Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت ولكەتانۋ تۇلعا تانۋ

جەتىسۋدا باعىم جاندى

admin
2025/11/10
تۇلعا تانۋ
0
Жетісуда бағым жанды

قازاقستان جازۋشىلار جانە تەاتر قايراتكەرلەرى وداقتارىنىڭ مۇشەسى، شيرەك عاسىردان استام ۋاقىت ءباسپاسوز سالاسىندا قارىمدى قىزمەت ىستەپ كەلە جاتقان جۋرناليست ۇسەن ومىرزاقوۆ – پوەزيا الەمىندە وزىندىك قولتاڭباسى بار اقىن. قالامگەردىڭ «ءومىر – ولەڭ»، «حالقىم – قازىنام»، «اقىن تاعدىرى» اتتى جىر جيناقتارى  وقىرماننىڭ ىقىلاسىنا بولەنگەن تۋىندىلار. بۇگىندە اۋقىمدى دۇنيەلەردى جارىققا شىعارۋ جولىندا ىزدەنىپ جۇرگەن قالامگەردىڭ وتكەن ومىرىنە ءبىر ءۇڭىلىپ، كورگەن-بىلگەنى، كوكەيگە تۇيگەنى، زەردەسىنە جيعان رۋحاني قازىناسىن ءبىر ەكشەپ كورسەك دەگەن نيەتپەن سۇحباتتاسقان ەدىك. ويلى اڭگىمەنى وقىرمان نازارىنا ۇسىنۋدى ءجون كوردىك.

– ۇسەكە، «ەردىڭ جاسى ەلۋدەن» اسىپ، شىعارماشىلىقتىڭ ناعىز كەمەلدەنگەن كەزەڭىنە دە كەلىپ جەتتىڭىز. وتكەنگە ەسەپ بەرىپ، بولاشاقتى باعدارلاۋدىڭ ءساتى تۋىپ تۇرعان سياقتى. جاستارعا  عيبرات بولسىن، بالالىق شاقتاعى ارمانعا ءبىر قول سوزىپ، سودان كەيىن جاستىقتىڭ جالىنىنا قايتا جىلىنا وتىرىپ اڭگىمە وربىتەيىك.

– ءسوز توركىنىن اڭداپ تۇرمىن. اڭگىمەنى ارىدەن باستاعالى وتىرسىڭ  عوي. ول دا ءجون. ادام عۇمىرىنىڭ جارتىسىنان اۋعاندا وتكەندى  ساعىنىشپەن ءجيى ەسكە الادى ەكەن. بابالارىمىز: «بۇل جالعاننىڭ قىزىعى ءسۇت پىسىرىمدەي ۋاقىتتا ءوتىپ كەتەدى»، – دەپ تاۋىپ ايتقان. وتكەن جىلى جازىلعان ءبىر ولەڭىمنىڭ العاشقى شۋماعىن:

اجەسىنىڭ قۇشاعىندا بال كۇلگەن،

كەشە عانا بالا ەدىم عوي تال مىنگەن.

كەشە عانا جىگىت ەم عوي جالىندى،

قالاي وسى تەز قارتايىپ قالدىم مەن، – دەپ باستاپپىن. سونىمەن بالالىق ارمانعا ورالايىق. اكەدەن ەرتە ايىرىلىپ، باستاۋىش سىنىپتا «ينتەرناتتىڭ نانىن جەپ» ءوستىم. جەتىنشى سىنىپتان باستاپ اۋداندىق گازەتتە ماقالالارىم، رەسپۋبليكالىق «قازاقستان پيونەرى» گازەتى مەن «بالدىرعان» جۋرنالىندا ولەڭدەرىم جاريالانا باستادى. ورتا مەكتەپتى تامامداعان سوڭ قازمۋ-ءدىڭ جۋرناليستيكا فاكۋلتەتىنە وقۋعا ءتۇسۋ ءۇشىن الماتىعا اتتانۋعا قامدانعانىمدى ەستىگەن انام جوسپارىمدى قولداي قويمادى. قايتا قاتتى قارسىلىق ءبىلدىردى.

– نەگە؟

– ونىڭ سەبەبى، اۋداندىق گازەتتە ءتىلشى بولىپ ىستەپ جۇرگەن اتالاس اعايىمدى فەلەتون جازعانى ءۇشىن «كەيىپكەرلەرى» قاستاندىقپەن جول بويىندا كولىكپەن سوعىپ، مەرت ەتكەن بولاتىن. سودان جۇرەگى شايلىعىپ قالعان ەدى. بىراق العان بەتىمنەن قايتپايتىنىما كوزى جەتكەن انام اقىرى: «بارا بەر، «بالمۇزداق جەپ قايتىپ كەلەسىڭ»، – دەپ امالسىز كەلىستى. الماتىعا ات ارىلتىپ كەلسەم، وكىنىشكە وراي، شىعارماشىلىق كونكۋرس بەلگىلەنگەن مەرزىمىنەن ءبىر كۇن بۇرىن ءوتىپ كەتىپتى. مەن ۇلگەرمەي قالدىم دا، فيلولوگيا فاكۋلتەتىنە قۇجاتىمدى تاپسىردىم. العاشقى ەمتيحاننىڭ وزىنەن  «ءسۇرىنىپ» كەتتىم. اۋىلعا قايتۋعا «بەت جوق». اقىرى تۋعان اپكەم تۇراتىن وزبەكستاننىڭ زارافشان قالاسىنا جول تارتتىم. العاشىندا  مىس وندىرەتىن شاحتاعا جۇمىسقا ورنالاستىم.  ءبىر كۇنى اپكەم مەنى بازارعا جۇمسادى. ەت ساتىپ الىپ تۇرسام،  ءبىر  اپا قىپ-قىزىل  ەتتى قازاقشا گازەتكە وراپ جاتقانىن كوزىم شالىپ قالدى. «اپا، اناۋ گازەتىڭىزدى ماعان بەرىڭىزشى، مەن سىزگە قولىمداعى جەلىم سومكەنى بەرەيىن. ەت سالۋعا وسى ىڭعايلى ەمەس پە؟» دەدىم. ول كىسى كەلىسە كەتتى. قان-قان گازەتتى قولىما الىپ، جايىپ جىبەرىپ وقىسام، تامدى اۋداندىق  «سوتسياليستىك شارۋاشىلىق» دەگەن گازەت ەكەن. بۇحارا وبلىسىنىڭ تامدى اۋدانى ءشامشى اعامىزدىڭ تابانى ءتيىپ «تامدى ارۋى» دەگەن ءان تۋعىزعان كيەلى تاۋەلىباي ەلى عوي باياعى. قازاقتىڭ ايگىلى ايتەكە ءبيى مەن بالقى بازار جىراۋىنىڭ سۇيەگى دە وسى وڭىردە جەرلەنگەن. قىسقاسى، تامدىعا جول تارتىپ گازەتتە كورسەتىلگەن مەكەنجاي بويىنشا رەداكتسيانى تاۋىپ كەلدىم. باس رەداكتوردىڭ ورىنباسارى قايىپنازار شوتباسوۆ دەگەن جىگىت مەنى جىلى قابىلدادى. «تالابىڭ بار ەكەن. ادەبيەت بولىمىندەگى ومىرزاق قوجامۇراتوۆ دەگەن اقىن جىگىت دەنساۋلىعىنا بايلانىستى، وبلىستىق ديسپانسەرگە جاتقىزىلدى. ءبىر جىل ەمدەلەتىن كورىنەدى. سول كىسىنىڭ ورنىنا ۋاقىتشا قىزمەتكە قابىلدايىق. ءارى شىڭدالاسىڭ؟» – دەدى. «ىزدەگەنگە سۇراعان» دەگەندەي، توبەم كوككە جەتكەندەي قۋانعانىم-اي!

–  جولىڭىز بولعان ەكەن.

–  ءيا دەسەيشى! وسىلاي وقۋدى بىتىرمەي-اق ءبىر گازەتتىڭ ادەبي قىزمەتكەرى بولىپ شىعا كەلدىم. كەلەر جىلدىڭ ماۋسىم ايىندا الماتىعا كەلىپ قازمۋ-ءدىڭ جۋرناليستيكا فاكۋلتەتىنە قۇجات تاپسىردىم. قازاق جۋرناليستيكاسىنىڭ نەگىزىن قالاعان ايگىلى عالىم-ۇستاز تاۋمان اماندوسوۆ ماقالالارىمدى وقىپ كورىپ: «ءاي، بالا، ساعان تەك ديپلوم عانا كەرەك ەكەن، بارا بەر، ءوتتىڭ»، – دەدى. سىناقتى بەلگىلى ارابيست عالىم ءابساتتار دەربىساليەۆ پەن مايتالمان ادەبيەتشى، سىنشى راحمانقۇل بەردىباەۆقا «بەسكە» تاپسىردىم. وقۋ بىتىرەردە «وچەركتەگى كەيىپكەردىڭ ميميكاسى مەن پانتوميميكاسى» دەگەن تاقىرىپتاعى ديپلومدىق جۇمىسىم سول كەزدەگى قازاقستان كومپارتياسىنىڭ يدەولوگيالىق حاتشىسى «كوممۋنيست» جۋرنالىنىڭ باس رەداكتورى كاكىمجان قازىباەۆتىڭ توراعالىعىندا «ۇزدىك» دەپ باعالاندى.

–  جۋرناليست مامان رەتىندەگى العاشقى ەڭبەك جولىڭىز قالاي باستالدى؟

– ديپلومدى قولعا العان سوڭ ەلگە ورالدىم. ونداعى ماقساتىم – قارا شاڭىراقتىڭ وتىن وشىرمەي، قارتايعان اناما ءبىراز قۋانىش سىيلايىن دەدىم. سودان كوپ وتپەي بوستاندىق اۋداندىق «كوممۋنيزم ءۇشىن» گازەتىنە اۋدارماشى-ءتىلشى بولىپ جۇمىسقا ورنالاستىم. گازەت نەگىزىندە وزبەك تىلىندە شىعاتىن دا، قازاقشاعا اۋدارىلاتىن. بۇعان ىشتەي «وكپەم قارا قازانداي» بولىپ ءجۇردى.

– جاراتقان يەم جۇرەگىڭىزگە وت جاعىپ، قولىڭىزعا نە ءۇشىن قالام ۇستاتتى؟ «كوكەسىن تانىتىپ»، كوسىلتىپ تۇرىپ ماقالا جازبادىڭىز با؟

– ءوزىم دە سولاي ەتتىم. ءبىر كۇنى ويلانىپ-تولعانىپ وتىرىپ، وزبەكستاندا ءومىر سۇرەتىن ەكى ميلليونعا جۋىق قازاقتىڭ نەگە انا تىلىندە شىعاتىن  رەسپۋبليكالىق گازەت-جۋرنالى، كىتاپ باسپاسى، ۇلتتىق تەاترى جوق  دەگەن مازمۇندا «وزبەكستان قازاقتارىنىڭ رۋحاني مۇقتاجدىعى»، «وڭ ماسەلەگە تەرىس قاباق تانىتپايىق» دەگەن ەكى ماقالا جازدىم دا، ۇلى جەڭىس مەرەكەسىنە بايلانىستى دەمالىستى پايدالانىپ، الماتىعا ۇشىپ كەلدىم. الدىمەن «قازاق ادەبيەتى» گازەتىنىڭ باس رەداكتورى شەرحان مۇرتازانىڭ شاڭىراعىنا ات باسىن بۇردىم. ۇيدە ەكەن. قابىلدادى. اڭگىمەمدى ۇندەمەي وتىرىپ تىڭدادى. ءبىر اۋىز ءسوز قوسپادى. ورنىنان تۇرىپ سورەدەن ءۇش كىتابىن الدى. قولتاڭباسىن قويىپ، ماعان ۇسىندى دا: «قۋىس ۇيدەن قۇر شىقپا» دەگەن ماقالاڭدى قالدىرىپ كەت، جاريالايمىز»، – دەپ قوشتاستى. سول ۇيدە شەرحان اعادان ءبىر قابات تومەندە «جالىن» جۋرنالىنىڭ باس رەداكتورى مۇحتار شاحانوۆ تۇراتىن. ول كىسىگە دە جولىقتىم. اڭگىمەمدى قايتا-قايتا قوزعالاقتاپ وتىرىپ تىڭدادى. سوسىن: «قازىر كەڭەس وداعىنىڭ بارلىق رەسپۋبليكالارىندا «ۇلتارالىق قاتىناستار جونىندە» كوميتەت قۇرىلىپ، جۇمىس ىستەپ جاتىر. سول كوميتەتكە وسى ماسەلەلەر تۋرالى ۇندەۋ جازىپ، وعان  وزبەك ەلىندە جاسايتىن كەڭەس وداعىنىڭ باتىرلارى، سوتسياليستىك ەڭبەك ەرلەرى، جوعارعى كەڭەس دەپۋتاتتارى، عالىمدار، جازۋشىلار مەن كورنەكتى قوعام قايراتكەرلەرىنە قول قويدىرىپ، حاتتى قولما-قول  تاپسىرۋ كەرەك. ولار جاۋاپسىز قالدىرمايتىنىنا ءسوزسىز سەنەمىن. ماقالاڭدى قايرات الىمبەكوۆكە مەنىڭ اتىمنان اپارىپ بەر»، – دەدى. مەن  اقىننىڭ ايتقانىنىڭ ءبارىن تولىق ورىندادىم. جالعىز ەمەس، ارينە، مەنى قولداعاندار كوپ بولدى. كوپ وتپەي «قازاق ادەبيەتى»، «لەنينشىل جاس» گازەتىندە الگى ەكى ماقالام دا جاريالاندى.

– قىسىم جاسالعان جوق پا؟

– جوق.تەك باس رەداكتورىم «ارقامنان سيپاپ» جۇمىستان ءوز ارىزىما وراي بوساتىپ جىبەردى. كوپ وتپەي دەموكراتيالىق جولمەن ءبارى دە ءوز شەشىمىن تاپتى. وزبەكستان كومپارتياسىنىڭ قاۋلىسىنا وراي «دوستىق تۋى» (كەيىن «نۇرلى جول» دەپ وزگەرتىلدى) دەگەن اتپەن رەسپۋبليكالىق گازەت جارىق كورىپ، «اسىل مۇرا»  كىتاپ باسپاسى ىسكە قوسىلدى. تەلەۆيدەنيەدە «دوستىق» باس رەداكتسياسى اشىلىپ، قازاق، قىرعىز، تاجىك تىلىندە حابار تارالا باستادى. مەن سول «دوستىق» باس رەداكتسياسىندا بەس جىل اعا رەداكتور، رەسپۋبليكالىق «نۇرلى جول» گازەتىندە  8 جىل اعا ءتىلشى، جاۋاپتى حاتشى، ءبولىم مەڭگەرۋشىسى لاۋازىمىندا ەڭبەك ەتتىم. سودان كەيىن ءبىرشاما ۋاقىت وڭتۇستىك قازاقستان وبلىسىنىڭ «التىن قور» تەلەراديوكومپانياسىندا رەداكتور مىندەتىن اتقاردىم. تاعدىر ايداپ، كەيىنگى جىلدارى جەتىسۋعا قونىس اۋداردىم. مۇندا كەلگەن سوڭ «جەتىسۋ» تەلەكومپانياسىندا رەداكتور، وبلىستىق بيكەن ريموۆا اتىنداعى دراما تەاترىندا ادەبيەت ءبولىمىنىڭ مەڭگەرۋشىسى بولىپ قىزمەتىمدى جالعاستىردىم. 2012 جىلى كۇزدە بولشاق جۋرناليستەردى تاجىريبەلىك تۇرعىدان شىڭداۋ ماقساتىندا ءى. جانسۇگىروۆ اتىنداعى جمۋ-عا اۋىستىم. قازىر ۋنيۆەرسيتەتىمىزدىڭ رەكتورى، قر ۇعا كوررەسپوندەنت مۇشەسى، زاڭ عىلىمدارىنىڭ دوكتورى، پروفەسسور ءابدىماناپ بەكتۇرعانوۆتىڭ باستاماسىمەن اشىلعان «جەتىسۋ ۋنيۆەرسيتەتى» اتتى قوعامدىق-ساياسي جاستار گازەتىنىڭ باس رەداكتورى بولىپ جۇمىس ىستەپ ءجۇرمىن. قىسقاسى،  جەتىسۋدا باعىم جاندى.

مەنى جەتىسۋلىقتار اقىن رەتىندە ەمەس، جۋرناليست رەتىندە تانيدى. پوەزيا الەمىندەگى ورنىمدى جوعارى باعالاعان ءبىر-اق ادام بولدى. ول – اقىن، پۋبليتسيست امىرە ءارىن. مۇنى جاقسى اتانۋ ءۇشىن ايتىپ تۇرعان جوقپىن. بۇدان بەس جىل بۇرىن العاش كەزدەسكەندە-اق ولەڭدەرىمدى وقىپ: «ءوي، باتىر، سەن اقىن ەكەنسىڭ عوي!» – دەپ  تسيكلدى توپتاما جىرلارىمدى ەكى-ءۇش رەت گازەت بەتىندە جاريالادى. ادەبي ورتاعا كەلسەك، وبلىستىق تىلدەردى دامىتۋ باسقارماسىنىڭ باسشىسى احمەت كەندىربەكۇلىنىڭ باستاماسىمەن ءتىل سارايىندا وتكىزىلىپ جۇرگەن «سارسەنبىنىڭ ساتىندە» اتتى ادەبي كەشتەن مول ءۇمىت كۇتۋگە بولادى.

– ۋنيۆەرسيتەتتە بولاشاق جۋرناليستەردى ءىس-تاجىريبەدەن وتكىزىپ جۇرگەنىڭىزدەن حابارىمىز بار. قازىرگى جاستاردىڭ تاڭداعان ماماندىعىنا دەگەن ىنتا-جىگەرى قاي دەڭگەيدە؟

– ءبىلىم وردامىزدا جۋرناليستيكا ماماندىعىندا وقىپ جاتقان بىلىمگەرلەر ءۇشىن جان-جاقتى جاعداي جاسالعان. بىلىكتى وقىتۋشىلار جۇماعالي ەسەنبەك (جۋرناليستيكا كافەدراسىنىڭ مەڭگەرۋشىسى)، مۇسا بيسەنقۇلوۆ، تۇرلىحان كارىم، ايبەك سەيداحمەت، گۇلفايرۋز قۇتىموۆا، داۋلەتكەرەي مۇلىك ستۋدەنتتەردى تەوريالىق بىلىممەن سۋسىنداتسا، ونى تاجيىريبەمەن ۇشتاستىرۋ ءۇشىن ارنايى جابدىقتالعان تەلەستۋديادا ءۇش تەلەكامەرا، مونتاجداۋ قوندىرعىلارى بار. بىلىمگەرلەر وزدەرى بەينەفيلم ءتۇسىرىپ، ءوزى مونتاجداپ، ۋنيۆەرسيتەتتىڭ ءۇش كورپۋسى مەن جاتاقحانالاردا تارتىلعان تەلەجەلى ارقىلى ەفيرگە شىعادى. «جەتىسۋ ۋنيۆەرسيتەەتى» گازەتى  قازاق، ورىس تىلدەرىندە 12 بەت بولىپ جارىق كورىپ، وبلىس كولەمىندە تارالادى. بولاشاق جۋرناليستەرىمىز «ءبىلىم نۇرى»، «سەنىڭ زامانداسىڭ»، «تۇرمىس تىنىسى»، «جان سىرىم»، «جەمقورلىققا جول جوق»، «ىرىس-ىنتىماقتا»، «تالانتتىلار تۇعىرى»، «قاۋىرسىن قالام»، «تۇلعا»، «ءساتى تۇسكەن سۇحبات»، «كۇلكى كۇيمەسى» سياقتى ايدارلارمەن ارنايى  بەت دايىنداپ، قالامدارىن ۇشتايدى. ءبىزدىڭ «شەكپەنىمىزدەن شىققان» شاكىرتتەر دەپ وبلىستىق «جەتىسۋ» گازەتىندەگى ەڭلىك ساعىندىقوۆا مەن اسىل سۇلتانعازىنى، قالالىق «تالدىقورعان» گازەتىندەگى دانيار ساعىندىق، وبلىستىق «الاتاۋ» گازەتىندەگى گۇلناز نۇرداۋلەتتى، جەتىسۋ تەلەارناسىنداعى ارايلىم جاقسىبەكوۆا، شىنار اۋەلباي، المات حاميتوۆ، ايمان اسىلبەكوۆا، اسەم عابيتقىزى، سالتانات  سپانديروۆا، تاعى باسقا دا جاس جۋرناليستەردى ماقتانىشپەن اتاۋعا بولادى.

– ءيا، ءسابي شاقتان بۇگىنگە دەيىن 55 جىلدى ارتقا قالدىردىڭىز. سول جىلداردىڭ ەسەبى بولاتىن جىر جيناعىڭىزدى دايىنداپ وتىرعان كورىنەسىز.

– ءيا، «تامىلجىعان تامىزىم» اتتى جىر جيناعىمدى «تولعاتىپ» ءجۇرمىن.   الداعى ۋاقىتتا وقىرمانعا جول تارتپاق.

P.S: بۇل سۇحبات 2016 جىلى ۇسەن ومىرزاقوۆتىڭ 55 جىلدىعىنا وراي جازىلىپ ەدى. ۇسەن اعا بۇگىندە ارامىزدا جوق. بىراق ونىڭ «تامىلجىعان تامىزى» سانامىزعا جىلۋ قۇيىپ ءجۇر.

ۋاقىت وسىلاي عانا ءبىر-ءبىرىمىزدى ەسكە تۇسىرەدى ەكەن….

قاجەت انداس

«Q-andas» اقپاراتتىق اگەنتتىگى.

0 0 votes
Рейтинг статьи
Post Views: 16
«Аққу ағай» атанған ұлағатты ұстаз
تۇلعا تانۋ

«اققۋ اعاي» اتانعان ۇلاعاتتى ۇستاز

August 24, 2026
Төккен тердің қадірі
تۇلعا تانۋ

توككەن تەردىڭ قادىرى

June 11, 2026
Ұстаз ананың хаты
تۇلعا تانۋ

ۇستاز انانىڭ حاتى

June 3, 2026
Тағылымды тағдыр
تۇلعا تانۋ

تاعىلىمدى تاعدىر

May 15, 2026
«Апа, сен болмасаң»
تۇلعا تانۋ

«اپا، سەن بولماساڭ»

May 12, 2026
Бегзат өмір
تۇلعا تانۋ

بەگزات ءومىر

May 5, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz