Kórmede qatysushylarǵa elimizdegi túrli etnostardyń tarihy men túrmys-tirshiligin beineleitin últtyq kiimder, qolóner búiymdary, muzykalyq aspaptar, tarihi fotosuretter men sirek kezdesetin jádigerler úsynyldy.
Is-sharany oblystyq «Qoǵamdyq kelisim» KMM direktory Erkebúlan Eshmúhambetúly ashyp, el birligi men kelisimniń mańyzy turaly qúttyqtau sóz sóiledi. Sonymen qatar, Qazaqstan halqy Assambleyasy janyndaǵy etnojurnalister klubtyń tóraǵasy Atsalim Idigov, Almaty oblystyq ázerbaijan últtyq-mádeni ortalyǵynyń tóraǵasy Fahredin Magerramov, jáne oblystyq orys ortalyǵynyń tóraiymy Larisa Kotelьnikova qatysushylarǵa óz tilekterin bildirdi.
Kórme ayasynda Qazaqstan halqy Assambleyasynyń múshesi, Jetisu oblystyq úiǵyr etnomádeni ortalyǵynyń tóraǵasy Túrǵan Zaitovpen súhbattasyp edik.
– Maqsatymyz – Jetisu jerinde túryp jatqan túrli etnostar arasyndaǵy tatulyq pen birlikti, mádeniet pen dástúrdiń bailyǵyn kórsetu. Ár últtyń óz óneri men salt-dástúri bar. Biz solardy ortaq alańda tanystyryp, dostyq kópirin nyǵaitqymyz keledi. Kórmege Jetisu oblysynan jiyrma tórt etnomádeni birlestik qatysyp otyr. Osyndai sharalar eldegi túraqtylyq pen yntymaqtyń aiqyn kórinisi, – dedi ol.
Sońynda qatysushylar etnomádeni kórmeni aralap, últtyq naqyshtaǵy búiymdar men óner tuyndylaryn tamashalady.
