QHR Ile qazaq oblysy SHapshal audanynyń Boti aqyny qyzai eline kúieu keledi. Ol Búrimqannyń aqyndyǵyn estip, 1936 jyly Qarabúraǵa kelgen bir saparynda ádeiilep izdep baryp, aitysady.
BOTI:
Kim júrer bir qalyppen búl jalǵanda,
Sózime meniń aitqan bolma armanda.
Beripti bailyq, mansap, berekeli as,
Qyzaida Ótegendei bolǵan bar ma?
BÚRIMQAN:
Kedeilik er jigittiń dymyn qúrtqan,
At óler auru bop buyn qúrttan.
Jylqysy Tileuli bai shamyrqasa,
Edil menen Jaiyqtyń suyn qúrtqan.
BOTI:
Tórt túligi lyqsyǵan SHapshalym bar,
Tasy kúmis, tasy altyn asqarym bar.
Qyzyr shalyp, baq qonǵan qyzaidaǵy,
Tileuliden aityp kór basqa kim bar?
BÚRIMQAN:
Jalǵannyń kim toyady qyzyǵyna,
Nápsiniń aldanarmyz búzyǵyna.
Baq qonyp, Qydyr shalǵan Áldekeńniń,
Tai maltap, úirek júzgen qymyzyna.
BOTI:
Búrymqan sóz aitaiyn baldyz qaraq,
Otyrmyz osynshadan sizdi qalap.
Jaqpaǵan kóńilimde bir isim bar,
Ár adam júredi eken seni janap.
BÚRIMQAN:
Aitaiyn ait degende, Boti jezde,
Jezdekem sóz tabady múndai kezde.
Boti-au, qúdai atqan jyndy ekensiń,
Túzetip qoyar ma edi bizdiń tezge.
BOTI:
Búrimqan, sóz aitamyn sózińizge,
Keltirdi qúdai aidap kezimizge.
Jarasta ausar da bar, jyndy da bar,
Qanshasyn salyp ediń tezińizge.
BÚRIMQAN:
Elimde ausar da joq, jyndy da joq,
Botidai qúdai atqan mindi de joq.
Belgisi jyndylyqtyń kórinetin,
Qazirshe art jaǵymda dúrbi de joq.
BOTI:
Búrimqan, qyzyǵamyn oiynyńa,
Jarasar kúmis alqa moiynyńa.
Bir sózdi jyndy degen aityp qaldyń,
Bar ma edi barǵan jerim qoiynyńa.
BÚRIMQAN:
Qoinyma kele almaisyń jyndylyqpen,
Kelgenińmen almaimyn bir qylyqpen.
Túsersiń etpetińnen ayaǵyma,
Júre almasań jol tauyp qúrbylyqpen.
BOTI:
Qonǵany auylymnyń bel deitúǵyn,
Jalǵan sóz aitqanmenen kelmeitúǵyn.
Ketipti osy kúnde jaras tozyp,
Auylyńda kisi bar ma jóndeitúǵyn.
BÚRIMQAN:
Qońyrat kóship-qonǵan Almalyǵa,
Kire qylar puly bar arbalyǵa.
Tozbaǵanyń ei, Boti, qai jerińde,
Tentirep júr temiriń ár máli de.
BOTI:
Esimbek aram peiil el jeidi eken,
Bai, jarly, bárin birdei teń jeidi eken.
Jarlynyń baqqan maly tausylǵan soń,
Bedesin buyp alyp teńdeidi eken.
BÚRIMQAN:
Aitady ait degende Qamar zálim,
Qamardyń zalymdyǵy maǵan málim.
SHoshqanyń etin jegen kápirlerdei,
Tauysty bir súmbiniń tatam malyn.
BOTI:
Menimen aitysarǵa jaiyń bar ma,
Úiińde poselkeli shaiyń bar ma.
Toǵyz júz toqsan alty iri qoiy,
Jarasta Saibolattai baiyń bar ma?
BÚRIMQAN:
Auylym Aqbúlaqtyń shoqysynda,
Baq-dáulet bergen qúdai baqytyna.
Bar qoiy Saibolattyń sol-aq bolsa,
Jetpeidi SHońqabaidyń toqtysyna.
BOTI:
Qúdaidyń bizge bergen baǵy da bar,
Sóileitin sheshenderdiń jaǵy da bar.
Jatady qoiy syimai qorasyna,
Manap kúnde degen bai taǵy da bar.
BÚRIMQAN:
SHirenip Manap kúndeń minedi atqa,
Tartady apiynyn kúnde bosqa.
Jaiy joq temirińniń men bilmeitin,
Jetpeidi Qasymbek pen Rabatqa.
BOTI:
Qanbaityn bireulerdiń kúlkisi bar,
Búranyń kúnde qaqasa túlkisi bar.
Elińde múnan artyq bailyq bar ma?
Demeudiń bir jarym myń jylqysy bar.
BÚRIMQAN:
Aralap tirligińde kezdiń qiyr,
Men daǵy Demeuińdi kórdim biyl.
Jylqysyn, qoiyn qosyp ne qylaiyn,
Bar edi Núptebekte bes myń siyr.
BOTI:
Oi qandai, jota qandai, tegis qandai,
Jigitke bir kietin kebis qandai.
Tóteimiz biz de kóppiz jabylsań da,
Begimbet-derbis, itemgen, meńis qalmai.
BÚRIMQAN:
Bolǵanda neshe duan naimandar bar,
Janynda batyrlardyń saimandar bar.
Búl jerde kóptikti aityp nege kerek,
Egiz ben segiz tapqan aiuanda bar.
Botidyń bailandy endi til men jaǵy,
Jeńilip top ishinde syndy saǵy.
Maqtasyp jiylǵan júrt Búrimqandy,
Osymen toi ayaǵy tamamdaldy.
Ekeui aitysqanda jorǵalyqpen,
Kim óter eregespei bir qalyppen.
Osylai eki aqynnyń qaǵysqanyn,
Symaǵúl jazyp keldi moldalyqpen.
Túrsyn Núrsapaúlynan jazyp alǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











