QANYSHAIYM:
Saldyqpenen salmaimyn balaǵymdy,
Perensozben oraimyn pyaǵymdy.
Óleńimdi aitaiyn sizge arnap,
Ermek qyp júr álde kim qaraǵymdy.
Berer edim sen úshin tamasha etip,
Qonaq bop onyń bári qaldy ketip.
Qoyady árkim teke óz ylaǵyn,
Jarymdy joqtap júrmin óleńdetip.
NAURYZBAI:
Jauyǵyp teris kóshken el bolama,
SHabandar túlparmenen teń bolama.
Bireumen kóńil súigen kete berse,
Ondai jar mal bergennen kem bolama.
QANYSHAIYM:
Alaqanmen buylǵan teńdei bolǵyr,
Qondyrǵan olaq qatyn jeńdei bolǵyr.
Ishimdi kúiip túrǵan kúidirmeshi,
Aiyrylǵan qosaǵynan mendei bolǵyr.
NAURYZBAI:
Jailauy bizdiń eldiń qúlan ótpes,
Bórige it qarǵysy sira jetpes.
Jigitke qyz qarǵysy maidai jaǵar,
Degenmen anau-mynau eshteńe emes.
QANYSHAIYM:
Sen bolsań aqyn jigit jaqyn kelshi,
Dertimdi ishińdegi óziń bilshi.
Jaqyn kep zatty bolsań tilegińdi ait,
Qańǵyrǵan bireu bolsań ary júrshy.
NAURYZBAI:
Júrushi em sendei qyzǵa kóz salmastan,
Ketushi em keibireuin esime almai.
Armanym meniń qaityp tarqaidy eken,
Ózińdi art artyna bir salmastan.
QANYSHAIYM:
Pyshaqqa qyzyl aǵash qyn bolady,
Jatqan jer kókshe qoyan jún bolady.
Súramaq aty-jóndi paryz eken,
Jigitim aty-jóniń kim bolady.
NAURYZBAI:
Súrasań arǵy atamdy han abylai,
Baq-dáulet bir basyna bergen qúdai.
Jónimdi sen súrasań men aitaiyn,
Inisi Kene hannyń Nauryzbai.
QANYSHAIYM:
Naueke jeke ayańǵa salyp júrsiń,
Bar bolsa elde súlu alyp júrsiń.
Batyrǵa túnde júru ónerme eken,
Kesh batqanda búl jaqta neǵyp júrsiń.
NAURYZBAI:
Kelip-em bir talappen baraiyn dep,
Jylqysyn Tileuqabaq alaiyn dep.
Ózińdei jóni túzu qyzy bolsa,
Jar etip auylymda baǵaiyn dep.
QANYSHAIYM:
Men ózim on jetige biyl keldim,
Onbeste óleń aityp dúrildedim.
Maly men qyzyn tegin beretúǵyn,
Jonyny bar deppe ediń bizdiń eldiń.
NAURYZBAI:
Men ózim on altyǵa biyl keldim,
Jasymnan atqa minip dúrildedim.
Baiqasam sóziń táuir qyz ekensiń,
Men Nauryzbai, endeshe sen kim ediń.
QANYSHAIYM:
Súrasań meniń atym Qanyshaiym,
Maǵlúm kishi júzge meniń jaiym.
Bolǵanda úldan ekeu, qyzdan bireu,
SHyn syrym osy meniń Nauataiym.
NAURYZBAI:
Qanyshai artyq eken seniń zatyń,
Erekshe elden eken parasatyń.
Súrasyp jaidy bilu bir ǵanimet,
Taǵy da aityp bershi ákeń atyn.
QANYSHAIYM:
Súrasań ákem aty Tileuqabaq,
Baq bergen bir basyna qúdai qalap.
Áli, Músa deitúǵyn eki aǵam bar,
Jaiymyz osylaisha Nauan shyraq.
NAURYZBAI:
Qanyshai qarańǵyda boldyń paida,
Jigitke kerek is qoi aqyl-aila.
Oljasyz seni qúry tastamaimyn,
Dál qazir shynyńdy aitshy ylqyń qaida?
QANYSHAIYM:
Naueke sóz sóilesiń asyl batyr,
Búl sózdi aitpasamda ashyq jatyr.
Súrasańyz mal jónin men aitaiyn,
San-sanaqsyz aralda jylqym jatyr.
NAURYZBAI:
Qanyshai aittyń jaiyn, úqtym jónin,
Jylqyńnyn bilip boldym túp mekenin.
Ótkeli qaisy jerde myna ózenniń,
Basqasyn aitpasańda qúp bilemin.
QANYSHAIYM:
Nauekejylqymdy aidap kete almaisyń,
Jerińe jetem degen jete almaisyń.
Ishinde toǵyz aral, jalǵyz ótkel,
Jol tauyp qarańǵyda óte almaisyń.
NAURYZBAI:
Jel soǵar qybyladan ekpindetip,
Qasyńa qarańǵyda keldim jetip.
Ózińmen jón súrasyp, az sóilestim,
Berseńshi jauabyńdy anyq sheship.
QANYSHAIYM:
Jylqymyz endi ia joq, endi iá bar,
Keń dúnie alyp ketseń bolady tar.
Artynan ádebińdi beretúǵyn,
Áli, Músa senetin eki aǵam bar.
*************************
Nauyryzbai baiqapty bilimdini,
Ala-almaidy ekensiz búgin múny.
Batyrdyń da júregin qaitarypty,
Aqyn qyzdyń sesiniń qiyndyǵy.
Aitysty el auzynan jazyp alyp, saqtaǵan Andas OMARAQYNÚLY.
Derekkóz: https://kazneb.kz/kk/catalogue/view/1657687
«Q-andas» aqparattyq agenttigi.











