn keiingi buynǵa jetkizudi kózdegen búl eńbek óńirdiń mádeni tarihyna qatysty estelikterdi saqtauǵa da qyzmet etedi.
Aisúlu Tóleuhan,
Ólketanushy-jurnalist.
Suretter men beinefilьmdi túsirgen
Ámina Aqylbek.
«Q-Andas» aqparat agentiginiń tilshileri.











