SYBANBAIDYŃ SYNAǴY
Qyzailarda: «Tekebai elge dau bermeidi, Búlǵynayaq jútqa mal bermeidi, Músirbai auyruǵa adam bermeidi…» degen támsil úrpaqtan-úrpaqqa úlasyp keledi.
Jońǵarmen soǵys ayaqtap, qazaqtar óziniń ejelgi atajúrtyna oralyp jatqan kez eken. Ol kezde Búlǵynayaq 20 jastaǵy jigit kórinedi. Qyzai eli Jetisudan Qytaiǵa ótip, qazirgi Altai aimaǵynyń Jemenei audanynda qonystanǵan kezi eken. Qyzai eliniń myqtylary jer shalyp, tórt mezgili malǵa jaily qonys izdep júredi. Altaidyń qysy qatty bolǵandyqtan elge jaily qonys bolmaitynyn ańǵarǵan Búlǵynayaq áulie júrtqa aitqan aqyly:
Qashqyn el tartqan túrmys taqsiretin,
Suyn iship, kúneltken asyp etin.
Búlǵynayaq babamnyń áulielik,
Kórsete ketpekshimin qasietin.
Altaidyń keń bolsa da óris jaǵy,
Tauy biik, taqyrlau eńis jaǵy.
Berekesi astynda, ústi jaisyz.
SHuaqsyz kún núrynyń teris jaǵy.
Kózben kórip babalar eskertkende,
Keiingi úrpaq der me eken tús kórgen be?
Temirden at, teristen hat jazylyp,
Bailyǵy sonda ashylar kúsh kórgende.
Jón siltep Búlǵynayaq sóz qorytty,
Talaidan tartyp keldik biz qorlyqty.
Kóshelik osy ólkeniń kúngeiine,
Bolmaidy teristik jaq bizge ornyqty, – degen óleń arqyly jetti.
Búlǵynayaq áulieniń sózi boiynsha qyzailar Altaidan kóship, Barlyqtyń kúngeiine kelip qonystandy. Búl jerdiń auaraiy jyly, jeri betegeli, kóńseli, shóbi shúigin, qoi men túiege jaily jer eken. Sonymen el esin jiyp, mal ósirip kóterile bastaidy. Sol kezde qyzailardy Sybanbai bi basqaryp túrǵan eken. Sybanbai bi bir kúni Tekebai, Búlǵynayaq, Músirbaidy shaqyryp alyp:
– Keleshek zamanda qalai bolady, árqaisymyzdyń artymyz qalai bolady, sony boljap kórińder?, – dep súrapty.
Sonda jasy úlken Tekebai túryp:
– Sybeke, sizdiń artyńyzdyń qandai bolaryn bilmeimin, baiqauymsha, artyńyz tayaz bolady. Eki atadan keiin artyńyzdan úrpaq bola ma, bolmai ma belgisiz, – depti.
Sosyn sóz alǵan Búlǵynayaq:
– Tekebaidyń boljamy dúrys. Sizdiń tirliktegi abyroiyńyzdan ólgen kúngi abyroiyńyz asyp keter me eken? – dep oilap túrmyn depti.
Jasy kishi Músirbai aldyńǵy ekeuiniń aitqanyna qosylatynyn bildiredi.
Taǵy da sóz alǵan Tekebai:
– Maǵan qonǵan sheshendik ózimmen birge ketedi, úrpaqqa qalmaidy. Biraq sózim úrpaqtan-úrpaqqa auysyp otyrady, – depti.
Odan soń Búlǵynayaq:
– Meniń artym 5, 6 ataǵa sozylyp jetedi. Bolashaqtaǵy aitpai biletin, ashpai kóretin dáuirge jetedi. Biraq istegen isim keiingi úrpaqtyń arasynda keń jaiylmasa da, azdap aityla júredi, – degen eken
El olardyń boljamy dál keldi desip júr.
Sybanbai bi Jalańash kóldiń boiyna jerlengen.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi
Jalǵasy bar…
