Сағыныш Асқарұлының айтуынша, бүгінде облыс аумағында 11 конфессияны біріктіретін 269 діни бірлестік пен филиал жұмыс істейді. Діни экстремизм мен терроризмнің алдын алу бағытында тұрақты іс-шаралар жүзеге асуда.
Сонымен қатар, әлеуметтік желілерде деструктивті діни ағымдардың идеологиясына қарсы ақпараттық түсіндіру жұмыстары күшейтілген. Бұл бағытта «Аналитикалық интернет-карта» платформасы үздіксіз мониторинг жүргізіп, күмәнді контенттерді анықтауға және жедел шара қабылдауға мүмкіндік беріп отыр.
Баспасөз мәслихатында журналистер:
«Әлеуметтік желілерде деструктивті діни ағымдардың идеологиясын тарату фактілері қаншалықты жиі анықталады?”, “Аналитикалық интернет-карта“ нақты қалай жұмыс істейді?» деген сауалдар қойды.
Басқарма өкілі жыл басынан бері мыңдаған әлеуметтік парақша сарапталып, олардың арасындағы заңға қайшы контенттер бұғатталып, бірқатар азаматқа ескерту жасалып, алдын алу шаралары қабылданғанын тілге тиек етті.
“Q-andas.kz” редакциясының тілшілері де өз сұрақтарына жауап алды.
Нәтижесінде: «Бүгінгі баспасөз мәслихатында нақты деректер мен ашық ақпарат ұсынылды. Дін істері басқармасының әлеуметтік желілердегі қауіп-қатерге дер кезінде әрекет етуі – қоғамдағы тұрақтылық пен рухани бірлікті сақтаудың маңызды кепілі бола алады» деген түйінге тоқтадық.
Жиын соңында басқарма басшысы Сағыныш Жандабай алдағы уақытта да қоғамдағы діни келісім мен тұрақтылықты сақтау бағытындағы жұмыстар жүйелі түрде жалғасатынын жеткізді.
Мәтінін жазған: Ляззат МҰХАМЕДЖАН
Видио-фото түсірген Наргиз ИБРАЙМОВА.
Q-Andas.kz
