Osy jolǵy sъezd mezgilinde taǵy da mynadai bir aita qalsyn oqiǵa oqystan júz beredi. Qarakerei ruynan shyqqan Esenbai úly Qazybek bi osy sъezge úsynys etiledi. Bir qansha atqosshy, nóker, joldas-joralarymen kele jatqan jolynda Alla jazymǵa jazdy ma, bidiń úirenshikti juas, minis aty qarajal, qaraqúiryq qúla aty kenetten úrkip, jyǵylǵan bidi qozy kóshjerge súirep ketedi. Bidiń súiekteri ońbai úsatylyp, synady. Sol mańdaǵy barlyq synyqshy men otashy kórip, esh shipa, útymdy amal taba almai daǵdarady. El-júrt jan-jaqqa at shaptyryp, adam jiberip, synyqshy izdep súrau salady. Aqyry: «Qyzai eliniń ataqty Sáske degen áulie synyqshysy bar eken» degendi estip, qos at shaptyryp, adam jiberip, Sáskeni shaqyrtady. Sákeń shaqyrtu boiynsha kelip, Qazybek bige arnaiy úi tiktirip, auashalap qaraidy. Ol aldymen jarylǵan bastyń miyn ornyna salyp, jaryǵyn tańyp, birneshe kún tynyshtandyrady. Odan keiin eki júris daualauyn bastap, denedegi parshalanyp ketken úsaq súiekterdi bir-birlep óte eptikpen yq-yǵyna, jik-jigine keltirip qiyulastyryp, abailap tańady, óte múqiyattylyqpen den qoya daualaǵandyqtan alpys bes kúnde búrynǵy sau qalpyna kelgen Qazybek bi qaz túrady. Búl keremetti kórgen Qarakerei eli: «Atqa shapshań qoryqpai shap, basyń shaǵylyp, miyń korinse, qol ayaǵyń qirap talqandalsa, Qyzai eliniń áulie otashysy Sáske bar», – dep baǵasyn berip, alǵysyn jaudyryp, úranyn qaldyrǵan eken. Sáske Myrjyq úly Qyzai eliniń Tileuberdisi ishinen Jarylqap ruynan esepteledi.
TÚIIN
Bayandalǵan qysqa áńgimeler qyzaidyń tórt áuliesiniń tek bir retki, bir óńirdegi izgilikti isiniń bir parasy jáne ony jalǵastyrushylar turaly az-kem aqparat. Olar tútas ómirin mán-maǵynaly ótkizip, tuǵan eliniń baqyty úshin tolyp jatqan tartymdy tartuyn úsyndy. Sondyqtan qasietti áulie attary alapqa jaiylyp, úrpaqtan-úrpaqqa jalǵasyp keledi.
Sol sъezde Qyzai eli barlyq dualy isterdi tolyǵymen sheship, tabyspen oralady. Topty bastap barǵan Saraiyt batyr, Qaraiyt biler de eren tolǵamdylyqpen el kóńilinen qúrmetpen oryn alady. Osydan bylai Qarakerei men Qyzai eli ortasynda dau-janjal, barymta-syrymta túgelimen toqtap, eki el jer shekarasyn belgilep, Qyzailar Toqtabarlyqtan ekige bólinip kóship, bir bóligi Altaiǵa, endi bir bóligi Erenqabyrǵaǵa baryp, qonystanady. Keiin eki óńirdegi Qyzailar taǵy da úsh baǵytpen kósh túzep, qazirgi qonysyna Ile ózeniniń joǵarǵy ańǵaryna kelip, máńgilik meken etti. Qazir Qytaidaǵy Qyzailardyń sany 800 myńnan asyp jyǵylady. Al Qazaqstandaǵy Matai tauyn, Tarbaǵatai tauyn, Qalba tauyn jáne Syr boiy men Jezqazǵandy mekendep qalǵan bir bólim Qyzai auyldary boldy. Olar jaily bizdiń qolymyzǵa naqty aqparat túsken joq. Bizden keiingiler anyqtai jatar degen senimimiz kámil.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi











